Matayo 5:3 - Luganuzi Luswanu Kuli Wanhu Wose 2002

³ “Wamoti wono wakwiwona nha waciwa hali Mulungu, hambi u wutemi wo Mulungu nha wawo.

I CILAGANE CIPYA 1991

³ “Wamoti wono wakwiwona nha waciwa hali Mulungu, hambi u wutemi wo Mulungu nha wawo.

Matayo 5:3 ပူးပေါင်းရင်းမြစ်များ

2 Zinghomo 33:12

Na mumo mu wudumyanzwe wakwe, yakenjilwa no winenenyhezi wuwaha muno, yakamuwuyila Muwaha Mulungu, u Mulungu wakwe, yakamulomba Mulungu yamutaze.

2 Zinghomo 33:19

Na vyono mutemi yalomba, na vyono Mulungu yakamupitula, hamonga du no wubi wono Manase yetuma, lono yali yakali si nanena, hamonga ne zimbi zose zono yetuma, ze hanhu ho wuhembelo we wanhu wono si wamumanyile Mulungu, ne vihwani vyo mulungu we cicekulu Ashela, vyono yasesa, hamonga ne vihwani viseswe, vyono yavihemba, lanje, zose zizo zandicigwe mu citabu ce zinghomo ze wawizi.

2 Zinghomo 33:23

Kanyhi si yali yehwanile sogwe mono yenenenyheza, yakamuwuyila Muwaha Mulungu. Mwene Amoni, yetuma wubi muno kuciza no wubi wono sogwe yetuma.

2 Zinghomo 34:27

na kanyhi vyono kunena, kanyhi kuwa kwinenenyheza hali 'ne, kuwa kuwulajila wunene wako, mu nzila yo kudemulanga vivwalo vyako. Kuwa kulila, weza kuhulika nha vyono noyilipiciza Yelusalemi, hamonga ne wanhu wayo. Holeka nane lu, no Muwaha Mulungu, u Mulungu wa Isilayeli, niwuhulika wulombe wako.’

2 Zinghomo 7:14

nawo wanhu wangu wono wakucemwa mwi'tagwa lyangu hono, wenenenyheze no kulomba kuli'ne, no kunondola kanyhi wagalece ne metumo gawo mabi gono wali kwituma, nane nowahulika kuko ku wulanga, nowanenela no wubi wawo, no kuyimotya kanyhi yisi yawo.

Jobu 42:6

Holeka aluno, nghuziwonela cevu zose zono nalonga, nane nghunena mu manghundi ne mavu.”

Zabuli 1:1

Yali ciba munhu mono si yakuzityatya, zinghani ze wanhu wabi, hamba kutyatya mikalile, ye wanhu wahodanji, hamba kwilumbaniza ne wanhu wono, wakumubedegala Mulungu.

Zabuli 112:1

Muwaha Mulungu yalumbwe! Yo mumoti munhu mono yamogopile Muwaha Mulungu, mono yakusangalalila kugebata malajilizo gakwe.

Zabuli 128:1

Wamoti wose wono wamogopilo Muwaha Mulungu, wono wakugatyatya malajilizo gakwe.

Zabuli 146:5

Holeka yo mumoti mono yakumunoza Mulungu wa Yakobo, kuwa yo mutazi wakwe, no witumbilo wakwe, wukuwa wuli muli Muwaha Mulungu wakwe,

Zabuli 2:12

hono mulece kunoza nhavivyo, mwene kosimba nanye mokongomezwa, hambi likuwo lyakwe nha lyakaga nhinicizo. Nyemo mbaha kuli wose wono wakwihundika muli mwene!

Zabuli 34:18

U Muwaha Mulungu yali behi na wose wono wena mahwele, kawaponyaga wose wono wasina witumbilo.

Zabuli 41:1

Yo mumoti munhu mono yakuwataza waciwa, u Muwaha Mulungu komutaza nayo, mu vilo vyo wugaye.

Zabuli 51:17

Langa cilavywa cangu kuli'gwe go Mulungu, yo nhumbula du yono yidejepe, hambi 'gwe go Mulungu, nha si kulemaga nhumbula yono yidejepe na ye cihuliko.

Zabuli 84:12

Gwe go Muwaha Mulungu we mihanga, wo wamoti wono wakwitumbiye gwegwe!

Zimbazi 16:19

Yili ciba winenenyheze no kwikala mu wuciwa. Si nho kuwa mwi'puga lye wedunhumuzi, no kuhanga nawo muli vyono wapumhile.

Zimbazi 29:23

Ne wanhu wedunhumuzi, wosuma kukuletela lifwa. Ninga hono wuwe mwinenenyhezi, wokupela lilumbo.

Zimbazi 8:32

“Holeka lu wanangu, muhulicize 'ne mwitume nha vyono nimwijizenyi, nanye mosangalala.

Isaya 30:18

Ninga hamba nhavivyo, mwene Muwaha Mulungu wo lusungu kowa vyo yakali yakumuwonelenyi lusungu du. Kanyhi yewikanize ho yamuwonelenyi lusungu, hambi mwene nhondo zose nha ketumaga ze ling'ani. Holeka wamoti wono wamwitumbiye u Muwaha Mulungu.

Isaya 57:15

“Hambi ane, nha yonene u Mulungu mono yelile, mono nikalaga cibitilila. Nikalaga i hanhu hono henuce na hono helile. Ninga hamba nhavivyo, nikalaga hamonga ne wanhu wenenenyhezi, kanyhi wono wakondizye kunena. Ho niwasikamye vilungo vyawo vya mu nhumbula, hamonga no witumbilo.

Isaya 61:1

Muwaha Mulungu, kamemya'ne no muhe wakwe. Kasiwanula ho niwaganulile luganuzi luswanu i waciwa, niwaponye wono wadejepe mu nhumbula niwanzize zo wulecelwe wawo awalya i wahamywa, no wulecelwe wa kuli wafungwa mu jela.

Isaya 66:2

Nha yo nene mono nayiwumba yinze yose! Kanyhi mono nendezwaga ne wanhu wono wanenile, kanyhi wenenenyhezi, wono wanyogopile, wena ne cihuliko kuli'ne.

Mika 6:8

Aa ng'o, hambi Muwaha Mulungu nha yacilonjela ziswanu zono zinojeye hali mwene, zono yakuhila kuli'se, nha zozi, Citume zono zili ling'ani, cilajile wendo kuli mwene, no kujenda ko winenenyhezi hamonga no Muwaha Mulungu wetu.

Matayo 11:25

Mwipango lilyo Yesu yakatya, “Nghukulumba 'gwe Baba, go Muwaha wo wulanga ne yinze, hambi nha kuwahundika we mahala i zinghani zizi, langa wukawagubulila i wana wadodo.

Matayo 11:6

Holeka, yo mumoti u munhu mono si yakuyiwona nghani yo yose yimbi muli nene.”

Matayo 13:16

“Holeka anye muli wamoti, vyono i meso genyu gakuwona, ne makutu genyu gakuhulika.

Matayo 19:14

Ninga Yesu yakawatya, “Muwalekaje iwana wawo wadodo waze kwangu, mulece kuwemila, hambi u wutemi wa ku wulanga nha wa wanhu wono wenha iwana wawa, nha wo wanojeye ku wutemi wa ku wulanga.”

Matayo 24:46

Mbeka u mwitumami yuyo kowa mumoti, hono u muwaha wakwe kolo yakuza, yamwagane yakunoza nhavivyo.

Matayo 25:34

Hanyuma u mutemi ho kowalonjela awalya wono wali ku lubavu lo muwoko wakwe wo kulume yakutya, ‘Muze anye mono mwalugutizwa na Baba, mubocele u Wutemi wono mwawikanizizwa ku wulawa wuwumbwe we yinze.

Matayo 3:2

“Ale munene, hambi u wutemi wa ku wulanga nha wasejelela.”

Matayo 8:11

Holeka nghumulonjelenyi nha vyono iwanhu wenji wokuza, wakulawa kucilima na kumwezi, nawo wokwikala ha zindigwa mu wutemi wa ku wulanga, wena hamonga na Abulahamu na Isaka, na Yakobo.

Maluko 10:14

Nayo Yesu yaza kuziwona zizo, yakakolwa yikuwo, yakawatya iwejizwa wakwe, “Walecenyi wawo iwana wadodo wanyizize, mulece kuwemila, hambi u wutemi wo Mulungu nha wuli so wanhu wono wenha iwana wadodo wawa.

Luka 11:28

Nayo Yesu yakamutya, “Heya, ninga wamoti muno wanhu wono wakuyihulika nghani yo Mulungu no kuyikamisa.”

Luka 18:14

Nghumutyenyi, yuyo mutoweza kodi, yawuya kwakwe kuno yakondizye kwilamula no Mulungu. Ninga ayulya u Mufalisayo, si nhavivyo. Hambi muli wose mono yakwikumya mweneco, nha konyetywa na mono yakwinyetya yo kokumywa.

Luka 22:29

nane nomupelenyi wutemi, nha vyono Baba yamhela.

Luka 22:30

Musume kulya no kung'wa ha wulilo wangu mu wutemi wangu. Nanye molokwikala mu magoda go wutemi mukuwaling'aniza i milango yikumi na myejete ya Isilayeli.”

Luka 4:18

“U Muhe wo Muwaha yali muli nene Kasiwanula, ho niwaganulile waciwa Luganuzi Luswanu, Kanhuma niwalonjele wono wafunjigwe, nha vyono wowopolelwa, Ne wabofu, vyono wowona kanyhi,

Yohana 20:29

Yesu yakamutya, “Alu ho wehuwila vyono wambona? Ninga wamoti wono wehuwiye, lono wakali si nawona.”

Wukumbucize wo Wulajilize 8:2

Kanyhi mukumbucile vyono Muwaha Mulungu, u Mulungu wenyu, yamutonjenyi mu muhinzo mutali, wa mu nyika mu myaka yiyi makumi mane yono yipulute, yakamukozenyi mu makamu menji, ho yamujelenyi, ho yamanye zono zili mu zinhumbula zenyu, na hono mbeka mwendile kugebata malajilizo gakwe, hamba ng'o.

Yakobo 1:10

nayo mugoli, yimunojeye yawe na nyemo lono yakugwiswa no Mulungu. Hambi umugoli nha kokwajilila nhe liluwa lya mu mbago.

Yakobo 1:12

Mumoti munhu mono yakukangalila wujelwe, hambi kolo yeza yasuma, nha kopegwa i cihumbilizwa co wumi cono Mulungu yawatemezezya wawalya wono wamwendile.

Yakobo 2:5

Wandugu zangu, wendece, hulicizenyi ta! U Mulungu yakondya kuwahagula iwanhu waciwa wa mu yinze yiyi, ho wawe wagoli wo wihuwilo, kanyhi wawubocele wutemi wono yawatemezeza wa walya wono wamwendile.

Wugubule 19:9

Nayo malayika yakanonjela yakutya, “Wuzandikaje azino, Wamoti wono wacemeywe ku zindigwa ze halusi yo Mwana we ngholo!” Yakanonjela kanyhi yakutya, “Zizo zo nghani ze mbeka yo Mulungu.”

Wugubule 22:14

Wo wamoti wawo wono wakuvikanza i vivwalo vyawo, hambi wawo nha wo wowa ne ling'ani yo kulya mana go mubici wo wumi, kanyhi wo wowa ne ling'ani yo kukolela mu milango yalyo, no kwinjila mwi'kaya.

Wugubule 3:17

Agwe wukwiyitya, ‘Ane nili mugoli, nina vinhu vyose, hamba si nyanjize cinji co cose.’ Kumbe si wumanyile vyono agwe wuli musocele, kanyhi wuli munhu wo kuwonelwa lusungu, wuli muciwa, kanyhi wuli mubofu, kanyhi wusawuce!