Matayo 4:4 - Luganuzi Luswanu Kuli Wanhu Wose 2002

⁴ Nayo Yesu yakapitula yakutya, “Mu Mandiko Gono Gelile yandicigwe nhavi, ‘U munhu si kokwikala mumi so mukate du, langa so nghani yo yose yono yikulongwa no Mulungu.’ ”

I CILAGANE CIPYA 1991

⁴ Nayo Yesu yakapitula yakutya, “Mu Mandiko Gono Gelile yandicigwe nhavi, ‘U munhu si kokwikala mumi so mukate du, langa so nghani yo yose yono yikulongwa no Mulungu.’ ”

Matayo 4:4 ပူးပေါင်းရင်းမြစ်များ

Wutuluce 16:15

Nawo Waisilayeli wali weza kuwona wakezina muno muno hambi nha si wamanya vyono cali cinhuci, holeka wakawa kwiwuza wakutya, “Alu nye, cicici cene ci?” Nayo Musa yakawalonjela yakatya, “Ayino yo ndigwa yono mupejigwe no Muwaha Mulungu ho mulye.

Wutuluce 16:35

Waisilayeli wayilya yiyo mana mu myaka makumi mane, sunga wakafika mu yisi ya Kanani.

Wutuluce 16:8

Musa yakatya kanyhi, “Muwaha Mulungu, i cinyamihe, komupelenyi nyama, na hakali mitondo komupelenyi mikate ho mulye mwigute, hambi mwene Muwaha Mulungu nha kakondya kuwuhulika wung'ung'ulice wenyu, wono mukumung'ung'ulicila. Ase 'mbi cili wanani ho mucing'ung'ulicile? Hono mukucing'ung'ulicila ase, mumanye vyono mukumung'ung'ulicila Muwaha Mulungu.”

Wutuluce 23:15

Mu mwezi wa Abibu, mwezi wono mwawucila mu yisi ya Misili, monoza sikukuu ye mikate yono yisina cisase, nha vyono namulajilizenyi. Holeka mulecele lukulu kulya mukate wono wina cisase, mu vilo vivyo vyo mupunghati vya mu sikukuu yiyi. Kanyhi munhu wo wose yalece kuza ku wuhembi yali bwete yasina cilavywa.

Matayo 15:11

I cinhu cono cikumwavufya munhu, si acilya cono cikumwinjila mu mu mulomo wakwe, langa acilya cono cikulawila mu mulomo wakwe. Cico langa co cikumwavufya munhu.”

Matayo 4:10

Baho nhondo, Yesu yakamulonjela Setani yakatya, “Bita ko Setani! Hambi nha yandikwe vyono, ‘Komuhemba Muwaha u Mulungu wako, nagwe komwitumamila u mweneco yali wene du.’ ”

Matayo 4:7

Yesu yakamutya, “Kanyhi yandicigwe vyono, ‘Wulece kumujela Muwaha u Mulungu wako.’ ”

Maluko 7:20

Yesu yakajendelela kutya, “Cono cilawaga mugati yo munhu co cimwavufya munhu.

Luka 4:12

Yesu yakapitula yakamutya, “Yandikwa, ‘Wulece kumujelo Muwaha Mulungu wako.’ ”

Luka 4:4

Yesu yakamupitula, yandikwa “Munhu si ko kwikala mumi so ndigwa du.”

Luka 4:8

Nayo Yesu yakapitula yakamutya, “I Mandiko gakutya, ‘Komuhemba Mulungu wako, no komwitumamila mweneco yali wene du.’ ”

Yohana 15:26

“Kolo yakuza yuyo u Mutazi, mono nomutumilenyi kuwulawa kwa Baba, yo Muhe we mbeka, mono yakulawa kuli Baba, yuyo yo kolohomelela izangu.

Yohana 6:63

U Muhe yo kaletaga wumi, ninga munhu yali wene, sikosuma cinji. Izinghani zono nimulonjelenyi, wo Muhe wo Mulungu, kanyhi wo wumi.

Walumi 15:4

Hambi zose zono zandikwa, nha zandikwa ho zicijize ase, nase ho cituje witumbilo mu wukangalile, na mu wusindamice wono cikupegwa ne Mandiko gago Gono Gelile, ho ciwe no witumbilo.

Waefeso 6:17

Muyibocelaje mhonelo ho yiwe nha kofiya yenyu ya cuma, ne nghani yo Mulungu yiwe nha mumaje wono mukupegwa no Muhe Mono Yelile.

Wukumbucize wo Wulajilize 8:3

Yakamulecenyi ho mudabuce muno, hanyuma yakamulisenyi ndigwa yono yikucemwa Mana. Ndigwa yono ku wulawa katali si mwali muyimanyile nyenye, hamba walezi wenyu, mwali mukali hamba nayilya yaye. Muwaha Mulungu yakazinoza zizi, ho yamwijizenyi mumanye vyono munhu si kekalaga mumi so mukate du, langa vyono, munhu kekalaga mumi ku so zinghani zose zono kazilongaga Muwaha Mulungu.