Mika 3:1 - Luganuzi Luswanu Kuli Wanhu Wose 2002

¹ Ale muhulicize, anye nyo walongola wa Isilayeli! Yinojeye kuli'nye muyimanye ling'ani,

Mika 3:1 ပူးပေါင်းရင်းမြစ်များ

Nehemiya 13:17

Nghawakalipilanga kanyhi i walongola we Ciyahudi nghawatya, “Alu ta mulanje azi zo wavu zono mukwituma! Mweza kuyihodanga Sabato, ho liwe yizuwa lyono si lyelile.

Zabuli 14:4

Alu Mulungu nayo yakutya, “Mwene wawo wono wakwituma makani wubi, alo wasina wizuce lo? Wono wakuwahiziza wanhu wangu, hamba si wakuhemba ane yaye.”

Isaya 1:10

Nagwe Yelusalemi, i walongola wako hamonga ne wanhu wako, wose nha wabi wehwana ne wanhu wa Sodoma na Gomola. Alu muhulicize zono Muwaha Mulungu yakumulonjelenyi. Muteje likutu kuli zono Mulungu wetu yakumwijizenyi.

Isaya 10:2

Nayo yo yikuleka mukuwewajiza waciwa, mu zinghani zawo ze ling'ani, ho walece kutuga ling'ani yawo. Kanyhi na yiyi yo yikuleka mukuwasolela zisawo, i wacekulu wono wafwiliywe ne walume zawo, na ye wana wono wasina walezi wawo.

Ezekiyeli 22:6

Ne walongola wose we Waisilayeli, nha weyitumbiye weneco vilungo vyawo, kanyhi wawulaji.

Ezekiyeli 34:2

“Gwe go munhu, wuwalonjele no kuwawilila, i wadimi wose we yisi ya Isilayeli, wuwamanyize zono ane no Muwaha Mulungu nghuwalonjela nghutya, Woyi hee, anye nyo wadimi wa Isilayeli! Hambi nha mwiyilisaga nyo weneco du, hamba si mukuzilisa zingholo yaye.

Ezekiyeli 34:3

Hambi nha mung'wezaga mele, no kuvwala i myenda yo wukunzeje we zingholo, akuno mukuziwulaga no kuzilya zingholo zono zijinile.

Ezekiyeli 9:9

Ninga Mulungu yakamhitula yakatya, “I wanhu wa Isilayeli na Yuda, wetuma wubi muno. Hambi yisi yose nha yimemile wu wulaji, kanyhi wakondya kuyinjiza Yelusalemi mu wu wula cihuliko, wakondya kugabena malajilizo gangu. Kanyhi wakutya, ane no Muwaha Mulungu, nakondya kuyileka yisi yawo, na vyono ti, hamba si nghuziwona na zono wetumaga.

Hoseya 5:1

“Ale, muhulicize zizi, anye mo wakuhani! Muhulicize nyo Waisilayeli! Muteje makutu genyu anye nyo we nyumba yo mutemi! Hambi nha munojeye nyenye mulavye ning'aniza ye mbeka. Ninga alu, wuling'anizwe womuwuyilenyi nyenye nyo weneco. Hambi nha mweza muli mutego ku Mizipa, no lwavu lono lugoloywe mwi'tunda lya Taboli.

Amosi 4:1

Hulicizenyi zizi, anye nyo wacekulu wa Samaliya, mono mujinaga nhe zing'ombe za Bashani, mono mukuwatendela vibi wono wasoceye, no kuwewonela i waciwa, no kusaka walume zenyu wamupelenyi wujimbi we mawala gose mung'we.

Amosi 6:1

Yolowa nghani ya kogofya muno, kuli 'nye mono mwina mikalile miswanu nhavi mu Siyoni, na kuli nye mono mukwihwesa nha mwikaye mupolile mu Samaliya, anye mo wanhu wawaha mu nghungugo mbaha ya Isilayeli, anye mono wanhu wa Isilayeli wakuwa kumuzizenyi wakulondola wutazi kuli'nye!

Mika 2:13

Nayo Mulungu kowadigulila nzila, no kuwalongolela, wawuce mu wulawa mu yisi yo wujenzi. Wogabenanjiza malango ge likaya no kubita wapolile. No mutemi wawo, u Muwaha Mulungu mweneco, yo kolowatonga.

1 Wakolinto 6:5

Mbeka yo nghani ya cevu kuli'nye! Alu hongo wo wutya, hasina munhu hamba monga muli nyenye, mono kowa ne mahala go kusuma kuling'aniza muli wawo Wakilisito?

Wukumbucize wo Wulajilize 16:18

“Kanyhi muwawikaje walongola hamonga ne watazi wawo, mu makaya gose gono Muwaha Mulungu u Mulungu wenyu yakumupelenyi. Nawo wanhu wawa, u mulimo wawo, wowa kuwalamula wanhu ko wuling'anizi we ling'ani.