Matayo 9:3 - Luganuzi Luswanu Kuli Wanhu Wose 2002

³ Wanji wa muli wejizi wo Wulajilize, wakawa kwanza kwihwesa wakutya, “U munhu ayu yakumutovula u Mulungu!”

I CILAGANE CIPYA 1991

³ Wanji wa muli wejizi wo Wulajilize, wakawa kwanza kwihwesa wakutya, “U munhu ayu yakumutovula u Mulungu!”

Matayo 9:3 ပူးပေါင်းရင်းမြစ်များ

Walawi 24:16

nayo kowulagwa. No munhu wowose mono komutovula Mulungu, hono yawe Mwiisilayeli hamba mujenzi mono mwikalane, munhu yuyo yatowangwe ne mabwe ne mhuga yose sunga yafwe.

Wuwale 15:30

“Ninga munhu wowose mono yakwituma wubi ne nyono yakwe, hono yawe munyawusi, hamba yawe mujenzi, ayo yakuwa musutyi so wubedegala u Muwaha Mulungu. Holeka munhu yuyo yawulagwe.

Matayo 26:65

Baho nayo Mukohani Muwaha yakavidemulanga i vivwalo vyakwe akuno yakutya, “Katovula! Alu cina sokoci kanyhi yo kusaka wahomelezi? Nha muhulika nyo weneco i zinhovu zakwe.

Matayo 7:29

Hambi u mwene nha si yali yenha iwejizi wawo wo Wulajilize, vyono u mwene Yesu yejizaga ko wulajilize.

Maluko 14:64

Hambi nha muwuhulika nyo weneco u wotovule wakwe!” Alu 'nye mukuwona wule? Wose wakatemya vyono yimunojeye yawulagwe.

Maluko 3:28

“Mbeka nghumulonjelenyi, iwanhu wonenelwa wubi wawo wose hamonga ne matovulo gawo gose.

Maluko 3:29

Ninga mono komutovula u Muhe Mono Yelile, yuyo sikonenelelwa lukulu, langa yeza yena lisutya lyo wubi we cibitilila.”

Maluko 7:21

Hambi mugati, mu zinhumbula ze wanhu nha mo galawaga mahweso mabi, gono gakuleta wusenyha, wuhizi, wuwulaji,

Luka 5:21

Wejizi wo Wulajilize ne Wafalisayo wakanza kwihwesa, wakutya, “Yuyu yo munhu ci, mono yakumutovula Mulungu? Hasina munhu mono kosuma kunenela wubi, langa hono si Mulungu yali wene.”