Mika 1:6 - Luganuzi Luswanu Kuli Wanhu Wose 2002

⁶ Muwaha Mulungu yakutya, “Holeka ku soko yiyo, nane noyinoza Samaliya, yiwe nha matongo go wongomezwe, mu yisi ye lihala, i hanhu hono hakuwa kupanhwa mizabibu. Nogagwisa makaya, ne mabwe gayo nogataga mwi'lolo, noyileka misinji yayo yili bwete.

Mika 1:6 ပူးပေါင်းရင်းမြစ်များ

2 Samwili 17:13

Na hono yatizize mwikaya, i wanhu wetu woliwopa likaya ne milejehe, walikwejele mwilolo hasi. Na howa hasina hamba libwe limonga lyono lyosigala baho hacanyha ye litunda.”

2 Watemi 18:10

Nayo yali yeza kupuluta myaka midatu, hodu nhondo yakawa kuyisola Samaliya. Wo wutya, wali mu mwaka wo mutandatu wo wutemi wa Hezekiya, kanyhi, wali wo mwaka we licenda wo wutemi wa Hosheya.

2 Watemi 18:9

Na mu mwaka we kane wo wutemi wa Hezekiya, nawo wali wo mwaka wo mupunghati, wo wutemi wa Hosheya mutemi wa Isilayeli, yakawa kuza Shalimanesa mutemi wa Ashuli, yakawa kuyihoma Isilayeli, yakayipilima Samaliya.

2 Watemi 19:25

Hamba agwe si wahulika nha vyono nghani zizi nali nizihwesize ku wulawa na katali? Nalu nakondya kuzifisiliza. Nghakupela agwe, wusume kugahodanga makaya ge magomawakali, gawe vyugulu.

Isaya 17:1

Muwaha Mulungu yakutya, “Alu ku wulawa lulu, Damesiki si lyolowa yikaya liwaha kanyhi, langa lyowa yilundo du lye matongo.

Isaya 25:12

Mulungu kologongomeza magomawakali ga Mowabu, hamonga ne majinji gawo matali, yagagwise sunga ho hasi, gawe manghundi.

Isaya 25:2

Kugakumulanga makaya kugaleka matongo, kugongomeza ne magomawakali gawo sunga ne makaya go wutemi gose, gono walugu wagazenga, gose gamwagucila lukulu cibitilila.

Yelemiya 31:5

Na kanyhi moloyihadika sunga ne mizabibu yenyu mu matunda ga Samaliya. Na wose wa muli nyenye wono woloyihadika, wolowa kulya mikalo yayo.

Yelemiya 51:25

“Hambi agwe Babiloni, nha wehwana nhe litunda, lyono likuyongomeza yinze yose. Ninga wumanye, nha vyono, ane no Muwaha Mulungu, nili mulugu wako. Nokwibata, nghugalagaze ho hasi, nghulece wuvutuce ne mavu.

Yelemiya 51:37

Nayo yisi yiyo, yolowa malundo du ga matongo, holowa wikalo wa malimu. Holowa hanhu hono hakogofya muno, hasina hamba munhu mono kolokwikala mumo. Na wose wono wowa kuziwona zizo, mbeka wotuga woga muno muno.

Yelemiya 9:11

U Muwaha Mulungu yakutya, “Nane noyinoza Yelusalemi yiwe malundo ge matongo, hawe hanhu hono macewe gowa kwikala, nago makaya ga Yuda, gowa nyika, hawe hanhu hono yunji si kosuma kwikala.”

I Cililo 4:1

Wung'alale we zahabu yetu hamba si wejela, ne mabwe gono gali mazenjele Nyumba yo Mulungu, gakeyagala caka mu zinzila.

Ezekiyeli 13:14

Nane nolikumula lijinji lilyo lyono walihiliwe ne swakala, noliyagaza, nigalece mabwe go musinji wayo gasina cinji mucanyha yayo. Nalyo lijinji lyologwa limuwulajenyi nyenye wose. Na mu nzila yiyo, wanhu wose, ho wolomanyila vyono ane yo nene Muwaha Mulungu.

Hoseya 13:16

Nayo Samaliya yinojeye yilipicizwe, ku soko yo kundeka 'ne. Ne wanhu wakwe wolofwa ku wulugu, ne wana wawo wagalika, wolowa kubamilizwa hasi, ne wacekulu wono wena mida, awo nawo wolotumbulwa.”

Amosi 5:11

Mukuwatema i waciwa no kuwahiziza wuhemba wawo. Na ku soko yiyo nanye simokwikala mu zikaya ziswanu zono muzenjile ne mabwe maswanu, hamba kung'wa divayi yono yikulawa mu zizabibu zenyu ziswanu zono mulimile.

Amosi 6:8

Muwaha Mulungu we mihanga yo yacipelile wulajilize wo wukagwe, yakutya, “Nane siniwendile widunhumuzi we wanhu wa Isilayeli. Kanyhi nizibedegaye muno ne zikaya zawo ze cinyemo-nyemo. Holeka nowapela walugu wawo likaya lyawo liwaha hamonga ne vinhu vyose vyono vili mumo.”

Mika 3:12

Holeka ku soko yenyu, Sayuni yololimwa nha mugunda, nayo Yelusalemi, yolowa yilundo lya matongo, ne litunda lye Nyumba yo Mulungu, lyolowa mbago.

Habakuki 3:13

Wukabita kuwaponya wanhu wako, no kumuponya mutemi wako mono wamuhagula. Wukawagwisa hasi walongola we wabi, wukawapondanjiza i watyatyi wakwe.

Matayo 24:2

Yesu nayo yakawatya, “Heya ho baho, mosuma kugawona gaga gose! Ninga mbeka nghumutyenyi, hasina yibwe hamba limonga lyono lilasigala baha, mucanyha ye libwe liyagwe, langa i vinhu vyose vyologwiswa hasi.”