Mika 2:1 - Luganuzi Luswanu Kuli Wanhu Wose 2002

¹ Woyi he, kuli wono wagonaga meso wakwihwesa zo wavu! Na lono wela hakali mitondo, kolo wakutuga cilejeho du, hodu wawa kwituma zizo zo wavu zono wali wazipanjile, hambi nha zili mu vilungo vyawo.

Mika 2:1 ပူးပေါင်းရင်းမြစ်များ

Mwamulizo 31:29

Manyile vyono ndahile kukutamisa nha vyono nghusaka, ninga u Mulungu wo sogo, kandawila izuwali ne cilo, kawa kunonjela yakutya, ‘Ale wulanjilile, wulecele lukulu kumogofya Yakobo kwa nghani yo yose swanu hamba 'mbi.’

1 Watemi 21:7

Nayo Yezebeli mugolece wakwe yakamupitula yakamutya, “Alu, si yo gwegwe mutemi wa Isilayeli, hamba ng'o? Ale wisindamice, winuce wuwuce mu citanda, wulye ndigwa. Ane nokupela wuwo mugunda wa Naboti!”

Esita 3:8

Hamani yakawa yamutegulila zizi Mutemi Ahasuwelo, yakatya, “Moyili nghungugo yinji yono yiyagaye mu wutemi wako mu matumbi gose. Wono wena myoto yono yisimajiye ne myoto yetu, hamba si yihwanile ne myoto ye wanhu wanji wo wose. Hamonga na zizo, siwakwenda kwibata no kwituma wulajilize wa mu yisi yako. Nane nghwitumbila vyono, sikowawonela soni ho wapegwe wulipicizwe wanhu wawa.

Esita 5:14

Baho mugolece wakwe hamonga ne weyendi wayagwe, wakamupela mahweso wakatya, “Nhawule si wukumunozeza mabici gono matali go kumutumbicila, mabici go wutali wa mita makumi mejete? Ne mitondo hakali mitondo muno, wumulombe mutemi ho yakukombolele Moledekayi yatumbikwe. Nagwe mitondo lono wukubita ku sikukuu, ho wubite wusangalaye.” Hamani yakawona vyono lihala lili yiswanu. Hobaho, yakawa kuhimbila mabici gago go kumutubicila Moledekayi.

Esita 9:25

Ninga Esita yakamubitila mutemi, nayo mutemi yakalavya lilajilizo lyono lyamunoza Hamani yagazwe sunga yakafwa, u wufwe wono yali yawehweseze Wayahudi. Mwene hamonga ne wanagwe, wakatumbikwa, wakafwila mu mabici.

Jobu 15:35

Wawo wo wanhu wono wekalaga wakuleta magaziko, no kwituma zimbi. Ne zinhumbula zawo zikalaga zimemile nghani zo wungwele.”

Jobu 24:14

Nayo munhu muwulaji, yendile kwilawa hakali mitondo, kawa kubita kumuwulaga muciwa, na mu cilo kahizaga.

Zabuli 36:4

Na lono yagonile hose, mwene kehwesaga wituma zimbi du, sunga ne mijendele yakwe yose, musina hamba yinji yono swanu, kanyhi, sikasumaga kwilega ne nghani yo yose yono 'mbi.

Zabuli 36:5

Gwe go Muwaha Mulungu, lusungu lwako lutandaye sunga ko ku wulanga, no wihuwilwa wako wuficile sunga ko ku mavunde.

Zabuli 58:3

Hambi i wabi, nha wahodanjice du, ku wulawa vyono walelwa, wekalaga wakulonga zo wulambi du, kulawa vyono walelwa.

Zimbazi 12:2

Muwaha Mulungu kendezwaga ne wanhu waswanu. Ninga kawahosaga i wehwesa zimbi.

Zimbazi 14:22

Na hono wuwe wukwituma viswanu, kotuga lilumbo, no kwitumbilwa ne wayago. Ninga hono wuwe wukwituma zimbi, ale, wukusutya.

Zimbazi 3:27

Holeka agwe, weze kuwatendela ziswanu wono wena wanjile, mu nghango vyono kosuma.

Zimbazi 4:16

Nawo i wanhu wabi, hamba si wagonaga nhongo sunga langa wetume zimbi du. Wagonaga meso, sunga watamise munhu yunji.

Isaya 29:20

Na mwizuwa lilyo lyolowa lyo lizuwa lyo mudumo kuli wanhu wono wendile kuwewonela wayawo, no kumubedegala Mulungu. Ne wanyo wubi wose, wolokongomezezwa lukulu.

Isaya 3:14

Muwaha Mulungu, yakuwacema wanyamhala we wanhu wakwe, hamonga ne walongola we wanhu wakwe, ho yawaling'anize. Nayo yakuwasitaka yakutya, “Yo nyenye mono mwapumha migunda ye mizabibu, ne zikaya zenyu, zimemile vinhu vyono mwawaboka waciwa.

Isaya 32:7

No munhu mono yasina mahala, kawezaga munhu mubi, kanyhi yendile kwituma zimbi du, mwene yendile kupinya zo kuwongomeza waciwa ne zinghani zakwe zo wulambi, no kuwemila ho walece kunozezwa ling'ani.

Isaya 5:8

Woyi he kuli'nye! Anye mono mugulaga zikaya ne migunda, muwa kwiyonjelezeza muli vyono mwina navyo. Sunga nhondo hawa hasina hamba cilejeho co kwikala munhu yunji, nanye muwa kwikala muli wene du mu'si.

Isaya 59:3

Hambi anye nha muli wasutyi ku soko yo wulambi wenyu, no wugazi wenyu, hamonga no wuwulaji wenyu.

Yelemiya 18:18

Hanyuma i wanhu nawo wakalongana weneco wose, wakutya, “Alu nye! Alenyi cimunozeze Yelemiya ciwungu cibi! Hambi nha cowa cina wakohani nhondo zose, wono wowa kucijiza, ne wanhu we mahala, wono wowa kucitonga, hamonga ne wawizi, wono wowa kuyiganula i nghani yo Mulungu. Holeka lu muze cimulonganje, cilece kuzihuliciza kanyhi ne zinghani zakwe.”

Ezekiyeli 11:2

U Muwaha Mulungu yakanyitya, “Gwe go munhu, i wanhu wawa, nha wakwihwesa zo wuhile wubi du, no kuwalanjiza i wanhu wa mwi'kaya lili, zinghani zono sizinojeye yaye.

Ezekiyeli 33:26

Anye nha mwitumbilaga i mimaje yenyu du. Ne metumo genyu gose nha metumo ga cevu du. Nanye wose muli wasenyha. Alu cono coleka sunga mwihwese nha vyono yisi yiyi yenyu, cicici cene lo?

Ezekiyeli 38:10

Ne zinghani zizi, zo Muwaha Mulungu yakumulonjela Gogu yakutya, “Ne mapango gago kolo gakondya kuza, agwe Gogu kolokwanza kwihwesa zo wuhile wubi du mu nhumbula yako.

Ezekiyeli 46:18

Kanyhi yimunojeye mutemi, yalecele lukulu kuwasolela i wanhu sawo yawo. Kanyhi yalanjilile, vyono i hanhu ho hose mu'si hono yakuwapela i wanagwe, heze i hanhu hono hakulawa mu yisi yakwe mweneco du. Ho yalece kuwewonela wanhu wangu mu nzila yo kuwaboka yisi yawo.”

Mika 6:12

Wanhu wako i wagoli, wakuwegalila waciwa, na muli nyenye, wose muli walambi.

Nahumu 1:11

Ku wulawa kuli'gwe Ninawi, yakaza munhu mono yali yamemile wuhile wo wubi, mono yakwihwesa vibi kuli Muwaha Mulungu.

Zakaliya 7:10

Mulece kuwawonela wafwile, hamba wana wono wasina walezi, hamba wajenzi wono mwikalane nawo, hamba munhu wo wose mono yali mu wanjile. Kanyhi mulece kuleta mahweso mabi go witamise munhu na muyagwe.’

Maluko 15:1

Wali weza kwela hakali mitondo muno muno, iwakohani wakalaganila kumonga, hamonga ne wanyamhala ne wejizi wo Wulajilize, hamonga ne libalaza lyose, wakamuwopa Yesu ne manyolo, wakamutegula no kumukombola kuli Pilato.

Luka 20:19

I wejizi wo Wulajilize ne Wakohani wawaha, wakatanga vyono cihwanicizo cici, cali ciwadomile weneco, na ku soko yiyo, wahilaga wamwibate baho baho, ninga wakogopa wanhu.

Yohana 19:11

Yesu yakamupitula yakatya, “Si wali wuwe no wulajilize wo wose kuli nene hamba hadodo, hono wali wulece kupegwa no Mulungu. Ku soko yiyo, yuyo mono yandavizye kuli gwegwe, kacila kuwa no wubi.”

Metumo ge Watumwa 23:12

Waza kwela, Iwayahudi wakekonghola cinyele, wakelahiza wakutya, “Ase sicolya hamba kung'wa, sunga kolo cakondya kumuwulaga Pawulo.”

Metumo ge Watumwa 23:15

Alu anye, hamonga ne libalaza, mumulonjele u muwaha we wasilikale u mulongola, yamulete Pawulo kuli nyenye nha kotya mukusaka kumanya viswanu nha vyono zinha zakwe. Nase ciwikanize kumuwulaga na lono yakali si yanafika baha.”

Walumi 1:30

no kuwabalalila wayawo i makani mabi go wulambi, wo wanhu wono si wakwendeza hali Mulungu, wafyuzi, wasisi, kanyhi wevuni, wali vilungo muno muno mu wituma zimbi, kanyhi wasina cihuliko kuli walezi wawo,

Wukumbucize wo Wulajilize 28:32

Nawo i wana wenyu we cicekulu sunga na we cilume, wopegwa likungugo lijenzi ha meso genyu, wawanoze wawe wawanda wawo. Nanye mowa mwikaye nhondo zose muwulanjiliye wuwuye we wana wenyu ninga wulanjilile wenyu, yowa nghani ya bwete du.