Mika 2:4 - Luganuzi Luswanu Kuli Wanhu Wose 2002

⁴ Ne vilo vivyo, kolo vikuza, wanhu wolosimulila ze mikalile yenyu yo wugaye, ciwe colecezo, nawo wawe kwimba no lwimbo aluno lwe cililo, lono lukulajila zono zamutujenyi, wawe kutya, ‘Cakondya kuhodanjilwa lukulu! Muwaha Mulungu yakondya kuyisola yisi yetu, no kuwapela wono wacinozize mateka.’ ”

Mika 2:4 ပူးပေါင်းရင်းမြစ်များ

2 Samwili 1:17

Dawudi yakawalilila Sawuli no mwanagwe Yonazani.

2 Zinghomo 35:25

Nayo muwizi Yelemiya, yakatula lwimbo lo kumulilila mutemi Yosiya. Nawo wukawa wo moto we wembi wose mu yisi yose ya Isilayeli, we cilume na we cicekulu kulwimba lwimbo lulo, lono wakumulilila Yosiya. No lwimbo lulu, luli mu citabu ce Cililo.

Jobu 27:1

Jobu yakapitula yakatya,

Isaya 14:4

Nayo kolo yakondya kuwanozeza zizo, ale nawo womusekanga no kumuzwajiza wawe kutya, “Lanjenyi ta u mutemi mono yawakunhulangaga wanhu, alu yali hayi? Yakondya kugwa! Nalu, hamba si kolomukunhulanga yunji kanyhi!

Isaya 24:3

Yinze yolokwiyagazwa no kongomezwa. Muwaha Mulungu yo yalonjile, na vyo zowa zinha.

Isaya 6:11

Nane nghawuza nghatya, “Gwe Muwaha Mulungu, alu zizi zokwijela nili?” Nayo yakapitula yakanyitya, “Zizino zokuza kolo makaya gose gekala matongo gasina wanhu, sunga kolo zikaya zekala bwete, ne yisi yalekwa wuciwa wuwaha.

Yelemiya 14:18

Nane lono nghubita mu mawimbi, nghuyiwona i miwili ye wanhu wono wawulagwe mu wulugu, na kolo nghubita mu makaya, namo nghuwawona i wanhu wono wakugaya no kufwa so nzala. Ninga nawo i wawizi hamonga ne wakohani, wene wajendeleye du ne milimo yawo, hamba kumanya yaye na cono wakwituma.”

Yelemiya 4:13

Ale, wulanje ta, i walugu wakuza wenji muno wenha mavunde. Ne magali gawo go wulugu, gehwanile libeho lyono likupilima-pilima, sunga ne zifwalasi zawo, zikumangha musunho muno muno kuciza 'ndi. Woyi hee! Alu langa cajilila! Alu ho cawona wusungu!

Yelemiya 6:12

Ne zikaya zawo, wolopegwa wanhu wanji, hamonga ne migunda yawo, ne wagolece zawo. Nane nhondo nowalipiciza i wanhu wose wa mu yisi yiyi.

Yelemiya 8:10

Holeka nane lu, noyisola migunda yawo, niwapele wanhu wanji, sole ne wacekulu zawo nawo, mhele walume wanji. Alu lanje, vyono wanhu wose i wawaha ne wadodo, wakujela kwitujila pesa mu zinzila zo wukoci. Sunga ne wawizi, hamonga ne wakohani, nawo nhavivyo du, wekalaga wakukonga-konga wanhu.

Yelemiya 9:10

Nane Yelemiya nghatya, “Ale, nane nogalilila matunda, no kugalavya mahozi gangu ku soko yo wudimilo. Hambi wudimilo wose nha wanyala hasina hamba yunji kanyhi mono yakukolela mumo. Ne mazi ge zimitugo, gapela no kuhulikwa mumo. Sunga ne malimu gose hamonga ne zindeje, vyose vyakondya kuwuka mumo.”

Yelemiya 9:16

Noweyagaziza mu makungugo ganji, gono weneco, hamba ne walezi wawo, wali si wagamanyile yaye. Nowatumila walugu, nghawongomezeze lukulu.”

Ezekiyeli 16:44

Muwaha Mulungu yakatya, “I wanhu, wosuma kuyitumamila i mbazi yiyi kuli'gwe Yelusalemi, yono yikutya, ‘Nha vyono yenha nyina yo munhu, ale, nayo mwanagwe we cicekulu vyo kowa yenha.’

Ezekiyeli 2:10

U muwoko wuwo, wukawa kucitandakula citabu cico cipalinje, nane nghawona cali cina mandiko mbavu zose. I cililo co wusungu cali candicigwe mumo hamonga no wugule!

Yoweli 1:13

Ale, muvwale magunila, mulile, anye nyo wakohani mono mwitumaga ha cikumbicilo! Mubite mu Nyumba yo Mulungu mukalile cilo cose! Hambi nha heza hasina vilavywa vyo wuhemba ne divayi, vyono momulavizya Mulungu wenyu mu Nyumba yakwe.

Yoweli 1:8

Anye nyo wanhu, mulile nho mwana munyacipale, mono yafwilwa no munhu mono yali hila kutolwa nayo.

Amosi 5:1

Muhulicize anye nyo Waisilayeli, lwimbo lwe maziko, lono nghumwimbilenyi!

Amosi 5:17

Kolowa na cililo mu migunda yose ye mizabibu. Azi zose zolokwijela ku soko, ane nghuza nimuling'anizenyi.” Vyo yakutya Muwaha Mulungu.

Mika 1:15

Nanye nyo wanhu wa Malesha, Muwaha Mulungu komuwicenyi mu miwoko yo mulugu, mono kolitema likaya lyenyu. Ne watemi wa Isilayeli, wobita kwihundika mu mapango ga Adulamu.

Mika 1:8

Mika yakatya, “Ku soko ya zizo, ane nolila muno muno, ndajile wusungu wono nina. Nojenda kwa magulu sina malatu, kanyhi nili cipwi, nowa kubweka nha nyhewe, kanyhi nolila nha nyacihema.

Mika 2:10

Muwuce mubite, hambi ahano nha hasina kanyhi wuceho. Hambi u wubi wenyu, nha wahaletela wufwe hanhu baha, hamonga no wongomezwe.

Habakuki 2:6

Ninga iwanhu wono wakuwasuma, nawo wolowazwajiza wono wawasumize, kanyhi wolowabedegala. Wolotya, “Mwavisolaga vyono si vyali vyenyu, ninga 'lu woyi hee kuli'nye! Hamba mojendelela wule 'lu kanyhi, mu wugoli wono mwetujila mu nzila yo kuwadaya kwa vilungo wono wali wakopile kuli'nye ho wamulipenyi?”

Zefaniya 1:2

Muwaha Mulungu yakatya, “Ane novihodanga vinhu vyose vyono vili mono'nze,

Wuwale 23:18

Balamu yakawa kwanza kuzilonga zo wuwile wakwe yakutya, “Gwe Balaki, wuze go mwana wa Zipola, Wuhulicize kuli zono nozilonga.

Wuwale 23:7

Hobaho Balamu yakawa kwanza kuzilonga zo wuwile wakwe yakutya, “Balaki u mutemi we Wamowabi kanyhema, ku wulawilila ku Siliya, mu matunda ga kucilima, Kanyitya, ‘Wuze wundijitile Waisilayeli.’

Wuwale 24:15

Hobaho Balamu yakawa kuwila yakutya, “Azi zo nghani zono yakulonga Balamu, u mwana wa Beyoli, zo nghani zo munhu mono yakuziwona calinze.

Wuwale 24:3

yakawa kuwila yakutya, “Azi zo nghani zono yakulonga Balamu u mwana wa Beyoli. Zo nghani zo munhu mono yakuziwona calinze.

Maluko 12:12

Iwakohani wawaha ne Wejizi wo Wulajilize ne wanyamhala, wakatanga vyono i cihwanicizo cico calongaga weneco. Holeka wakajela kumwibata, ninga wakalyogopa i lipuga lye wanhu. Holeka wakamuleka wakawa kubita.

Wukumbucize wo Wulajilize 28:29

Nanye mowa kwalabata kwalabata mu misi nha vyono munhu mubofu kalabataga mu wutitu. Nanye hamba si mosuma kuyiwona nzila. Kanyhi hamba si momoteswa mu milimo yenyu yose. Kanyhi mowa kwiwonelwa no kusolelwa vinhu vyenyu, ninga hamba nhavivyo, howa hasina mono komuponyenyi.