Mika 1:7 - Luganuzi Luswanu Kuli Wanhu Wose 2002

⁷ Ne vihwani vyawo viseswe, vyose vyobenanjizwa-benanjizwa. Ne vinhu vyawo vyose vyono wavitujila mu nzila zo wusenyha, vyohodangwa no moto, ne vihwani vyose, novinoza viwe visina cambuzi. Hambi Samaliya, nha yavitujila vivi vyose, mu zinzila zo wusenyha. Holeka walugu wakwe wovisola, no kuvitegula hanhu hanji, nawo wavitumamile nhavivyo mu zinzila zo wusenyha.”

Mika 1:7 ပူးပေါင်းရင်းမြစ်များ

2 Zinghomo 31:1

U wuhembi wali weza malika, i wanhu Isilayeli wose wakawa kwiyagala mu makaya gose mu Yuda, wakagabenanga masumbili gose ge mabwe, wakavidumulanga ne vihwani vyose vyo mulungu we cicekulu Ashela, wakagabenanga ne makumbicilo, hamonga ne hanhu hose hono hetumamilwaga so wuhembi we milungu yo wulambi. Wakanoza nhavivi mu yisi ya Yuda, na mu zisi za Benyamini, na Efulayimu na Manase. Wali weza kukondya, hodu wakawa kuwuya ku kaya.

Isaya 2:18

Avi navyo i vihwani, nhondo ho vyolokwajililila lukulu. No Muwaha Mulungu du, u Mudaha vyose, yo kolopegwa lukumyo yali wene.

Isaya 23:17

Nayo myaka yiyo makumi mupunghati kolo yapuluta, nayo Muwaha Mulungu ho koloyileka kanyhi Tulo, yijendelele no wusuluza wayo we katali. Nayo yolokwiyedya yeneco mu matemi gose ga mono'nze yose.

Isaya 27:9

Ninga wubi we Waisilayeli, wolonenelwa du, kolo wene wakondya kugatulanjiziza lukulu i mabwe ge vikumbicilo vye wanhu wono si wamumanyile Muwaha Mulungu, hawe hasina kanyhi vikumbicilo vyo kufusiza wuvumba, hamba vihwani vyo mulungu we cicekulu Ashela, vyono vikali visigaliye.

Ezekiyeli 6:6

Sunga ne makaya gose ge Waisilayeli, golokongomezezwa lukulu, ne makumbicilo gawo hamonga ne vihwani vyawo, vyose vyolotulanjililwa lukulu. Navyo vikumbicilo vyawo vyo kufusiza wuvumba, vyose vyolopondanjizwa no kwiyagazwa, ne vinhu vyose vyono wowa wanozize, navyo vyolokwajililila lukulu hamba kwijela kanyhi yaye.

Hoseya 2:12

Noloyihodanga mizabibu yakwe ne miganhi, yono yakutya wendece wakwe wamupela ho yawetumamile. Nolopitula migunda yakwe ye mizabibu, ne migunda ye mibici yono yilelaga mikalo, yiwe mbago, ne vilimu vya mu mbago vyoloyihodanga.

Hoseya 2:14

Holeka nomugomola sunga ku nyika kanyhi, na ku wulawa kuko, nolomugomola mu nzila yo kulonga nayo nghani zo wendo.

Hoseya 2:5

hambi wene nha wana wo mucekulu malaya, mono yasina hamba cevu. Hambi nha yalonga mweneco yakatya, “Nane nobita kuli wono wanyendile wono wakumhela ndigwa ne malenga, no wusinga, no wuhamba, hamonga ne mafuta ne divayi.”

Hoseya 8:5

Ane si nghucisacila lukulu cihwani ce ndama ye zahabu, yono wakuhemba wanhu we likaya lya Samaliya. Ngholigwe ne likuwo muno muno ku soko yawo. Alu mwene wojendelela sunga nili ho waze walece wuhemba vihwani vyawo?

Hoseya 8:6

No munhu munghula mu Waisilayeli, yo munoza cihwani. Ninga yiyo ndama ye zahabu, yono wakuyihemba kuko ku Samaliya, yolobenanjizwa-benanjizwa tici-tici.

Yoweli 3:3

Nawo wakawagawa wanhu wangu mu nzila yo kuwatowela kula, ho yejele mono kosuma kuwasola wafungwa. Wakawaguza wana we cilume na we cicekulu ku wuwanda ho wetujile sawo yo kuwapela wasenyha, hamonga no kugula divayi wang'we.

Walawi 26:30

Nane nohahodanga sunga ne hanhu henyu ho kuhembela mucanyha ye matunda, nogatulanjiza ne makumbicilo genyu go kufusiza wuvumba, noyigumila ne mivimba yenyu, mucanyha ye vihwani vyenyu vye milungu, vyono vigwiye hasi, no mutima wangu womusulenyi.

Wukumbucize wo Wulajilize 23:18

Kanyhi ne zipesa zozose zono zikulawa mumo mu wumalaya, zilecele lukulu kulavywa mu Nyumba yo Muwaha Mulungu, u Mulungu wenyu, ziwe so wilahize wawo. Hambi Muwaha Mulungu, nha si kendezwaga no wumalaya.

Wukumbucize wo Wulajilize 9:21

Nghawusola wubi wenyu, nha cinji yiyilya ndama nyenjedulwe yono mwali mwayinoza, nghawa kuyigumila mu moto. Nghayitakamiza, nghawa kuyitindya, yikawa nha manghundi, hanyuma, nghawa kugagumila manghundi gago mu cikolongo, cono cahulumaga cilawiliye mwi'tunda.

Wugubule 18:3

Hambi i makungugo gose, nha gakoligwe ku soko ye divayi nghali, yo wusenyha wakwe. Nawo watemi wa kono'nze wasenyha nayo, ne wasuluza wa kono'nze wagolipe ku soko ye mikalile yakwe yo wiyendeze, yono yisina wiyimile.”

Wugubule 18:9

I watemi wa kono'nze wono wasenyha nayo, no kwikala nayo mu mikalile yo wiyendeze, wololila, kolo wakuliwona lyosi lye likaya lilyo lyono likuticimila.

1 Samwili 5:4

Ninga mwi'zuwa lye kejete wali weza kusinhuka hakali mitondo muno muno, walanje, wakawa kuwona u mulungu wawo Dagoni yagwiye kanyhi wugubama, hamwande ye Lisanduku lye Cilagane co Muwaha Mulungu. Ninga muhinzo wuwu, Dagoni yakawa yabeneka mutwe wakwe, hamonga ne maganza gose vyono mejete, vigwiye vyose ha mulango, na Dagoni yasigala ne ciwili-wili cili wene.