Mika 1:11 - Luganuzi Luswanu Kuli Wanhu Wose 2002

¹¹ Anye nyo wanhu wa Shafila, mubite ku wuhamywe, muli cipwi, ne cevu. Na wawo wono wekaye mu Zanani, walecele lukulu kulawila mwi'kaya lyawo. Kolo mukuhulika wanhu wa Betizeli wakulila, ale momanya nha vyono kusina wutizizo kuko.

Mika 1:11 ပူးပေါင်းရင်းမြစ်များ

Isaya 16:2

Nawo walindiye ha nhumbi ye likolongo lya Alinoni, wakupilima-pilima wenha zindeje zono wazikumuliye manhuli gazo.

Isaya 20:4

Hambi u mutemi wa Ashuli nha vyo kowategula wali cipwi, i wafungwa wono yawateka ku wulawa mu zi'si zizi zi nyejete Kushi na Misili. Nawo i wazelelo hamonga ne wakombi, wose wojenda wali cipwi, kanyhi wasina malatu, akuno ne madako gawo gali cipwi, ho wawakoze soni Wamisili.

Yelemiya 13:22

Na kolo wukwiwuza go mweneco wukutya, alo nhawule zizi zinyijelela lo? Heya! Myenda yako yidemulwa, nagwe wukebatwa ne walume, no kugona nagwe kwe vilungo. Ale, wumanye nha vyono, zizi zikwagana ku soko yo wubi wako wono wukogofya muno.

Yelemiya 48:6

Akuno wakutya, ‘Ale, mumanyhe mbela mbela, mutize, mwiponye wumi wenyu!’ ‘Ale, mumanyhe mwihindile du, nhe zinyhenje za mu nyika!’

Yelemiya 48:9

Wuyiwicilaje Mowabu libwe lye cikumbucizo, hambi nha yokongomezwa musunho. Ne makaya gayo golekwa matongo du. Holowa hasina munhu wo wose, mono kolokwikala mumo kanyhi.”

Ezekiyeli 16:37

Ku soko ya zizo zose, nane lu, nowakonghola hamonga i wendece wako wose, wono wuwendile, na wono wuwasulile. Nowaleta hali'gwe niwatandalice, wakupilime, hanyuma, nghugubule myenda yako, niwalece waciwone cipwi cako.

Ezekiyeli 23:29

Nawo vyono wakusulile, holeka wovisola vinhu vyako vyose, vyono wavisawila mu vilungo vyako, wolokuvula myenda yako, wakulece wuli cipwi, ne zinghani zako zo wumalaya wako, nazo zolokwijela calinze. Alu u wusulumizi wako hamonga no wusenyha wako,

Mika 1:8

Mika yakatya, “Ku soko ya zizo, ane nolila muno muno, ndajile wusungu wono nina. Nojenda kwa magulu sina malatu, kanyhi nili cipwi, nowa kubweka nha nyhewe, kanyhi nolila nha nyacihema.

Nahumu 3:5

U Muwaha Mulungu we Mihanga yakutya, “Ane nokwisumaniza nagwe go Ninawi! Kanyhi nokuvula ne myenda wikale cipwi, ne makungugo gakuwone vyono wuli cipwi, ne matemi gakuwonele mu cevu cako.

Zakaliya 14:5

Nanye molotiza mukolele mwi'lolo lilyo lyono lilitemanuye litunda hejete. Mulamanghaga nha vyono i wasogo zenyu wanozaga, mu vipango vye litulo lyono lyejela, mu vilo vyo mutemi Uziya wa Yuda. U Muwaha Mulungu wangu, mwene kolokuza hamonga ne wamalayia wakwe.

Yoshuwa 15:37

Kanyhi ganji gali Zenani, na Hadasha, na Migidaligadi, na