Matayo 4:7 - Luganuzi Luswanu Kuli Wanhu Wose 2002

⁷ Yesu yakamutya, “Kanyhi yandicigwe vyono, ‘Wulece kumujela Muwaha u Mulungu wako.’ ”

I CILAGANE CIPYA 1991

⁷ Yesu yakamutya, “Kanyhi yandicigwe vyono, Wulece kumujelo Muwaha u Mulungu wako.”

Matayo 4:7 ပူးပေါင်းရင်းမြစ်များ

Zabuli 106:14

Wakakwegwa ne masulumizi ku nyika, wakamujela Mulungu ku nyika.

Zabuli 78:18

Wakamujela Mulungu mu zinhumbula zawo, wakusaka wapegwe ndigwa yono weneco wasakaga.

Zabuli 78:41

Wakamujela Mulungu kali kenji muno muno, wakamukalaza muno muno yuyo, Mono Yelile wa Isilayeli.

Zabuli 78:56

Hamba nhavivyo, wakacila kumujela, no kumufyulila Mulungu Mono Yalawiliciye, hamba si webata zo wuhile wakwe yaye.

Zabuli 95:9

Kuko kono walezi wenyu wanjela no kumhima, hamba wawe wali wakondya kugawona metumo gangu, gono nali nawatendela.

Wutuluce 17:2

Holeka wanhu wakamung'ung'ulicila Musa wakamutya, “Gwe Musa, wucipelaje le malenga cing'we.” Nayo Musa yakawawuza yakawatya, “Alu nye, nhawulenyi mukung'ung'ulicila? Hamba nhawule mukumujela Muwaha Mulungu?”

Wutuluce 17:7

Ne hanhu baho, Musa yakahacema Masa na Meliba, hambi nha ho hanhu hono Waisilayeli wang'ung'ulicila no kumujela Muwaha Mulungu wakutya, “Aa! Hongo mbeka Muwaha Mulungu yali hamonga nase hamba ng'o?”

Isaya 8:20

Nanye muwapitule muwe kutya, “Ciba muzihulice zono Muwaha Mulungu yakumwijizenyi! Mulece kuwahulika i waganga wo wulambi. Hambi zizo zono wakumulonjelenyi, nha sizo-mutazenyi cinji yaye.”

Malaki 3:15

Ninga nha vyono ase cikuwona, i wanhu wevuni wo wawo wono wekalaga wena nyemo. Ninga i wanhu wabi, si vyono wakumota du, langa kanyhi wakuwa kumujela Mulungu wukangalizi wakwe mu metumo gawo mabi, nawo wakupona.’ ”

Wuwale 14:22

hasina munhu hamba monga wa muli wawa, mono kokwikala mumi sunga yaze yenjile mu yisi yiyo. Hambi nha waluwona lukumyo lwangu lono lukundajila vyono nili baho, kanyhi wakagawona ne mapoto gono naganoza mu yisi ya Misili, sunga na mono nyika, kanyhi wakanjela no wukangalizi wangu kali kenji, ninga hamba nhavivyo, si wahulika 'ne yaye.

Matayo 21:16

Hobaho wakamutya Yesu, “Alu ho siwukuhulika vyono wakutya?” Nayo Yesu yakawatya, “Heya nghuhulika! Alu anye, mukali si nagasoma lo Mandiko gaga Gono Gelile? Gono gakutya, ‘Kuwejiza iwana wadodo, sunga ne wagalika wose, ho wakulavizye lilumbo lyono likwilaniciye!’ ”

Matayo 21:42

Baho nayo Yesu yakawatya, “Alo mukali si nayisoma inghani yiyi mu Mandiko Gono Gelile? Yono yikutya, ‘Ilibwe lyono walilema i wazenji alu lyo lyaweza lyo libwe liwaha lyo musinji. No Muwaha yo yayinozize inghani yiyi. Nayo yo nghani yo wizine muno muno kuli'se!’

Matayo 4:10

Baho nhondo, Yesu yakamulonjela Setani yakatya, “Bita ko Setani! Hambi nha yandikwe vyono, ‘Komuhemba Muwaha u Mulungu wako, nagwe komwitumamila u mweneco yali wene du.’ ”

Matayo 4:4

Nayo Yesu yakapitula yakutya, “Mu Mandiko Gono Gelile yandicigwe nhavi, ‘U munhu si kokwikala mumi so mukate du, langa so nghani yo yose yono yikulongwa no Mulungu.’ ”

Luka 4:12

Yesu yakapitula yakamutya, “Yandikwa, ‘Wulece kumujelo Muwaha Mulungu wako.’ ”

Metumo ge Watumwa 15:10

Alu so cici mukumujela Mulungu, ko kuwatwika wawo iwejizwa u mutegulo wono hamba wa kuku zetu hamba sese du, si casuma kuwudinghula?

Metumo ge Watumwa 5:9

Nayo Petelo yakamutya, “Alo so cici mulagane no mulume wako kumujela u Muhe wo Muwaha?” Wulanje ta! Awalya iwanhu wono wamuzicile u mulume wako, wali ha mulango, nawo wokutegula na gwegwe kunze.

1 Wakolinto 10:9

Kanyhi, cilece kumujela u Muwaha, nha vyono wanji wakamujela, nawo wakawulagwa ne zinzoka.

Wukumbucize wo Wulajilize 6:16

“Kanyhi mulecele lukulu kumujela u Muwaha Mulungu, u Mulungu wenyu, nha vyono mwanoza ha Masa.

Wahebelaniya 3:9

Kuko i wasogo zenyu wasagala, wakanjela yakutya u Muwaha, hamba wawe wali waziwona zono nali nakondya kwituma mu myaka makumi mane.”