Mika 2:3 - Luganuzi Luswanu Kuli Wanhu Wose 2002

³ Holeka Muwaha Mulungu yakutya, “Nghwihwesa nimuletelenyi magazo, gono si mosuma kupona, langa mokwiwona mwenjila du mu wugaye, wono womunozenyi mulece kwilumba kanyhi hamba hadodo.

Mika 2:3 ပူးပေါင်းရင်းမြစ်များ

Isaya 29:20

Na mwizuwa lilyo lyolowa lyo lizuwa lyo mudumo kuli wanhu wono wendile kuwewonela wayawo, no kumubedegala Mulungu. Ne wanyo wubi wose, wolokongomezezwa lukulu.

Isaya 3:16

Muwaha Mulungu yakutya, “Lanje ta, i wacekulu wa mu Yelusalemi vyono wewoni! Wajendaga wagalamice mhula zawo mucanyha. Nhondo zose wekalaga wakukonyeza, ne meso gawo go wulembule. Wajendaga wakunyata, ne zimbilili zawo zikulila.

Isaya 5:19

Hambi nha mutezaga, “Ale, Muwaha Mulungu, na yetume mbela zono katezaga kokwituma, nase ho ciziwone. Lecenyi Mulungu mono yelile we Waisilayeli, yetume za mu mahweso gakwe. Mulece ciziwone zono zili mu mutima wakwe.”

Yelemiya 18:11

Holeka luno, wuwalonjelaje i wanhu wa Yuda, hamonga ne wanyawusi wa Yelusalemi, nha vyono, nane nhondo, neza kwiwikaniza niwalipicize. Holeka wuwalonjele vyono, yiwanojeye walece kujendelela ne mikalile yiyo yo wituma wubi. Langa yiwanojeye luno wazipitule zinzila zawo, hamonga ne zimbi zono wakwituma.

Yelemiya 27:12

Nane Yelemiya, nghamulonjela Zedekiya u mutemi we yisi ya Yuda, zinghani zizo zose nha vyono zinha, nghamutya nhavi, “Alu 'gwe go mutemi Zedekiya, wiwikaje mu miwoko ya Nebukadineza, u mutemi wa Babiloni. Wumwitumamile hamonga ne wanhu wakwe, holeka nagwe kowumipa.

Yelemiya 34:17

Holeka nane, ane no Muwaha Mulungu, nghuwona nha vyono, anye mwawula cogopo kuli 'ne. Hambi nha si muwakomboye wawe welecele i wandugu zenyu Waisilayeli. Ale, heya, viswanu. Nane nomupelenyi nanye welecele, u welecele wo kufwila ku wulugu, na mu matamwa, na mu nzala. Nane nowanoza makungugo gose, wogofywe muno so zono nomutendelenyi 'nye.

Yelemiya 36:23

Nayo Yehudi yaza kuwa yasoma kalatasi yidatu hamba yine nhavi, hodu mutemi yakayidemulanga kalatasi yiyo ko mumaje, yakawa kuyigumila mu moto, nayo yikawa kuticimilila lukulu yose mu moto.

Yelemiya 43:2

Nane nali neza kondya kuzilonga zizo zose, hobaho Azaliya u mwana wa Hoshaya, na Yohanani, u mwana wa Kaleya, hamonga ne wanhu wose i wedunhumuzi, wakawa kunonganga wakutya, “Gwe Yelemiya, awo wulambi wako du. U Muwaha Mulungu, u Mulungu wetu, hamba si yakulajilize yaye wuze wucilonjele, cilece kubita kwikala ku Misili ng'o.

Yelemiya 8:3

Ne wanhu wawa wabi, we likungugo lili, wono wowa wakali wasigaye womi, wono wowa wakali wekaye mu zi'si, mono naweyagaziza, wolokwenda wafwe si nho kwikala womi. Vyo nghutya ane no Muwaha Mulungu u Mudaha Vyose.”

I Cililo 1:14

“No wubi wangu wose mwene yawuwene, kanyhi kawuwopeleza wose hamonga, kawutumbika mu singo yangu. Nane nghuwula vilungo, ku soko yo wuzito wayo. Muwaha Mulungu kanyinjiza mu miwoko ye walugu wangu, nane niwa sina wo kunhaza.

I Cililo 2:17

Alu Muwaha Mulungu, nhondo ketuma zono yali yazitemizye kuzituma. Kacihodanga yasina lusungu nha vyono yacilonjela. Kawapela walugu wetu wusume, kawapela wusangalale so wutamiswe wetu.

I Cililo 5:5

Wacimasha duu, kotya cili madogowe hamba ngamiya, sunga nhondo cakatala. Ninga hamba nhavivyo, si wakucileka ciceheze yaye.

Danyeli 4:37

Nene Nebukadineza, nghumulumbiza no kumupela cogopo, hamonga no lukumyo, u mutemi wa ku wulanga. Hambi zose zono ketumaga, nha za mbeka, kanyhi ze ling'ani. Kanyhi yo kamunyetyaga munhu wo wose mono yakwikumya.”

Amosi 2:14

Hamba no munhu mumanyhi sikolotiga yaye, no munhu we vilungo kolowula, vilungo vyakwe, no musilikale sikolosuma kuponya wumi wakwe.

Amosi 3:1

Muhulicizenyi nghani ayi, anye nyo wanhu wa Isilayeli yono Muwaha Mulungu yayilonga kuli'nye, anye nyo we likungugo lyose lyono yaliwusa ku Misili yakatya,

Amosi 3:2

“Muli makungugo gose ga mono yinze, ane nghamumanyenyi nyenye no kumukamisenyi. Na yiyi yo yikuleka no wubi wenyu wukuwa wakogofya. Holeka nane yinojeye nimulipicizenyi so masutya genyu.”

Amosi 5:13

Holeka, u wukanganizi wa mu vidaha vye zimbali, yo nghani swanu muno ku witume.

Mika 2:1

Woyi he, kuli wono wagonaga meso wakwihwesa zo wavu! Na lono wela hakali mitondo, kolo wakutuga cilejeho du, hodu wawa kwituma zizo zo wavu zono wali wazipanjile, hambi nha zili mu vilungo vyawo.

Walumi 16:4

Wene waketajila mu mbali ku soko yangu. Yiwanojeye kulumbizwa, ninga si na nene du, langa sunga ne makanisa gose ge wanhu wono si Wayahudi.

Waefeso 5:16

Mucitumamilaje viswanu i cilejeho cono mwina naco, ku soko alu i vilo avi vyaweza vibi.

Wukumbucize wo Wulajilize 28:48

Holeka luno mojendelela kuwetumamila walugu wenyu wono Muwaha Mulungu kowaleka waze wamuhomenyi. Nanye modabuka muno, kanyhi mokaluka muno, kanyhi mowa kujenda cipwi, mowa mwina wanjile wuwaha muno. Nayo Muwaha Mulungu komupelenyi mikalo mikamu, sunga kolo yakumongomezenyi.

Yakobo 2:13

Hambi, u Mulungu nha kolowa yasina lusungu kolo yakumuling'aniza munhu mono yasina lusungu. Ninga lusungu lucizize wuling'anizi.