Mika 3:11 - Luganuzi Luswanu Kuli Wanhu Wose 2002

¹¹ Nawo i walongola, wakulitema likaya kwe mafupo, nawo wakohani, wakuwejiza wanhu Wulajilize ho watuje musahala, nawo wawizi, wakulonga zo wugubulilwe wawo ho walipwe mapesa. Nawo wawa wose wakwiyitya ti, vyono Muwaha Mulungu yali hamonga nawo. Kanyhi wakutya, “Hasina zimbi zono zocagana, hambi Muwaha Mulungu nha yali hamonga nase.”

Mika 3:11 ပူးပေါင်းရင်းမြစ်များ

Zimbazi 17:23

Mahakimu wabi, wabocelaga mafupo cinyele, ho wazajilize nzila zo wuling'anizi.

Isaya 1:23

Ne walongola wako weza wagaluci, nalu wakondya kwiyenda ne wahizi, alu weza wabocelaga vipegwa hamonga ne mafupo. Wakondya kuleka no kuwataza, i wana wono wasina walezi, mu zinghani zawo, hamba kuwahuliciza bwete i wacekulu wafwile mu zinghani zawo.

Isaya 48:2

Ninga hamba nhavivyo, mukali mukwilumba mukwiyitya nha vyono anye muli we likaya lyono lyelile, na kanyhi mumwitumbiye Mulungu wa Isilayeli, mono yakucemwa yo Muwaha Mulungu we mihanga.

Isaya 5:23

Na kanyhi so wulya mafupo wenyu, mukuwa kuwawopolela wanhu we masutya, no kuwemila ling'ani yawo i wanhu wono wasina masutya.

Isaya 56:11

Kanyhi wehwana i mabwa malaku gono si gegutaga yaye. Na kanyhi walongola wawa, mbeka wasina hamba wizuce bwete. Hambi nha wene wose, munhu yakwituma nha vyono yakusaka mweneco du, no kulondola cambuzi cakwe du mweneco.

Yelemiya 23:17

Wene wakuwalonjela i wanhu wono wasina cihuliko kuli'ne, nha vyono zose zowawela swanu du. Na kanyhi wakuwalonjela wose wono wasina cihuliko, nha vyono magayo go gose si gowagana yaye.”

Yelemiya 26:7

Ale, du, i wakohani ne wawizi, hamonga ne wanhu wose, wakahulika lono nazilongaga zinghani zizi baho ha Nyumba yo Mulungu.

Yelemiya 5:12

I wanhu wo Muwaha Mulungu wakondya kumulema Mulungu wawo, akuno wakutya, “Hambi nha si kosuma kwituma cinji. Nase hamba si cosuma kutuga magaziko yaye, hamba si cosuma kuwa no wihomi, hamba kutuga nzala yaye.”

Yelemiya 6:13

Hambi wanhu wose i wadodo sunga ne wawaha, nha wahidimbaliye mu wutujila sawo, mu zinzila zo wuhizi du. Sunga ne wawizi, hamonga ne wakohani, nawo wose wakwituma metumo go wukoci du kuli wanhu.

Yelemiya 7:4

Mulecele lukulu kwitumbila zinghani zizo zo wulambi, zo wutya ‘Ase cipolile, hambi ayi nha yo Nyumba yo Mulungu! Nha yo Nyumba yo Mulungu! Nha yo Nyumba yo Mulungu!’

Yelemiya 8:10

Holeka nane lu, noyisola migunda yawo, niwapele wanhu wanji, sole ne wacekulu zawo nawo, mhele walume wanji. Alu lanje, vyono wanhu wose i wawaha ne wadodo, wakujela kwitujila pesa mu zinzila zo wukoci. Sunga ne wawizi, hamonga ne wakohani, nawo nhavivyo du, wekalaga wakukonga-konga wanhu.

Ezekiyeli 22:12

Na wanji wa muli wanhu wako wakuwa kusolwa no kulipwa malipo, wawa kutumwa wabite wakawulaje munhu. Na wanji wakudaya ngomola so migawa yono wandugu zawo Waisilayeli wawakopile, hanyuma wawa kwigolifya muno so cambuzi cono cikulawa kuli wandugu zawo. Wene wakondya kusemwa'ne.” Vyo yakutya no Muwaha Mulungu.

Ezekiyeli 22:27

Nawo i wetumami we selekali, wehwanile maminzi, gono gahawangaga zinimu zono gakondya kuziwulaga. Wakuwulaga wanhu, wene ho wagolipe.

Ezekiyeli 34:2

“Gwe go munhu, wuwalonjele no kuwawilila, i wadimi wose we yisi ya Isilayeli, wuwamanyize zono ane no Muwaha Mulungu nghuwalonjela nghutya, Woyi hee, anye nyo wadimi wa Isilayeli! Hambi nha mwiyilisaga nyo weneco du, hamba si mukuzilisa zingholo yaye.

Hoseya 4:18

Kolo wakung'wa divayi nyinji, wakwendezwa no wusenyha wawo, nawo wendile cevu si nhe lilumbo.

Hoseya 4:8

Hambi nha mukugolipila mu wubi we wanhu wangu. Na ku soko yiyo holeka mukuwona viswanu wene wajendelele kwituma zo wubi.

Amosi 5:14

Munoze wuhile wenyu, wuwe kwituma zono zili ling'ani, hamba si zimbi yaye, holeka mokwikala womi. No Muwaha Mulungu we mihanga, kowa hamonga nanye nha vyono mwihuwiye, vyono, mwene yali baho.

Amosi 9:10

Na wanyo wubi wa muli wanhu wangu, wolowulagwa ku wulugu, na wose wono wakutya, ‘Mulungu sikoleka zimbi zicagane.’ ”

Mika 3:5

Wanhu wangu nha wakukongwa ne wawizi wo wulambi, wono wakuwehuwiziza vyono wokwikala wapolile, wawo wono wakuwalipa, na wono siwakwituma zizo, wakuwakajiziza wulugu. Ninga kuli wawizi wawa, u Muwaha Mulungu yakuwatya.

Mika 7:3

Wose wanghula muno ku wituma zo wavu. Wanhu wawaha hamonga ne mahakimu, wakulomba mafupo. Nayo u munhu muwaha yakuwalonjela zono yakuhila mu nhumbula yakwe nawo wawa kwilumbaniza nayo.

Zefaniya 3:3

Ne wawaha wayo wabuguci, wehwanile zisimba zono zikukoloma, ne Wahakimu wayo, nawo wehwanile maminzi ge camihe gono gadabuce, gono si gasigazaga hamba cinji, lono wela hakali mitondo.

Zefaniya 3:4

Ne wawizi wayo si wehuwilwa, kanyhi wakonji. Wakohani nawo, wahatajila wavu i hanhu hono helile, kanyhi wakulipitula ne lilajilizo lyo Mulungu ku soko ye cambuzi cawo weneco.

Malaki 1:10

U Muwaha Mulungu we mihanga yakutya, “Yali yiwe yili ciba yunji wa muli nyenye, yadinde milango yo wuhembelo, ho muze mulece kwasa moto wono wusina cambuzi mu cikumbicilo cangu. Ane singhwendezwa nanye hamba hadodo, hamba sinovibocelela lukulu ne vilavywa vyono mukundavizya.

Malaki 2:9

Holeka nane, nowanoza i wanhu wa Isilayeli, wamusekanjenyi muno, vyono si mukuwutyatya wuhile wangu. Na lono mukuwejiza wanhu wangu, hamba si mukuwanozeza wose muling'ano.”

Wuwale 16:15

Hobaho nayo Musa yakawa kukolwa ne likuwo, yakawa kumulonjela Muwaha Mulungu yakutya, “Gwe go Muwaha Mulungu, wulecele lukulu kubocela cilavywa ce liwala lyolyose lyono wanhu wawano wokuletela. Ane nghali si namusutizya yunji wowose wa muli wene. Nane nghali si nasola hamba ndogowe yawo monga.”

Wuwale 22:7

Nawo Wamowabi hamonga ne Wamidiyani, wakasoleleza hamonga ne malipo so gago malijito, wakawa kubita kuli Balamu, wakawa kumulonjela zose zono Balaki yawatumile kuli mwene.

Matayo 3:9

Mulece kwihwesa 'mba vyono mosuma kwitetela no kutya, “Ase cili wana wa Abulahamu! Ane nghumulonjelenyi mbeka, vyono u Mulungu kosuma kuganoza imabwe gaga gawe wana wa Abulahamu.

1 Timoteyo 3:3

yalece kuwa mukolwa, hamba munhu we ciwuma wuma, langa yeze mupolo, mono yendile mulamu, kanyhi yalece kuwa munhu mwenda pesa,

Tito 1:11

Yiwanojeye i milomo yawo yidindwe, hambi nha weza kuwahodanga i wanhu wose so mejizo gawo gono si gawanojeye wejize, nawo wakwituma zizo ko wuhile wubi wo kusaka ho watuje mapesa.

1 Petelo 5:2

muyidimaje yiyilya imhuga yo Mulungu yono mwapegwa, muyilanjilile, si ne dindimiza langa kwe nhumbula, nha vyono kasakaga Mulungu. Muwitumaje u mulimo wuwo si kwe masulumizi ge zipesa, langa kwe nhumbula zenyu zose.

Yuda 1:11

Woyi he! Iwanhu wawo wakugatyatya i metumo ga Kayini. Nawo weyinjiza mu masutya ga Balamu ku soko ya wenda pesa. Wakondya kuwa wabezi kotya Kola vyono yali mubezi, wakondya kongomezwa nha vyono Kola yongomezwa.

1 Samwili 8:3

Ninga hamba siwatyatya zinzila zo sogo yawo yaye. Langa wene wakatyatya zinzila zawo weneco du zo wulondola mapesa. Na mu wuwe wuwo, wakawa wakubocela mafupo, holeka hamba si wasuma kulamula vyalo vye wanhu mu nzila ye ling'ani.