Mika 1:1 - Luganuzi Luswanu Kuli Wanhu Wose 2002

¹ Ayi yo nghani yo Muwaha Mulungu yono yamuziza Mika, mono yali munya Molesheti mu vilo vya Yotamu, na Ahazi na Hezekiya i watemi wa Yuda. Muwaha Mulungu yamugubulila Mika zizi zose za muli Samaliya na Yelusalemi.

Mika 1:1 ပူးပေါင်းရင်းမြစ်များ

2 Watemi 15:32

Na mu mwaka we kejete wo wutemi wa Peka, u mwana wa Lemaliya, mutemi wa Isilayeli, nayo Yotamu u mwana wa Uziya, ho yanziza kutema mu Yuda.

2 Watemi 15:5

Na holeka Muwaha Mulungu yakamutowa Azaliya ko wutamwa wo wukoma, yakawa nawo sunga yakafwa. Yakawa yekaye du mu kaya yakwe, yakayileka sunga ne milimo yakwe. No mwanagwe mono yakucemwa Yotamu, yo yakawa yayilanjiliye yisi.

2 Watemi 16:1

Na mu mwaka we likumi na mupunghati wo wutemi wa mutemi wa Isilayeli, u mwana wa Lemaliya, nayo Ahazi u mwana wa Yotamu, ho yanziza kuwa mutemi wa Yuda,

2 Watemi 18:1

Na mu mwaka we kadatu, wo wutemi wa Hosheya u mwana wa Ela, mutemi wa Isilayeli, nayo Hezekiya u mwana wa Ahazi, ho yatemela mu Yuda,

2 Zinghomo 28:1

Ahazi yakatema lono yali yaficile myaka makumi mejete cititila. Nayo yakatema mu Yelusalemi myaka yikumi na mutandatu. Ninga nayo hamba si yatyatya musambo muswanu wo kukuye Dawudi. Mwene yetuma zono si zamwendeza Muwaha Mulungu.

2 Zinghomo 29:1

Hezekiya yali yaficile myaka makumi mejete na mihano, lono yanziza kutema mu Yuda. Nayo yatema mu Yelusalemi myaka makumi mejete ne'cenda. U nyina yacemwaga Abiya u mwana we cicekulu wa Zekaliya.

Isaya 1:1

Citabu cici cina wulolose we zinghani zono Mulungu yamugubulila Isaya u mwana wa Amozi, mu vilo vya Uziya, na Yotamu, na Ahazi, na Hezekiya, lono wali watemi wa Yuda na Yelusalemi.

Isaya 1:2

U Muwaha Mulungu yakutya, “Muhulicize ta nimulonjelenyi anye nyo wulanga ne yinze! Yo nene mono nawalisa i wana, kanyhi nghawawilusa, ninga alu, wakondya kumbedegala.

Isaya 7:1

Kukawa mu vilo vya Ahazi u mwana wa Yotamu, kanyhi u mwizukulu wa Uziya, lono yali yatemile mu Yuda, wulugu wukaza. Lezini u mutemi wa Siliya, na Peka u mwana wa Lemaliya u mutemi wa Isilayeli, watemi wawa, wakayihoma Yelusalemi, ninga si wasuma kuyiteka yaye.

Isaya 7:9

Hamba nhavivyo, nayo Isilayeli nha si yili vilungo yicize Samaliya, ne likaya liwaha lya Samaliya, hamonga ne Samaliya yeneco, nayo si yili vilungo yicize mutemi Peka. “Holeka hono wulece kwihuwila, mbeka hamba si kosuma kusikamywa.”

Yelemiya 26:18

“Nye wayetu, mu vilo lono Hezekiya yali mutemi we yisi ya Yuda, yakaza muwizi yunji, mono yacemwaga Mikaya, munya Molesheti, u muwizi yuyo yawalonjela wanhu nha vyono, u Muwaha Mulungu, we mihanga yalonga yakutya, ‘Agwe go Sayuni kololimwa nha mugunda, Nagwe Yelusalemi kolowa yilundo lye matongo, Ne litunda lye Nyumba yo Mulungu, lyolowa mbago.’

Hoseya 1:1

Ayi yo nghani yono Muwaha Mulungu yamulonjela Hoseya, Mwana wa Beyeli, mu vilo vya Uziya, na Yotamu, na Ahazi na Hezekiya, lono wali watemi wa Yuda, na Yelobowamu mwana wa Yehowashi yali mutemi wa Isilayeli.

Hoseya 4:15

Ale, sunga na nyenye nyo Waisilayeli, si muli wehuwilwa kuli'ne, ninga wanhu wa Yuda walece kunoza nhavivi. Mulece kuhemba ku Giligali hamba Betaveni, hamba kwihuwiziza kuko mwi'tagwa lyo Mulungu mumi.

Hoseya 8:14

I Waisilayeli, wazenga makaya go wutemi, ninga wamusemwa u Muwumbi wawo. Nawo wanhu wa Yuda, wazenga makaya gono gena magomawakali. Ninga nane notegula moto wono woganyanya no kugagwisa hasi makaya go wutemi hamonga ne makaya gawo.”

Amosi 1:1

Azi zo nghani za Amosi, u mudimi munya kwi kaya lya Tekowa. Myaka myejete lono litulo lya mu'si lyali likali si naza, mu vilo vya Uziya lono yali mutemi wa Yuda, na lono Yelobowamu mwana wa Yowashi yali mutemi wa Isilayeli.

Amosi 6:1

Yolowa nghani ya kogofya muno, kuli 'nye mono mwina mikalile miswanu nhavi mu Siyoni, na kuli nye mono mukwihwesa nha mwikaye mupolile mu Samaliya, anye mo wanhu wawaha mu nghungugo mbaha ya Isilayeli, anye mono wanhu wa Isilayeli wakuwa kumuzizenyi wakulondola wutazi kuli'nye!

Mika 1:5

Azi zose zokwijela, ku soko ye wanhu wa Isilayeli, wono wetuma wubi no kumuleka Muwaha Mulungu. Alu nani 'mbi mono kohoswa ku soko ye lisutya lya Isilayeli? Hono si Samaliya du! Hamba nani mono yena lisutya lyo kuhemba vihwani mu'si ya Yuda? Hono si Yelusalemi!

Mika 3:9

Ale muhulicizaje anye nyo watemi wa Isilayeli, na anye wose mono muyisulile ling'ani, no kuyipitulanya imbeka liwa yisutya.

Habakuki 1:1

Ayi yo nghani yono Muwaha Mulungu yamugubulila muwizi Habakuki.

2 Petelo 1:21

Hambi nha hasina nghani yo wuwile yono yina ndawililo ye cimunhumunhu, langa iwanhu wayilonga inghani yo Mulungu nha vyono watongwaga no Muhe Mono Yelile.