Mika 3:5 - Luganuzi Luswanu Kuli Wanhu Wose 2002

⁵ Wanhu wangu nha wakukongwa ne wawizi wo wulambi, wono wakuwehuwiziza vyono wokwikala wapolile, wawo wono wakuwalipa, na wono siwakwituma zizo, wakuwakajiziza wulugu. Ninga kuli wawizi wawa, u Muwaha Mulungu yakuwatya.

Mika 3:5 ပူးပေါင်းရင်းမြစ်များ

Zimbazi 28:21

Nako kuwahijila mbejele wanhu, si kuswanu ng'o. Ninga mahakimu wanji, wakonga-kongwaga mu nzila yo kupegwa cinhu cidodo du ca mafupo.

Isaya 3:12

Nawo wanhu wangu wokwigalilwa ne wana, ne wacekulu wo wolowatema. Nye nyo wanhu wangu, i walongola wenyu wakumwajilizenyi, ho mulece kuyiwona nzila yono munojeye muyikole.

Yelemiya 23:27

Wene wakwihwesa nha vyono i zindoto zawo zono wakuzilonga, zosuma kuwanoza i wanhu wangu wasume kundeka 'ne, nha vyono, i walezi wawo wasemwa 'ne, wakawa kuhemba Baali.

Yelemiya 23:32

Alu muhulicize ta, zono nghutya ane no Muwaha Mulungu! Ane mbeka, nili mulugu we wawizi wawo, wono wendile kulonga ze zindoto zawo, zono zimemile wulambi wose du. Hambi nha wakwitumamila zizo zindoto zawo, no kuwajiliza wanhu ku soko yo wulambi wawo, hamonga no widunhumuzi wawo. Ninga ane hamba si niwatumile yaye, hamba kuwalajiliza kose. Kanyhi wasina hamba nghani yo yose, yono yosuma kuwataza wanhu. Vyo nghutya ane no Muwaha Mulungu.”

Yelemiya 6:14

Na kanyhi wakuziwona zinghomele ze wanhu wangu, kotya nha wikubule-kubule du wudodo. Hanyuma wawa kutya, ‘Aa! Zose swanu du.’ Na kumbe, hasina swanu hamba monga.

Yelemiya 6:4

Hanyuma yayo wolokwilonjela weneco wose wawe kutya, “Ale, mwiwikanizaje luno, cibite ciyihome Yelusalemi! Nhondo cibite mu madaha ge cinyamihe.” Ninga hanyuma kanyhi wolotya, “Nye, ninga cacela muno, mulanje luno, ne lizuwa lu lyeza kuswa, sunga ne mibeho ye cinyamihe yeza kutalimha.

I Cililo 2:14

Sunga ne wawizi wako nawo, weza wasina cinji cono wokulonjela, langa zo wulambi-lambi du. No wuganule wawo wukukongaga du, hamba si wukuwa kukulajila zo wubi wako. Na mu nzila yiyo, wakukunoza agwe, ho wiwone nha vyono wusina soko yo kunena.

Ezekiyeli 13:9

Nomuling'anizenyi no kumulipicizenyi, anye wose nyo wawizi mono mulongaga zo wugubulilwe wenyu wo wulambi, no kuwajiliza wanhu ku soko yo wuwile wenyu wono si we mbeka. Holeka ku soko yiyo, nanye si mowalilizwa yaye hamonga ne wanhu wangu, mu wihangulize wawo, sunga ne matagwa genyu, si gokwandikwa yaye mu zinghomo ze wanhu wa Isilayeli. Nanye hamba si molowuyila lukulu ku yisi yenyu. Nanye nhondo baho, ho molomanyila vyono, ane yo nene Muwaha Mulungu.

Hoseya 4:5

Vyono cilo na misi, anye mwikalaga mukuhodanga du, sunga ne wawizi nawo si wakwituma ziswanu. Nane nomongomeza u nyina yako, 'gwe, Isilayeli.

Yoweli 3:9

“Muwalonjelaje makungugo gose mutye, ‘Mwiwikanizaje so wulugu, muwacemaje we citung'ati wenyu, mukonghole wasilikale wose wabite ku wulugu!

Mika 2:11

“Wanhu awa, wakusaka muwizi mono yamemile wulambi no wukonji, mono yakutya ‘Nowila, divayi no wujimbi vilawile ko winji ku soko yenyu.’

Mika 3:11

Nawo i walongola, wakulitema likaya kwe mafupo, nawo wakohani, wakuwejiza wanhu Wulajilize ho watuje musahala, nawo wawizi, wakulonga zo wugubulilwe wawo ho walipwe mapesa. Nawo wawa wose wakwiyitya ti, vyono Muwaha Mulungu yali hamonga nawo. Kanyhi wakutya, “Hasina zimbi zono zocagana, hambi Muwaha Mulungu nha yali hamonga nase.”

Malaki 2:8

“Ninga alu, anye nyo wakohani, mwakondya kuwuka mu zinzila ze ling'ani, no wijize wenyu, wukuwatonga wenji ku wituma zimbi. Mwabena icilagane cangu cono calagana nanye.

Matayo 15:14

Muwalekaje wene! Hambi wene nha wabofu, kanyhi wene wakuwatonga i wabofu, no mubofu hono yamutonje u mubofu muyagwe, ale, wose vyono wejete wogwila mwikombo.”

Matayo 7:15

“Mwilanjililaje kuli iwawizi wo wulambi. Wono wakumuzizenyi, akuno wakwijela kunze nha ngholo, ninga mugati yawo ho maminzi makali.

Walumi 16:18

Hambi iwanhu wono wenha wawo, nha si wakumwitumamila Mutwa wetu Kilisito, langa wakuzitumamila izinda zawo weneco du. Kanyhi so zinghani zawo, no wuganule wawo wo wupepeleze, wakuwa kuwakonga iwanhu we zinhumbula zimhelu mhelu.