Matayo 7:2 - Luganuzi Luswanu Kuli Wanhu Wose 2002

² hambi nha mu nghango yono mukuwaling'aniza wanji, nanye nha vyo moling'anizwa nhavivyo, ne cipimo ci cilya du cono mukucitumamila kuli wanji, co cipimo cico du cono u Mulungu nayo kolomupimilenyi na nyenye.

I CILAGANE CIPYA 1991

² hambi nha mu nghango yono mukuwalingʼaniza wanji, ale nanye nha vyo molingʼanizwa nha vivyo, ne cipimo ci cilya du cono mukucitumamila kuli wanji, co cipimo cico du cono u Mulungu nayo kolomupimilenyi na nyenye.

Matayo 7:2 ပူးပေါင်းရင်းမြစ်များ

2 Samwili 21:5

Nawo Wagibeyoni wakatya, “Wumanyile! Sawuli yali yena wuhile yaciwulaje ase wose, yalece kusigala hamba yumonga mumi, mu yisi yose ya Isilayeli.

Zabuli 109:17

Yakawa yendile muno kuwalijita wanhu, ninga 'lu, 'lece wulijite wakwe wumuwuyile, kanyhi mweneco. Hambi nha si yenda wanji ho walugutwe holeka, lece wulugutwe wuwo wumuwucile mweneco.

Wutuluce 21:24

liso kwa liso, lino kwa lino, muwoko kwa muwoko, mugulu kwa mugulu,

Isaya 33:1

Woyi he kuli'nye nyo walugu wetu! Hambi nye nha mwagaluka kanyhi mukahiza. Ninga anye hasina mono yamugalukajenyi hamba kumuhizizenyi yaye. Ninga zinghani zenyu zizo zo wugaluci, hamonga no wuhizi, vyose vyoloduma lwa kamonga du. Hambi nanye nha molowa kwihiziza no kwikonga nyenye wose.

Yelemiya 34:17

Holeka nane, ane no Muwaha Mulungu, nghuwona nha vyono, anye mwawula cogopo kuli 'ne. Hambi nha si muwakomboye wawe welecele i wandugu zenyu Waisilayeli. Ale, heya, viswanu. Nane nomupelenyi nanye welecele, u welecele wo kufwila ku wulugu, na mu matamwa, na mu nzala. Nane nowanoza makungugo gose, wogofywe muno so zono nomutendelenyi 'nye.

Yelemiya 51:24

U Muwaha Mulungu yakutya nhavi, “Ninga nane luno, nomulipa Babiloni hamonga ne wanhu wayo, muli zimbi zose zono wetuma mu Yelusalemi.

Obadiya 1:15

“Lizuwa lyasejelela lyono ane, no Muwaha Mulungu nologaling'aniza makungugo gose. Nagwe Edomu zizo zono wetuma, zo zizo zono kolonozezwa na gwegwe nhavivilya. Nagwe zolokuwuyila zizilya du zono wawanozeza wanji.”

Matayo 6:14

“Hambi hono muwanenele wanhu imasutya gawo, u Sogo yenyu nayo wa ku wulanga, ho kosuma kumunenelenyi nanye imasutya genyu.

Maluko 4:24

Yakawatya kanyhi, “Hulicizenyi muno muno cono mukuhulika! I cipimo cico cono mukwitumamila kuwapimila i wanhu wanji, co cico du cono u Mulungu nayo kolokwitumamila kumupimilenyi na nyenye, kanyhi molokonjelezwa.

Luka 6:38

Wapelenyi wanji vyono wakusaka, nanye molopegwa, Heya molobocela mu miwoko yenyu cipimo ciswanu cisindilwe, cisinjisizwe, cono cimemeleceye, no kumwajika. Hambi nha mu cipimo cicilya du cono mwitumamilaga kuli wanji, co cico du cono Mulungu nayo kolomujelelenyi na nyenye.”

2 Wakolinto 9:6

Ninga mweze kukumbucila vyono, “U munhu mono yakuhadika ko wucefu, nayo kolo dudula wucefu, nayo munhu mono yakuhadika ko winji, ale, kolodudula ko winji.”

Yakobo 2:13

Hambi, u Mulungu nha kolowa yasina lusungu kolo yakumuling'aniza munhu mono yasina lusungu. Ninga lusungu lucizize wuling'anizi.

Wugubule 18:6

Ale, mumutendelaje nha vyono yamutendelenyi nyenye, mumuwuyajizaje kejete nha vyono genha i metumo gakwe. Memyenyi i cikombe cakwe ko wung'we wukali kali kejete, si nho wung'we awulya wono u mwene yamupelenyi.

Walamuzi 1:7

Adonibezeke yakatya, “Watemi makumi mupunghati wono madole kululu gawo ga mu mawoko na ga mu magulu gali madumulwe, watondolaga ndigwa hasi ye meza yangu. Alu Mulungu yanhendela nane nha vyono nawatendela wene.” Nawo wakamutegula ku Yelusalemi yakafwila kuko.

Walamuzi 5:27

Sisela yakefunamila ha magulu gakwe yakagwa hasi yakalambalala ha magulu ga Yayeli. Yakafunama, yakagwa ha magulu ga Yayeli yakagwa hasi, hobaho yakawa kufwa.

1 Samwili 15:33

Nayo Samwili yakawa kumulonjela Agagi yakamutya, “Nha vyono mumaje wako wawanoza wacekulu wawe wafwiliywe ne wana wawo wose, ale, nhavivyo no nyina yako nayo, kofwilwa ne wanagwe wose nhe wacekulu wanji.” Hobaho du Samwili yakawa kumutemasha mutemi Agagi viponje viponje, ha mwande ye cikumbicilo baho ha Giligali.