Matayo 8:4 - Luganuzi Luswanu Kuli Wanhu Wose 2002

⁴ Yesu yakawa kumutya umunhu yuyo, “Alu, ta wuhulicize, wulece kumulonjela umunhu wo wose ze nghani yiyi, langa wubite wukelajile ko mukohani, wulavye ne cilavywa cako, nha vyono yalajiliza Musa, ho wuwakangazize nha vyono wapona.”

I CILAGANE CIPYA 1991

⁴ Yesu yakawa kumutya umunhu yuyo, “Alu, ta wuhulicize, wulece kumulonjela umunhu wo wose ze nghani yiyi, langa wubite wukelajile ko mukohani, wulavye ne cilavya cako, nha vyono yalajiliza Musa, ho wuwakangazize nha vyono wapona.”

Matayo 8:4 ပူးပေါင်းရင်းမြစ်များ

Isaya 42:21

U Muwaha Mulungu, yo Mulungu mono kezaga no wuhile wo kuponya, holeka yendile kuwukumya wulajilize wakwe hamonga ne mafundo gakwe kanyhi yendile ne wanhu wakwe wagakamise.

Walawi 13:49

Hono mumvulya wuwo wuwe we 'wala lye dedede, hamba lidunghu, awo weza wutamwa wo wukoma. Holeka yowa yinojeye wulajilwe kuli mukohani.

Matayo 10:18

Kanyhi motegulwa kuli wawaha ne watemi, ku soko yangu, ho musume kuluganula u Luganuzi Luswanu kuli wene na kuli wanhu wono si Wayahudi.

Matayo 16:20

Hanyuma yakawalemeza i wejizwa wakwe vyono walecele lukulu kumulonjela munhu wo wose vyono u mwene yo Kilisito.

Matayo 17:9

Nawo lono watimaga wakulawa mwitunda, Yesu yakawakong'onheza muno, yakutya, “Alu, mulece kumulonjela yunji muli zono muziwene, sunga kolo u Mwana wo Munhu yakuzuka kulawa muli wafu.”

Matayo 3:15

Ninga Yesu yakamupitula Yohana, yakamutya, “Ng'o, ye! Wulece du yiwe nhavivyo, hambi nha vyo yinojeye cizifisilize zose zono u Mulungu yakuzisaka.” Nayo Yohana nhondo ho yakawa kuvumila.

Matayo 5:17

“Mulece kwihwesa vyono ane naza ho niwupate u Wulajilize wa Musa, hamba lunji ne mejizo ge wawizi. Ane si naza ho nizipate zizo, langa naza ho nizisikamye.

Matayo 6:1

“Mulanjilile, mulece kwitumila i metumo genyu maswanu ha meso ge wanhu, ho mwilajise hali wene. Hambi hono munoze nhavivyo cagalanze, nha si mosuma kupegwa icihumbilizwa no Sogo yenyu wa ku wulanga.

Matayo 9:30

Imeso gawo gakanuguzwa. Nayo Yesu yakawakong'onheza ko wukali yakuwatya, “Anye, mulece kumulonjela u munhu wo wose ze nghani yiyi.”

Maluko 13:9

“Ninga 'nye musuguce. Hambi iwanhu nha wolomutegulenyi kuli mahakama, no kumutowenyi mu matang'anilo go wuhembelo. Molotegulwa ha mwande ye walongola ne watemi ku soko yangu, ho muhomelele kuli wene.

Maluko 3:12

Ninga mwene Yesu yakagakong'onheza muno i macisi mavu, galece kumukumusa kuli wanhu vyono u mwene yo nani.

Maluko 5:43

Nayo Yesu yakawakong'onheza muno, walece kuyitandaza inghani yiyo kuli wanhu. Hanyuma yakawa kuwalonjela wamupele muhinza zindigwa.

Maluko 6:11

Ne hanhu ho hose hono iwanhu wolema kumubocelenyi hamba kumuhulicenyi, muwuce baho, ninga mukung'unhe manghundi gono gali mu magulu genyu, ho yiwe wuhomelezi kuli wene.”

Maluko 7:36

Yesu yakawalajiliza walece kumulonjela munhu ze litumo lilyo. Ninga mu nghango vyono yacila kuwalemeza, yo nghango yono nawo wakacila muno kuyitandaza i nghani yiyo.

Maluko 8:30

Hanyuma Yesu yakawakong'onheza walece kumulonjela munhu wo wose zinghani zakwe.

Maluko 9:9

Na lono watimaga hasi ye litunda, Yesu yakawakong'onheza, walece kumulonjela munhu wo wose zono waziwene, sunga u Mwana wo Munhu kolo yakuzuka muli wafu.

Luka 17:14

Yaza kuwawona, yakawatya, “Bitenyi mukelajile kuli wakohani.” Kukawa lono wabitaga, wakawa kwezwa.

Luka 21:13

Na yiyi yomupelenyi cilejeho co kulonga zo Luganuzi Luswanu.

Luka 4:41

Ne macisi gakalawa muli wenji, gakubalaluka, gakutya, “Yo gwegwe Mwana wo Mulungu.” Ninga Yesu yakagatacila, hamba si yagaleka galonje, hambi nha gali gamumanyile vyono yo Kilisito.

Luka 5:14

Nayo Yesu yakamutya “Wulece kumulonjela yunji: langa wubite, wukelajile kuli mukohani, wukalavye cilavywa so wezwe wako, nha vyono Wulajilize wa Musa wukutya, ho wuwe wuhomelezi kuli wene vyono wapona.”

Luka 8:56

Walezi wakwe wakezina, ninga Yesu yakawalajiliza, walece kumulonjela munhu kuli zizo zono zijeye.

Luka 9:21

Ninga Yesu yakawalajiliza walece kumulonjela yunji nghani yiyi, yakutya,

Yohana 5:41

“U wuhile wangu, si vyono ho nhuje u lukumyo kulawa kuli wanhu.

Yohana 7:18

Ninga u munhu mono yakwilonjela mu wulajilize wakwe mweneco du, yakulondola u lukumyo lwakwe mweneco, ninga mono yakulondola u lukumyo lwa mono yamutuma, yuyo yaweza mwihuwilwa, na muli mwene musina wavu wo wose.

Yohana 8:50

Ninga ane si niyilondolelaga lukumyo lwangu no mweneco, ko yuli yunji mono kalondolaga lukumyo lulo, nayo yo Muling'anizi.