Matayo 9:4 - Luganuzi Luswanu Kuli Wanhu Wose 2002

⁴ Nayo Yesu yakagamanya i mahweso gawo, yakawatya, “Alo so cici mukwihwesa zimbi mu zinhumbula zenyu?

I CILAGANE CIPYA 1991

⁴ Nayo Yesu yakagamanya i mahweso gawo, yakawatya, “Alo so cici mukwihwesa zimbi mu zinhumbula zenyu?

Matayo 9:4 ပူးပေါင်းရင်းမြစ်များ

Zabuli 139:2

Agwe wuzimanyile zose zono nitumaga, kanyhi wugamanyile sunga, ne mahweso gangu gose.

Zabuli 44:21

agwe go Mulungu, mhali wakondya kuyimanya nghani yiyo, hambi 'gwe nha wuzimanyile zose ze cinyele, zono zili mu zinhumbula.

Ezekiyeli 38:10

Ne zinghani zizi, zo Muwaha Mulungu yakumulonjela Gogu yakutya, “Ne mapango gago kolo gakondya kuza, agwe Gogu kolokwanza kwihwesa zo wuhile wubi du mu nhumbula yako.

Matayo 12:25

Ninga Yesu vyono yali yagamanyile i mahweso gawo, baho yakawatya, “U wutemi wo wose wono witemanuce weneco wose vipuga vipuga vyono si vikwilumvya vyeneco vyose, u wutemi wuwo si wosuma kujendelela hamba hadodo, ne likaya lyo lyose hamba mhuga yo yose yono yitemanuce vipuga vipuga vyono vitemanuye, lilyo lyogwa.

Maluko 12:15

Ninga mwene Yesu yali yawumanyile u wukoci wawo, holeka yakawatya, “Alu so cici mukunjela? Mundajilaje ta silinje niyilanje.”

Maluko 2:8

Ninga Yesu yakagamanya kamonga i mahweso gawo, yakawatya, “Alu socici mukwihwesa nhavivyo mu zinhumbula zenyu?

Luka 11:17

Ninga mwene yaza kugamanya mahweso gawo, yakawatya, “Wutemi wowose wono witemanuye weneco mapuga mapuga gono gatemanuce, si wosuma kujendelela, nhavivilya ne zinyumba nazo, zimalikaga monga monga.

Luka 5:22

Ninga Yesu yakawatanga mahweso gawo, yakapitula yakawatya, “Alo mukwihwesa cici mu zinhumbula zenyu?”

Luka 6:8

Ninga Yesu yakawamanya i mahweso gawo, yakamutya u munhu wo muwoko wono wudejepe “Winuce, wime haciligati.”

Luka 7:40

Yesu yakamutya yuyo Mufalisayo “Simoni nina nghani yo kukulonjela.” Nayo Simoni yakatya, “Lonje Mwijizi.”

Yohana 16:19

Nayo Yesu yakamanya vyono wasakaga kumuwuza, holeka yakawatya, “Alo mukwiwuza ze nghani yiyi vyono nheye, Mu cipango cidodo si mombona hamba nhavi?” Na hanyuma hadodo ho mombona kanyhi?

Yohana 16:30

Alu nhondo camanya he, vyono wuzimanyile zose, hamba si wukusaka munhu yakuwuze cinji, holeka cihuwiye vyono walawa kuli Mulungu.”

Yohana 21:17

Lwe kadatu kanyhi yakamutya, “Ati Simoni go mwana wa Yohana, wunyendile ane 'mbi?” Nayo Petelo yakakalala vyono Yesu yamuwuzize kadatu yakutya, “Wunyendile?” Yakamutya, “Muwaha, agwe wumanyile zose, wumanyile vyono ane nghwendile.” Yesu yakamutya, “Ale wudime zingholo zangu.”

Yohana 6:61

Ninga Yesu yakawamanya mweneco, hamba yunji si yamulonjela vyono wejizwa wakwe wakuying'ung'ulicila inghani yiyo, yakawawuza yakutya, “Alo inghani yiyi yikumupelenyi mahwele hongo?

Yohana 6:64

Ninga hamba nhavivyo ho wali wanji wa muli nyenye wono si wehuwiye.” (Yesu yalonga nhavivyo, hambi nha yali yamanyile kulawa mwamulizo, vyono wa nani wono si wehuwiye, na kanyhi nani mono komugaluka.)

Metumo ge Watumwa 5:9

Nayo Petelo yakamutya, “Alo so cici mulagane no mulume wako kumujela u Muhe wo Muwaha?” Wulanje ta! Awalya iwanhu wono wamuzicile u mulume wako, wali ha mulango, nawo wokutegula na gwegwe kunze.

Wugubule 2:23

Kanyhi nowawulaga i watyatyi wakwe, i makanisa gose ho gamanye vyono, yo nene du mono nizimanyile zinhumbula ne mahweso ge wanhu. Nane nomulipa munhu wo wose muli nyenye nha vyono genha i metumo gakwe.’