Mika 2:9 - Luganuzi Luswanu Kuli Wanhu Wose 2002

⁹ Mukuwataga i wagolece we wanhu wangu, kudeha ye zinyumba zawo zono wazendile, kanyhi mukuwaboka i wana wawo wo wulugutwe wangu cibitilila.

Mika 2:9 ပူးပေါင်းရင်းမြစ်များ

Zabuli 72:19

Ilitagwa lyakwe lye nhojo, likumywe cibitilila. No lukumyo lwakwe lumeme mu yinze yose. Heya, heya!

Yelemiya 10:20

Alu lanje vyono, sunga ne mahema getu gasakala, ne milejehe yono yali yigawopile, nayo yakondya kudumukanjika. Ne wana wetu nawo, wose wakondya kubita, alu wali hasina. Holeka heza hasina, hamba munhu wo wose kanyhi, mono kocikomela mahema getu, hamba mono kosuma kucidumulila mabupa ne magayo pazigeya.”

Ezekiyeli 39:21

U Muwaha Mulungu yakatya, “Ane nowanoza i wanhu we makungugo, wayiwone nhojo yangu, niwalajile nha vyono nosuma kuwufisiliza wuhile wangu kwe ling'ani.

Yoweli 3:6

Mukawasola wanhu wa Yuda na Yelusalemi, mukawategula kutali ne yisi yawo, mukawaguza ku Wagiliki.

Amosi 2:7

Wakuwewonela wanhu wono wasoceye, na wono wasina wutazi, no kumwivyajiza nzila muciwa. U munhu no sogwe, wose wakuhanga kugona no muhinza yumonga muwanda no kulyavufya litagwa lyangu lyono lyelile.

Mika 2:2

Na lono wawe wakusaka migunda, hodu, wakuyisola kwa vilungo, na lono wakusaka zinyumba, nazo wakuzisola, hasina mhuga yo yose, hamba sawo, yono yisigaye yipolile.

Habakuki 2:14

Ninga yinze yolowa yimemile wumanye wo lukumyo lo Mulungu nha vyono lilenga limemile malenga.

Zakaliya 2:5

Muwaha Mulungu mweneco, yelahiza vyono, u mwene yo kolowa majinji go moto gono gololipilima likaya no, kulidima kanyhi mwene kolojendelela kwikala baho nhondo zose, hamonga no lukumyo lwakwe lose.”

Matayo 23:13

“Woyi he kuli'nye mo wejizi wo Wulajilize ne Wafalisayo, mo wakoci! Mono mukuwadindila iwanhu u mulango wo Wutemi wa ku wulanga. Nanye mo weneco si mukwinjila mugati, kanyhi hamba si mukusaka kuwakombola wono wakusaka kwinjila ho wenjile. [

Maluko 12:40

Wakuwewonela i wacekulu wafwile, no kuwasolela i vinhu vyawo, akuno wakwikonjeleza ko kulomba wulombe wutali muno! Ninga mwizuwa lyo wuling'anizwe, wolotuga wulipicizwe wuwaha muno.”

Luka 20:47

Wene wakuwewonela iwacekulu wafwile, no kuwasolela ivinhu vyawo, akuno wakwinoza nha waswanu, so wulomba wulombe wutali muno ko wukoci. Wawo wotuga wulipicizwe wuwaha muno muno mwizuwa lye ning'aniza.”

2 Wakolinto 3:18

Holeka ase wose mono si cifunicize wusu wetu, cikululajila lukumyo lo Muwaha kotya nha mwi'lole, no lukumyo lulo nalo lono lukulawa kuli Muwaha, mono wo Muhe, wucikawanizaga ho cihwane muno muno ne cihwani cakwe, ku so lukumyo lono lucilile.

2 Wakolinto 4:6

U Mulungu mono yatya, “Uwuzelu wubulile mu wutitu,” yo yuyo kanyhi mono yakuwa kuzibulilila ne zinhumbula zetu, kanyhi yo kacipelaga u wumanye wose wo lukumyo lo Mulungu, wono wukuwa kung'alala mu wusu wa Kilisito.

1 Samwili 26:19

Gwe mutemi, wuhulicizaje 'ne, zono nghusaka kuzilonga. Hono yawe Muwaha Mulungu yo yakukundujize ho wuminje, ale i cilavywa comunoza yawupitule wuhile wakwe wuwo. Ninga hono wawe wanhu wo wazinozize zizo, ale, wulijite wo Muwaha Mulungu wuwaficile. Hambi nha waminga ane, ho mbuce mu yisi yo Muwaha Mulungu, ho mbite ku yisi yono yonyambuza niwe kuyihemba milungu yinji.