Mika 3:4 - Luganuzi Luswanu Kuli Wanhu Wose 2002

⁴ Hambi icipango nha cikuza, cono anye nanye molomulilila Muwaha Mulungu, ninga mwene si kolomupitulenyi yaye, hamba si kolowuhuliciza no wulombe wenyu, ku soko 'nye mwetuma zimbi.

Mika 3:4 ပူးပေါင်းရင်းမြစ်များ

Jobu 27:9

Na hono magayo gawagane, wukwihwesa 'mbi Mulungu kowahulika cililo cawo?

Jobu 35:13

Holeka wakwikataza bwete no kulila, hambi Mulungu mono yali vilungo, nha si yakuwawona hamba kuwahuliciza kose.

Zabuli 18:41

Wazoza izozo yiwaha, ninga hakawa hasina hamba yumonga wo kuwaponya, wamulilila Muwaha Mulungu, ninga nayo hamba kuwahuliciza yaye.

Zimbazi 1:28

Ale baho nanye, ho mulagalondolela mahala, ninga nane hamba si nolomutondowozenyi ng'o. Nanye molonondola hanhu hose, ninga hamba si molombona yaye.

Zimbazi 28:9

Na hono wulece kuwutyatya wulajilize, nayo Mulungu kowuwona wulombe wako si wuswanu, hamba si kowuhulika yaye.

Isaya 1:15

“Na lono mowa kunyasula miwoko yenyu kucanyha mu wulombe, hamba si nomutondowozenyi yaye. Hamba mulombe muhidimbaye, si nomuhulicizenyi ng'o, hambi miwoko yenyu, nha yimemile wuwulaji wose.

Isaya 3:11

Ninga woyi he, kuli wanhu wabi, hambi nha wolopegwa wulipicizwe, nha vyono wene nawo wawatendelaga vibi wayawo.

Yelemiya 11:11

Holeka sunga nalu, ane no Muwaha Mulungu, nghali kuwasugula du, nha vyono nowaletela wongomele wuwaha muno, wono si wosuma hamba kuwilega yaye. Nawo kolo wakundilila wakusaka wutazi, nane hamba si nowahuliciza yaye.

Yelemiya 14:12

Nawo hamba walece kulya, ninga 'ne hamba si nowahuliciziza lukulu cililo cawo ho niwaponye, ng'o. Hamba wandavizye ne cilavywa cinyanywe, hamonga ne cilavywa co wusaje, ane si nokwendezwa nawo yaye. Langa 'ne nowawulajila wose ku wulugu na mu nzala, na mu matamwa.”

Yelemiya 33:5

Wanji wolokwihoma ne Wababiloni, wono wolozimevya zinyumba ne mivimba ye wanhu, wono nolowawulajila nene mwi'kuwo lyangu. Nane nakondya kulileka likaya lili, ku soko ye makani mabi, gono wakwituma wanhu wayo.

Yelemiya 5:31

Hambi i wawizi nha weza wasina nghani zo kulonga, langa wakuwila zo wulambi du. I wakohani nawo, wakulondola zawo du weneco. I wanhu wangu nawo, wasina hamba zo kulonga muli zizo wene wakuwona zose swanu du. Ninga lu magu ta, hamba wolotendaci nhondo, kolo zeza kuza baho ku ndumo yayo?”

Ezekiyeli 8:18

Ninga wuwalekaje 'gwe, hambi nha wowuwona wukali we likuwo lyangu. Nane si nowaleka hamba kuwawonela lusungu yaye. Nawo hamba wandilile kwe mazi mawaha muno muno, ane hamba si nowahuliciza yaye.”

Mika 3:7

Na wawo wono wakuwila zono zikuza, wolokolwa cevu ku soko yo wuwizi wawo wo wulambi, nawo wose wolonyetywa, hambi Muwaha Mulungu nha si kolowapitula yaye.

Mika 7:13

Ninga yisi yolowa nyika, ku soko yo wubi we wanhu wono wekaye mumo.

Zakaliya 7:13

Alu vyono siwahuliciza zangu, holeka nane sinawapitula no wulombe wawo.

Matayo 7:22

Wenji wono wolononjela mwizuwa lyo wuling'anizwe wakutya, ‘Muwaha, Muwaha! Mwi'tagwa lyako, cayiganulaga inghani yako, na mwi'tagwa lyako calavyaga macisi, no kunoza vitanjilo vinji.’

Luka 13:25

Cipango cokuza, cono munya kaya kokwinuka, no kudinda mulango, nanye molokwanza kwima kunze, no kukong'onha ha mulango, mukutya, “Muwaha, wucidigulile mulango.” Nayo kolopitula yawe kumutyenyi, “Si nghumumanyenyi kono mulawile!”

Yohana 9:31

Cimanyile vyono Mulungu si yakuwa kuwahulika wanyo wubi, ninga munhu hono yawe kamogopaga Mulungu no kwituma zo wuhile wakwe, yuyo langa u Mulungu kamuhulikaga.

Yakobo 2:13

Hambi, u Mulungu nha kolowa yasina lusungu kolo yakumuling'aniza munhu mono yasina lusungu. Ninga lusungu lucizize wuling'anizi.

1 Samwili 8:18

Ne lipango lilyo kolo likuza, nanye mololila ko wusungu muno, ku soko ya yuyo mutemi wenyu mono nyenye nyo weneco mumuhaguye. Ninga Muwaha Mulungu si kolomuhulicizenyi yaye mumo mu cililo cenyu.”