Mika 2:6 - Luganuzi Luswanu Kuli Wanhu Wose 2002

⁶ Nawo wanhu wakunganulila wakutya, “Wulece kuganula hali'se. Wulece kuganula muli zizi zose. Hambi Mulungu nha si kocikoza cevu.

Mika 2:6 ပူးပေါင်းရင်းမြစ်များ

Zabuli 74:9

Vitanjilo vyetu vyose vyono vyelile, sicikuviwona lu, alu ceza cisina hamba muwizi. Hamba si cimanyile zizi, zojendelela kuwa nhavivi sunga nili!

Isaya 29:10

Hambi Muwaha Mulungu nha kamupelenyi nhongo ze lifwefwe, ho mugone hawaha. Kanyhi yali yiwanojeye wawizi wawe go meso ge wanhu, ninga Mulungu yakondya kuwabofuza meso gawo.

Isaya 30:10

Wakuwalonjela wawizi wanyamale twii, wakutya, “Anye nyo wawizi, mulece kucilonjela za hayi ze ling'ani. Langa mweze kucilonjela zono na sese cosaka cizihulice. Mucilekaje 'se cijendelele no wukoci wetu.

Ezekiyeli 20:46

“Gwe go munhu, wupituce ta, wulanje ku lubavu lwa kutakama. Wulonje ne yisi yiyo yo lubavu lulo lwa kutakama, wukawawilile i wanhu wono wekaye mu mbago ya Negebu.

Ezekiyeli 21:2

“Gwe go munhu, wuyitacilaje Yelusalemi. Wuhatacilaje i hanhu hose hono wanhu wahembelaga. Wuyisugule yisi ya Isilayeli.

Ezekiyeli 3:26

Nane nolunamatiza lulimi lwako mu malaka gako ho wuwe cibwibwi, ho wulece kusuma kuwasugula i wanhu wawa i wabedegazi.

Amosi 2:12

Ninga nye mwawanoza wanazili wang'we divayi, no kuwalajiliza i wawizi, walece kulonga zinghani zangu.

Amosi 7:13

Ninga wulece kuwila kanyhi ahano hono Beteli. Hambi aha, nha ho hanhu hono mutemi kahembelaga ho ha wuhembelo we likungugo.”

Amosi 7:16

Holeka alu, wuhulicize vyono Muwaha Mulungu yakutya. Agwe wukunyitya vyono ndece kulavya wuwizi hamba kuganula kuli Waisilayeli.

Mika 3:6

“Anye nyo wawizi, lizuwa lyenyu lili behi malika, nalyo lizuwa lyeza kumuswelenyi. Hambi nha mwawajiliza wanhu wangu, holeka hamba simowa no wugubulilwe wunji wo wose, hamba simosuma kuwila kanyhi cinji co cose.”

Mika 6:16

Na zizi zolomuzizenyi ku soko vyono mwagatyatya metumo mabi go mutemi Omuli, na go mwanagwe mutemi Ahabu. Vyono mukujendela mu zinghani zawo, holeka nane nomutegulenyi sunga ko ku wongomezwe, ne wanhu wose womubedegalenyi, no kumwitumilenyi vyono wakuhila.”

Metumo ge Watumwa 4:17

Ninga hono cisace nghani yiyi yilece kutandala muli wanhu, ale ciwogofyaje, ho walece kujendelela kulonga kanyhi na munhu wo wose mwi'tagwa lya Yesu.”

Metumo ge Watumwa 5:28

“Ase camulemezenyi cagalanze, vyono mulecele lukulu kwijiziza mwi'tagwa lyo munhu yuyu, alu kumbe anye mwagatandaza imafundo genyu hanhu hose mu Yelusalemi, sunga nalu mukuhila kuciletela lilema lyo wufwe wo munhu yuyo.”

Metumo ge Watumwa 5:40

Nawo waza kuwacema watumwa, wakawakuna viboko, no kuwalonjela vyono, walecele lukulu kwijiza mwi'tagwa lya Yesu, hanyuma wakawa kuwaleka wabite.

Metumo ge Watumwa 7:51

“Anye mo wakamu ku wuhulice! Izinhumbula ne makutu genyu vinha vye wanhu we makungugo. Anye mwinha i wakuku zenyu. Nhondo zose mumwimilaga u Muhe Mono Yelile.