Mika 2:13 - Luganuzi Luswanu Kuli Wanhu Wose 2002

¹³ Nayo Mulungu kowadigulila nzila, no kuwalongolela, wawuce mu wulawa mu yisi yo wujenzi. Wogabenanjiza malango ge likaya no kubita wapolile. No mutemi wawo, u Muwaha Mulungu mweneco, yo kolowatonga.

Mika 2:13 ပူးပေါင်းရင်းမြစ်များ

Wutuluce 14:19

Nayo malayika wo Mulungu mono yawatongaga lipuga lye Waisilayeli, yakawuka ku mwande yawo, yakabita mu nyuma yawo. Nalyo livunde lyono lipalinjile kotya yisumbili, likawuka ku mwande yawo, likabita ku nyuma,

Isaya 42:7

Nagwe kowanuguza meso i wabofu, kanyhi kowawopolela wose wono wekaye mu wutitu mu jela.”

Isaya 51:12

Muwaha Mulungu yakutya nhavi, “Ane, yo nene du, mono nghuwa kumusikamyenyi. Alu nhawule mukumogopa munhu we nghuli mono si kekalaga vilo vinji, yehwanile mahanze?

Isaya 52:12

Ninga muhinzo wuwu, mowa musina soko yo kuwucila musunho, kanyhi mowa musina soko yo kwihema. Hambi u Muwaha Mulungu u Mulungu wenyu nha yo komutonjenyi no kumucitilenyi mbavu zose.

Isaya 55:4

Hambi nha namunoza Dawudi yawe mutemi, no mulongola kuli makungugo gose. Kanyhi muli mwene, mo nghalajilila vilungo vyangu kuli makungugo.

Danyeli 2:44

Na mu vilo vyo wutemi wuwo wose, Mulungu wa ku wulanga, kolowusimya wutemi wunji wono siwuladuma yaye, hamba kusumwa yaye. No wutemi wuwo, wolowongomeza wutemi wose, ninga wene wokwikala cibitilila ne cibitilila.

Hoseya 1:11

I wanhu wa Yuda ne wanhu wa Isilayeli, wolokwilunza hamonga. Nawo wolokwihagulila weneco mulongola, na kanyhi, wolokonjelezeka no kumoteswa mu yisi yawo. Heya, lizuwa lya Yezeleli lyolowa yizuwa yiwaha muno!

Hoseya 13:14

Nane hamba si nowaponya wanhu we liwala lili, mu yinze ye lifwa, hamba kuwaponya mu vilungo vye lifwa. Agwe go lifwa, wulete lihuhuji lyako! Nagwe go yinze ye lifwa, wulete magazo gako! Nane hamba si nowawonela lusungu yaye wanhu wawa.

Hoseya 2:2

Wanangu, mumunene nyina yenyu hamba yiwe mwene, yaweza si mugolece wangu, nane neza si nili mulume wakwe. Mumunenaje yalece zinghani zakwe zo wusenyha, no wumalaya wakwe.

Hoseya 3:5

Ninga cipango cikuza cono Waisilayeli wolomuwuyila kanyhi Muwaha Mulungu, u Mulungu wawo, no lulelo lwa Dawudi mutemi wawo. Nawo wolomogopa Muwaha Mulungu, u Mulungu wawo, no kubocela vipegwa vyakwe viswanu.

Mika 2:12

“Ninga ane nomukongholenyi kanyhi hamonga, anye nyo wanhu wa Isilayeli, mono musigaye. Nomukongholelenyi hamonga, kotya ngholo zono zikuwuya kwi'bululu. Kotya wudimo wono wumemile ngholo, ne yisi yenyu vyo yowa yimemile wanhu wenji muno.”

Mika 3:1

Ale muhulicize, anye nyo walongola wa Isilayeli! Yinojeye kuli'nye muyimanye ling'ani,

Mika 4:7

Wakawa wakusenzegula, kanyhi wali kutali no kwawo. Ninga hamba nhavivyo nowanozeza mwamulizo mupya wawo wono wasigala, nawo wowa likungugo yiwaha lye vilungo. Nane notema hali wene mwi'tunda lya Sayuni, ku wulawa mu vilo vivyo sunga cibitilila.”

Zakaliya 10:12

Nolowanoza i wanhu wangu wawe ne vilungo, nawo wolowa kuhemba 'ne, no kunyogopa nene.” Vyo yakutya u Muwaha Mulungu.

Wahebelaniya 6:20

Nayo Yesu yo yalongola kwinjila mumo ku soko yetu, nayo yawa Mukohani Muwaha cibitilila, mu wutyatya u wityatye wo wukohani wa Melicizedeki.

Yoshuwa 3:6

Hanyuma yakawalonjela i wakohani walidinghule Lisanduku lye Cilagane, ho walongolele ku mwande ye wanhu. Nawo waketuma nha vyono yawalonjela.

Wugubule 17:14

Nawo wokwihoma no Mwana we ngholo, ningo Mwana we ngholo, hamonga na wawala wono yawacema, kanyhi yakawahagula, i wanhu wehuwilwa, kowasuma wawo, vyono u mwene yo Muwaha we wawaha, kanyhi yo Mutemi we watemi.”

Wugubule 7:17

hambi u Mwana we ngholo mono yali haciligati ye ligoda lyo wutemi, nha yo kolowa yo mudimi wawo, nayo kowatonga sunga ko ku mivwilo ye malenga go wumi. No Mulungu kogapatila lukulu mahozi gose ga mu meso gawo.”