Mika 2:12 - Luganuzi Luswanu Kuli Wanhu Wose 2002

¹² “Ninga ane nomukongholenyi kanyhi hamonga, anye nyo wanhu wa Isilayeli, mono musigaye. Nomukongholelenyi hamonga, kotya ngholo zono zikuwuya kwi'bululu. Kotya wudimo wono wumemile ngholo, ne yisi yenyu vyo yowa yimemile wanhu wenji muno.”

Mika 2:12 ပူးပေါင်းရင်းမြစ်များ

Mwamulizo 36:33

Nayo Bela yali yeza kufwa, Yobabu mwana wa Zela, mulawilila Bosila, yakahalila wutemi wakwe.

1 Zinghomo 1:44

Bela, u mwana wa Beyoli munya Dinihaba

Isaya 11:11

Na yolowa mwizuwa lilyo, U Muwaha Mulungu kolokwitumamila kanyhi vilungo vyakwe, yawagomole wanhu wakwe wono wowa wakali wasigaye ku Ashuli, na ku Misili, na ku Patilosi, na ku Kushi, na ku Elamu, na ku Sinali, na ku Hamati, ne zi'si zose za ku zimhwani.

Isaya 27:12

Na mwi'zuwa lilyo, u Muwaha Mulungu kolowakongholeza wanhu wakwe yumonga yumonga nha vyono munhu kelaga wuhemba mu mawaje ku wulawa Efulata, sunga ko ku mupaka we yisi ye Misili.

Isaya 34:6

No mumaje wuwo wolokwila sakami ne mhama ye zingholo ne zimhene zono zikuwa kulavywa makumbiko. Nayo Muwaha Mulungu kololavya makumbiko gago mwi'kaya lya Bozila. Kowunoza wuwulaji wuwu wuwaha mu yisi ya Edomu.

Isaya 5:17

Nazo zinyana ze zingholo, hamonga ne zinyhinda, hamonga ne zinyehe, zolotuga wudimilo we mahanze mumo mu matongo ge makaya gago.

Yelemiya 23:3

Nane nolowakongholeza i wanhu wangu wono wolowa wasigaye, ku wulawa mu ma'si gose kono nali niweyagazize, nolowagomola kanyhi ku yisi yawo weneco. Nawo wolotuga wana wenji, no konjelezeka muno liwalo lyawo.

Yelemiya 3:18

Mu vilo vivyo, i wanhu wa Isilayeli ne wanhu wa Yuda, wolokwilunza hamonga. Nawo wolowukana hamonga ku wulawa ku wuhamywe, mu yisi yo lubavu lwa kusumuka, wawe kuwuya kanyhi ku yisi yono ane nawapela i walezi wenyu yiwe wuhazi wawo.”

Ezekiyeli 34:11

“Nane no Muwaha Mulungu, nghumulonjelenyi nha vyono, alu nozilanjilila zingholo zangu nene no mweneco, no kuzidima.

Ezekiyeli 34:13

Noziwusa mu wulawa mu zi'si zo wujenzi, nizikongholele hamonga, nizigomole ku yisi yazo zeneco. Nolozitonga sunga nizifise mu matunda ne vikolongo vye malenga, vya mu yisi ya Isilayeli, nane nolozilisa mu wudimo wuswanu.

Ezekiyeli 34:22

Ninga'ne noziponya zingholo zangu, hamba si nozileka muzitendele vibi kanyhi, nane noziling'aniza mutugo no mutugo, nizikome ziswanu muli zimbi.

Ezekiyeli 34:31

Holeka anye nyo ngholo zangu, nyo litewa lyangu, mono nghumulisenyi, anye muli wanhu wangu, nane yo nene u Mulungu wenyu.” Vyo yakutya u Muwaha Mulungu.

Ezekiyeli 36:37

U Muwaha Mulungu yakutya nhavi, “Nane nolowaleka Waisilayeli walombe kanyhi wutazi kuli'ne. Nolowaleka wonjelezece mwi'walo lyawo, wawe wenji nhe 'tewa lye zingholo.

Ezekiyeli 37:21

Hanyuma wuwalonjele nha vyono, ane no Muwaha Mulungu, nowakonghola wanhu wangu mu wulawa mu makungugo gose kono weyagaliye. Nowakonghola niwawice hamonga, niwagomole sunga ko ku yisi yawo.

Hoseya 1:11

I wanhu wa Yuda ne wanhu wa Isilayeli, wolokwilunza hamonga. Nawo wolokwihagulila weneco mulongola, na kanyhi, wolokonjelezeka no kumoteswa mu yisi yawo. Heya, lizuwa lya Yezeleli lyolowa yizuwa yiwaha muno!

Amosi 1:12

Holeka nane notegula moto mwi'kaya lya Temani, no kugatakamiza makaya ga Bozila.”

Mika 2:13

Nayo Mulungu kowadigulila nzila, no kuwalongolela, wawuce mu wulawa mu yisi yo wujenzi. Wogabenanjiza malango ge likaya no kubita wapolile. No mutemi wawo, u Muwaha Mulungu mweneco, yo kolowatonga.

Mika 4:8

Nagwe go Yelusalemi, i hanhu hono Mulungu yo mudimi, mono kawalanjililaga wanhu wakwe, kolowa kanyhi likaya yiwaha lyo wutemi wono wali wako.

Mika 5:7

Ne wanhu wa Isilayeli wono wasigaye, wolowa nhe buhe yono yikulawa kuli Muwaha Mulungu so makungugo menji, kotya mahalavu ga mvula, mu migunda ye vilimwa vyono vikuwiluka. No witumbilo wawo, wolowa kuli Mulungu hamba si kuli munhu yaye.

Mika 5:8

Nawo wo lulelo lwa Yakobo wono wolowa wakali wasigaye mumo mu makungugo, wolowa nha simba yono yili mu mbago mu wupelembi, hamba mu wudimilo, yikwagana zingholo no kuzizumhila no kuzihawanga, hawa hasina hamba no witumbilo wo kupona yaye,

Mika 7:14

Gwe Muwaha Mulungu, weze mudimi kuli wanhu wako, iwanhu wono wawahagula. Hamba wawe wekaye kutali mwi'bago. Ninga yisi yose yono yiwapilime yina moso muno. Walekaje wabite wakaliswe ku Bashani na ku Gileyadi nha vyono wanoza mu vilo vye katali.

Mika 7:18

Gwe Muwaha Mulungu, hasina mulungu yunji mono yehwanile gwegwe, hambi 'gwe nha kuwanenelaga u wubi wawo wanhu wako wono wasigala, hamba si kwikalaga ne likuwo cibitilila. Ninga kuwezaga ne nyemo, ho wulajile lusungu lwako kuli'se.

Zefaniya 3:20

“Icipango cikuza! Lono nolowagomola wanhu wenyu wono weyagazwa, wawuye ku zikaya, nolomunozenyi lukumyo no kumanyika muli yinze yose, no kumunozenyi kanyhi mumoteswe nha vyono ha mwamulizo.” Vyo yakutya Muwaha Mulungu.