Matayo 8:3 - Luganuzi Luswanu Kuli Wanhu Wose 2002

³ Nayo Yesu yakagolola muwoko wakwe, yakamupamiza, yakatya, “Nyendile wukwemwe.” Hobaho du u munhu yuyo yakakwemwa u wukoma wakwe.

I CILAGANE CIPYA 1991

³ Nayo Yesu yakagolola muwoko wakwe, yakamupamiza, yakatya, “Nyendile wukwemwe.” Hobaho du u munhu yuyo yakakwemwa u wukoma wakwe.

Matayo 8:3 ပူးပေါင်းရင်းမြစ်များ

Mwamulizo 1:3

U Mulungu yakatya, “Wuwe wuzelu, nawo wuzelu wukawa.

2 Watemi 5:11

Ninga Naamani yakawuka yakoligwe ne likuwo muno akuno yakutya, “Ane waco, nali kwihwesa 'mba, Elisha kolawila kononze, yaze yanombele kuli Muwaha Mulungu, u Mulungu wakwe, yawalaze no muwoko wakwe mono mo wuli wutamwa, yamhonye wutamwa wangu wo wukoma!

2 Watemi 5:14

Hodu Naamani yakawa kubita kwi'kolongo lya Yoludani, yakenimika mumo kali mupunghati, nha vyono yalonjelwa na Elisha, no wukoma wakwe wukezezwa lukulu. Sunga ne nghuli yakwe yikatelemela yikawa nha nghuli ya mwana mudodo.

Zabuli 33:9

Hambi mwene nha yalonga du, ne yinze yikawa kuwumbwa, mwene yalajiliza du, na vyose vikawa kwijela.

Wutuluce 4:7

Mulungu yakamutya kanyhi, “Ale, wuwinjizaje kanyhi le muwoko wako mugati ye kanzo yako, wuwujelece ha mhambaga yako.” Nayo Musa yakanoza nhavivyo, ninga muhinzo wuwuno yali yeza kuwulavyaniza muwoko wakwe, kumbe wukawa weza muswanu du telele, winha muwili wakwe wose.

Matayo 12:13

Hobaho yakawa kumulonjela u munhu yuyulya wo muwoko wono wudejepe, yakamutya, “Wugolole u muwoko wako.” Nayo yakawugolola, nawo wukawa muswanu telele nha vyono winha u muwoko muyagwe.

Maluko 1:41

Yesu yakamuwonela lusungu, yakagolola muwoko wakwe, yakamupamiza yakamutya, “Nyendile, wukwemwe!”

Maluko 4:39

Ale, Yesu yakasinhuka, yakalitacila lilyo likukunzo liwaha lye mbeho, no kugatya i mawingo ge lilenga, “Nyamala! Tule!” Baho i mbeho yikatula hakanyamala twii.

Maluko 5:41

Yesu yakamwibata muwoko, yakamutya, “Talita kumi.” Nhunizo yayo, “Go muhinza nghukulonjela, winuce!”

Maluko 7:34

Hanyuma yayo yakagalamila kucanyha ku wulanga, yakang'ula, yakamutya, “Efata, wo wutya, Diguka.”

Maluko 9:25

Nayo Yesu yaza kuliwona lipuga lye wanhu lyeza kumwikongholela lumangho hamwande yakwe, yakalitacila lililya licisi lyavu yakulitya, “Agwe go licisi mono wukumunoza u mwana yuyu yawe cibwibwi kanyhi yawe ciziwi, nghukutya, wulawe muli mwana yuyu, hamba wulece kwinjila muli mwene kanyhi!”

Luka 4:27

Kanyhi mu yisi ya Isilayeli, mu cipango ca Eliya muwizi, kwali kowali watamwa wenji wo wukoma, hamba nhavivyo hasina wowose mono yakwemwa, langa hono si Namani du munhu wa Suliya.”

Luka 5:13

Yesu yakagolola muwoko wakwe, yakamupamiza, yakutya, “Nyendile wukwemwe.” Lo lulolulo wukoma wukamuleka.

Luka 7:14

Yakasejelela behi, yakacipamiza citanda cono wali wamudinghuliye mono yali yafwiye, nawo wono wali wamudinghuye wakema. Nayo Yesu yakatya, “Muzelelo, nghukulonjela, Winuce.”

Yohana 11:43

Nayo yaza kukondya kulonga zizo, yakacema kwa yizi iwaha, yakutya, “Lazalo, wulawile kononze!”

Yohana 15:24

Mhali si netuma kwawo imetumo gono yunji wo wose yakali nagetuma, mhali wawe wasina wubi. Ninga alu, waziwona zono nakondya kwituma, na vyono yinha, wakasula nene, kanyhi wakamusula na Baba nhavivilya.

Yohana 5:21

Nha vyono u Sogo yo munhu kawazukulaga i wafu no kuwapela wumi, nhavivyo nayo Mwana kawapelaga wumi awalya wono yendile.