Matayo 7:6 - Luganuzi Luswanu Kuli Wanhu Wose 2002

⁶ “Mulece kuzipela izimbwa ivinhu vyono vyelile, ho zilece kupituka no kumulumanjenyi, hamba mulece kuzigumila izilulu zenyu ha mwande ye zingubi, ho zilece kuzikanyanjila.”

I CILAGANE CIPYA 1991

⁶ “Mulece kuzipela izimbwa ivinhu vyono vyelile, ho zilece kupituka no kumulumanjenyi, hamba mulece kuzigumila izilulu zenyu hamwande ye zingubi, ho zilece kuzikanyanjila.

Matayo 7:6 ပူးပေါင်းရင်းမြစ်များ

Zimbazi 11:22

U wuswanu we futa yo mucekulu, hono wulece kuhanga no wuswanu we nyikala yakwe, wuswanu wakwe wowa nhe nyamwidole ya zahabu yono mvwice mu mhula ye ngubi.

Zimbazi 23:9

Wulece kumulonjela mulele zinghani ze mahala, hambi mwene nha kozibedegala du.

Zimbazi 26:11

U munhu mulele, kawuyilaga kanyhi kwituma zinghani zo wulele, nhe libwa lyono liwuyilaga madeko galyo.

Zimbazi 26:4

Wulece kumupitula mulele mu wulele wakwe, ho wulece kwihwana nayo.

Matayo 15:26

Yesu yakamupitula, yakamutya, “Si viswanu yaye kusola i zindigwa ze wana, hanyuma kuwa kuzipela i zimbwa.”

Matayo 24:10

Na mu vilo vivyo, wanhu wenji wolowuleka u wihuwilo wawo, wolokwigalucila weneco wose no kwisula.

Matayo 7:5

Go mukoci gwe! Wamule wuliwuse ilibici lyono lili mu liso lyako go mweneco, ho kosuma kuwona viswanu no kusuma kuwusa icilagala cono cili mu liso lyo nduguyo.

2 Wakolinto 11:26

Kenji na kenji mu mihinzo yangu, netang'anilaga na mbali nyinji, zimbali zo wulapuce we malenga mu makolongo, zimbali ze malimu makali, zimbali ze wahizi, zimbali zono zalawaga kuli wanyawusi wayangu Wayahudi, na zono zalawaga kuli waono si Wayahudi, ne zimbali za mu makaya mawaha, zimbali za mu mbago, zimbali za mwi'lenga, ne zimbali zono zikulawa kuli wandugu wo wulambi!

Wafilipi 3:2

Mwilegaje na wawo wono wetumaga wavu, wawo wono wenha mabwa, wanhu wono wakukangaza u witemanje mu muwili.

Wahebelaniya 10:29

Wulenyi, u munhu mono yakumubedula u Mwana wo Mulungu, no kuyibedegala i sakami ye cilagane co Mulungu cono ca mweza, u munhu yuyo mono yakumutovula u Muhe wo Mulungu, yimunojeye yapegwe wulipicizwe wuwaha nha cici?

Wahebelaniya 6:6

hanyuma kanyhi wakawa kuwubena u wihuwilo wawo! Si yosumika kuwagomola ho wanene kanyhi, vyono wakumutumbika kanyhi u Mwana wo Mulungu kejete, kanyhi wakumupela cevu ca cagalanze.

2 Petelo 2:22

Hambi nha howuli mulongo wono wutezaga, Libwa ligawuyilaga kanyhi imadeko galyo lyeneco. “No mulongo wunji wutezaga, Ligubi lyono lihovugwe, libiducizaga kanyhi mu madabaga!” Nhavivyo vyo yimile lu kuli wene.

Wugubule 22:15

Ninga mabwa, ne wahawi, ne wasenyha, ne wawulaji, ne wahemba vihwani, sunga na wose wono wendile kulonga zo wulambi, wawo wose, si wokwinjilila lukulu mwi'kaya lilyo, langa wokwikala kunze du.