Matayo 8:2 - Luganuzi Luswanu Kuli Wanhu Wose 2002

² Baho u munhu yunji mono yali yena wutamwa wo wukoma yakaza, yakamufugamila Yesu, yakatya, “Gwe Muwaha, hono wende kosuma kunghwema.”

I CILAGANE CIPYA 1991

² Baho u munhu yunji mono yali yena wutamwa wo wukoma yakaza, yakamufugamila Yesu, yakatya, “Gwe Muwaha, hono wende kosuma kunghwema.”

Matayo 8:2 ပူးပေါင်းရင်းမြစ်များ

2 Samwili 3:39

Na nene no mweneco hamba niwe nahagulwa no Mulungu niwe mutemi, ninga nghuhulika wusocele wuwaha muno muno izuwali. Ne wana wawa we cilume wa Zeluya, wakamu muno kuli'ne. Ale, Muwaha Mulungu yawalipicize so wubi wawo!”

2 Watemi 15:5

Na holeka Muwaha Mulungu yakamutowa Azaliya ko wutamwa wo wukoma, yakawa nawo sunga yakafwa. Yakawa yekaye du mu kaya yakwe, yakayileka sunga ne milimo yakwe. No mwanagwe mono yakucemwa Yotamu, yo yakawa yayilanjiliye yisi.

2 Watemi 5:1

Naamani u muwaha we lipuga lye wasilikale wo mutemi wa Siliya, yali munhu we lilumbo yiwaha muno ha mwande yo mutemi wa Siliya. Vyono Muwaha Mulungu yamwitumamila Naamani mu wulugu, yakawapela wusume wasilikale we Siliya. Kanyhi Naamani yali musilikale we citung'ati. Ninga hamba nhavivyo, yagazwaga no wutamwa wo wukoma.

2 Watemi 5:27

Holeka alu wukoma wa Naamani wokwibata gwegwe hamonga no lulelo lwako cibitilila!” Gehazi yakawa kuwuka hali Elisha, yakondya kuwa no wukoma, yakawa muzelu swee nha seluji.

Wuwale 12:10

Ne livunde likawa kuwuka he Hema. No muwili wa Milyamu wukatuga lwa kamonga wutamwa wo wukoma. No muwili wakwe wose wukawa kuswelulila swee, nha mabwe ga mvula. Nayo Haluni yali yeza kumuwona Milyamu vyono yakondya kwibatwa no wukoma,

Matayo 10:8

Muwaponyaje iwatamwa, muwazukulaje wono wafwiye, muwakwemaje wono wena wukoma, mugalavyaje imacisi. Mupegwa bwete, holeka nanye mulavye bwete.

Matayo 13:58

Holeka ku soko yiyo, nayo Yesu si yasuma kwituma mapoto menji i hanhu baho, ku soko yo wula kwihuwila kwawo.

Matayo 14:33

Na wose wono wali wali mu ngalawa, wakamuhemba, wakatya, “Mbeka agwe yo gwegwe go Mwana wo Mulungu.”

Matayo 15:25

Baho nayo u mucekulu yuyo, yakaza, yakafugama hamwande ya Yesu, yakatya, “Gwe, Muwaha, wunhazaje.”

Matayo 18:26

Ninga u mwitumami yuyo, yakafugama ha mwande yo muwaha wakwe, yakatya, “Wayiko wungolelaje nane nokulipa du u mugawa wose.

Matayo 2:11

Hobaho wakawa kwinjila mu nyumba, wakamuwona u mwana yuyo, yali hamonga no nyina Malyamu, wakawa kufugama, wakamuhemba. Waza kukondya, wakawa kuwopola izisawo, wakawa kulavyaniza ivipegwa vyawo, wakawa kumupela zahabu, wubani ne manemane.

Matayo 20:20

Baho u nyina ye wana wa Zebedayo, yakamuziza Yesu, hamonga ne wanagwe yakafugama ha mwande ya Yesu, akuno yakumulomba cinji.

Matayo 26:6

Nayo Yesu lono yali yali kuko ku Betaniya, mu nyumba ya Simoni mono kacemwaga Mukoma,

Matayo 28:17

Nawo waza kumuwona, wakamuhemba, hamba yiwe wanji muli wene, wali wena mahwele.

Matayo 28:9

Lulo du baho Yesu yakawa kwitang'anila nawo. Nayo yakawalamusa, yakawatya, “Lamucenyi.” Nawo i wacekulu wawo, wakamubitila, wakafugama hali mwene, wakayibata imigulu yakwe.

Matayo 4:9

Setani yakawa kumutya Yesu, “Hono wufugamile, wuhembe, ale, ivinhu vivi vyose vyono wukuviwona, nokupela gwegwe viwe vyako.”

Matayo 8:1

Yesu yali yeza kutima yakulawa mwi'tunda, imapuga menji ge wanhu, gakamutyatya.

Matayo 8:25

Iwejizwa wakamubitila, wakamusinhusa wakutya, “Muwaha, wuciponyaje ceza kongomela!”

Matayo 9:18

Nayo Yesu lono yalongaga zizo, yakaza muwaha monga Muyahudi, yakamufugamila, yakutya, “Mwanangu we cicekulu katajika lulu baha. Ninga hamba nhavivyo nghukunena wuze wumuwicile muwoko wako, nayo kowumipa.”

Luka 4:27

Kanyhi mu yisi ya Isilayeli, mu cipango ca Eliya muwizi, kwali kowali watamwa wenji wo wukoma, hamba nhavivyo hasina wowose mono yakwemwa, langa hono si Namani du munhu wa Suliya.”

Yohana 9:38

Nayo u munhu yuyo, yakatya, “Nihuwiye Muwaha.” Yakamuhemba.

Metumo ge Watumwa 10:14

Petelo yakatya, “Ng'o, Muwaha, hambi ane nha nghali sinalya co cose icisemunwa, hamba cavu.”

Metumo ge Watumwa 10:25

Baho Petelo lono yenjilaga, Kolineliyo yakamuhinjiliza, yakafugama ha mwande yakwe, yakenama ho hasi.

1 Wakolinto 14:25

Na ze cinyele zono zili mu nhumbula yakwe zogubulwa, nayo kufugama no kumuhemba u Mulungu, akuno yakutya, “Mbeka, u Mulungu yali hamonga nanye.”

Wugubule 19:10

Ale, nane nghagwa hasi funama ha magulu gakwe, nghuhila nimuhembe. Ninga mwene yakanonjela yakutya, “Leka! Ane nane nili mwitumami du nha gwegwe, hamonga ne wanduguzo, ase wose mono ciyikamisaga i mbeka yiyilya yono Yesu yayigubula. Muhembo Mulungu!” Hambi i mbeka yono Yesu yayigubula, nha yo yikuwamulicila wawizi.