Mika 1:16 - Luganuzi Luswanu Kuli Wanhu Wose 2002

¹⁶ Anye nyo wanhu mono mwikaye Yuda, mucete zimvwili, mulile, ku soko ye wana wono muwendile. Mwinozezaje nyo weneco mihalu kotya 'ndi, hambi wana wenyu nha wohamywa no kutegulwa kutali na nyenye.

Mika 1:16 ပူးပေါင်းရင်းမြစ်များ

2 Watemi 17:6

mu mwaka we licenda wo wutemi wa Hosheya, nayo mutemi wa Ashuli yakaza, yakayihoma Samaliya yakayisola. Yakawahamya ne Waisilayeli, yakawategula ku Ashuli wawopwe. Yakawawika wanji wayawo wekale mwi'kaya lya Hala, na wanji yakawawika behi ye likolongo lya Haboli mu yisi ya Gozani. Na wanji kanyhi yakawawika mu makaya ga Mediya.

Jobu 1:20

Hodu nhondo, Jobu yakawa kwinuka, yakawa kuwudemulanga musweko wakwe ko wusungu muno. Yakawa kuwuceta zimvili mutwe wakwe, yakawa kwigumila hasi wugubama.

Isaya 15:2

Nawo wanhu wa Diboni wakubita kulilila mu cigongo mucanyha. Wanhu wa Mowabu nawo wakulila ko wukalale ku soko ye makaya ga Nebo na Medeba, waceta ne mitwe yawo ne zindevu zawo ko wusungu wuwaha.

Isaya 22:12

Nayo Muwaha Mulungu we mihanga, yamucemenyi ho mulile ko wukalale, mucete mitwe yenyu, muvwale magunila.

Yelemiya 16:6

Nawo i wagoli ne waciwa, wose wofwila mono yisi yiyi du, na holowa hasina hamba munhu monga mono kolowalilila, hamba kuwazika yaye. Kanyhi holowa hasina hamba munhu monga mono kolokwisalanga-salanga mu muwili wakwe, hamba kwiceta mu mutwe wakwe, ho yalajile wukalale wono yena nawo mu nhumbula yakwe ku soko yawo.

Yelemiya 4:8

Holeka luno, muvwale magunila, mulile ko wusungu wuwaha. Ku soko vyono likuwo liwaha lyo Muwaha Mulungu, likali si nawaleka i wa Yuda.

Yelemiya 47:5

Wukalale wuwaha wakondya kuwaziza i wanhu wa Gaza, ninga i wanhu wa Ashikeloni, wanyamaye twii. Alo i wanhu wono wasigaye mu yisi ye Wafilisiti, wojendelela kulila sunga nili lo?

Yelemiya 6:26

Nayo u Muwaha Mulungu yakuwatya nhavi, i wanhu wakwe, “Ale, le, muvwale magunila mwivutuse mu mavu. Mulile ko wusungu wuwaha, mulavye ne mahozi nha vyono munojeye, nho mwana we cilume, we ciwene. Ku soko yuyo mono kokuza no wuhile wo kumongomezenyi, nha kosumwa musunho du.

Yelemiya 7:29

“Ale, mulile, anye nyo wanhu wa Yelusalemi, mucete zimvwili zenyu muzitaje kutali. Mwimbe zinyimbo ze maziko mu vizuli vye matunda, hambi ane no Muwaha Mulungu, nha ngholigwe ne likuwo, nakondya kuwalema ne wanhu wangu.

I Cililo 2:19

Na mu cilo cose, weze kwinuka kali kenji wukumulilila Muwaha Mulungu, wumujidile mutima wako nha malenga u Muwaha Mulungu, wumulombe yawawonele lusungu wanago. I wanago wono wakufwa ne nzala mu zinzila zose!

Amosi 7:11

Hambi mwene nha yakulonga yakutya, ‘Yelobowamu kolofwila ku wulugu, ne wanhu wa Isilayeli wolosolwa ku wulawa ku yisi yawo, wategulwe kutali nha wawopwe.’ ”

Amosi 7:17

Holeka lu agwe Amaziya. Muwaha Mulungu yakutya kuli'gwe, ‘U mugolece wako, kowa musenyha mumuno mwikaya lili, ne wanago nawo walume ne wacekulu, wolowulagwa ku wulugu. Ne yisi yako nayo, yologawilwa wanji. Nagwe go mweneco, kolofwila mu yisi yo wavufywe. Ne Waisilayeli, mbeka wolosolwa no kuwuswa mu yisi yawo, wategulwe ku yisi yo wujenzi.’ ”

Amosi 8:10

Nolopitula zi sikukuu zenyu ziwe wukalale, ne zinyimbo zenyu ze nyemo ziwe cililo no wusungu. Nolomunozenyi munyonyole mitwe yenyu, no kuvwala magunila. Nanye molowa nha walezi wono wakulila so mwana wawo monga we cilume. Ne lizuwa lilyo, lyolowa lya wusungu sunga ko ku mudumo wayo.

Wukumbucize wo Wulajilize 28:41

Nanye motuga wana we cilume na we cicekulu, ninga hamba si mokwikala nawo, langa wosolwa nha wafungwa wo wulugu.