Matayo 4:1 - Luganuzi Luswanu Kuli Wanhu Wose 2002

¹ Baho Yesu yakawa kutongwa no Muhe sunga ko ku nyika ho yajelwe na Setani.

I CILAGANE CIPYA 1991

¹ Baho Yesu yakawa kutongwa no Muhe sunga ko ku nyika ho yajelwe na Setani.

Matayo 4:1 ပူးပေါင်းရင်းမြစ်များ

Mwamulizo 3:15

Nane nowika wisule hagati yako no mucekulu yuyu, na hagati yo lulelo lwako no lulelo lwakwe, wowa wali wulugu. Lolokutijinha u mutwe, nagwe kolomuluma mu cising'anilo.”

1 Watemi 18:12

Alu nha baha kolo neza kuwuka, nagwe kono nyuma hono muhe wo Muwaha Mulungu wukusole, wukutegule kunji kono si kumanyice, nane kumbe nowa nakondya kumulonjela Ahabu nha vyono wuli bahano, nayo lu kumbe ho yekale si yakuwene, langa baho nhondo kombulaga. Agwe Eliya, wukumbucile nha vyono ane nili mogopa Muwaha Mulungu ku wulawilila wudodo wangu.

2 Watemi 2:16

“Ase mono cili baha, cili wanhu makumi mahano we vilungo. Holeka wucikombole cibite cikamulondole Eliya, u muwaha wako. Hambi nha lunji kowa u muhe wo Muwaha Mulungu wumusola wuwa kumutegula mucanyha ye matunda ganji, hamba lunji mu malolo ganji.” Nayo Elisha yakawapitula yakawatya, “Aa, ng'o, mulece kubita.”

Ezekiyeli 11:1

Kanyhi muhe wukanyinula wukandeta sunga ko ku mulango wo lubavu lwa kucilima ye Nyumba yo Mulungu. Nali neza kufika kuko, nghawona wanhu makumi mejete na wahano, wemile behi no mulango. Na muli wene, mwali mo yuli na Yazaniya u mwana wa Azuli, hamonga na Pelatiya u mwana we Benaya, i walongola wawaha we nghungugo.

Ezekiyeli 11:24

Hanyuma kanyhi, mu wugubulilwe wangu, u muhe wo Mulungu wukandinghula kanyhi, wukangomola sunga ko ku wahamywa, ku Babiloni. Hobaho baho wugubulilwe wangu wukawa kumbucila.

Ezekiyeli 3:12

Hobaho u muhe wo Mulungu wukanyinula, nane nghahulika kunyuma yangu, wukolome wa yizi yiwaha likulonga likutya. “Nhojo yo Muwaha Mulungu, yilumbizwe ku wulanga kucanyha!”

Ezekiyeli 3:14

No muhe wo Muwaha Mulungu, wukanyiziza kwe vilungo viwaha wukanyasula. Na lono muhe wakwe wanyasulila kwe vilungo, nghahulika wusungu muno sunga nghakolwa ne likuwo.

Ezekiyeli 40:2

Na mu wugubulilwe wangu, u Mulungu yasola, yakanhegula ku yisi ya Isilayeli, yakambika ku cizuli ce litunda litali muno muno. Na ha mwande yangu nghawona makaya menji, gono gejelaga nhe kaya yiwaha.

Ezekiyeli 43:5

Ale baho, u Muhe wo Muwaha Mulungu, yakanyinula, yakanhegula sunga ko kwi'kumbo lya mugati. Nane kuko, nghayiwona Nyumba yo Mulungu yakondya kumemywa no lukumyo lo Muwaha Mulungu.

Ezekiyeli 8:3

No munhu yuyo, yakagolola cihwani co muwoko wakwe, yakanyibata mu cizukwi ca mu mutwe wangu. Na mu wugubulilwe wuwu, u Muhe wo Mulungu wukanyinula mu mwanya mucanyha, wukanhegula sunga ko ku Yelusalemi. Wukambika ha mulango wo lubavu lwa kusumuka, wo kwinjilila mu Nyumba yo Mulungu, i hanhu hono hali hawicigwe cihwani cono cali ce liwifyo muno hali Mulungu.

Yohana 14:30

Si nomulonjelenyi muno kanyhi, hambi u muwaha we yinze yiyi nha yakuza, nayo hamba si kosuma cinji kuli'ne.

Metumo ge Watumwa 8:39

Waza kuwuka mu malenga, u Muhe wo Muwaha yakamuwusa cinyele Filipo, na yuyo Mwetopiya si yamuwona kanyhi, ninga mwene yakajendelela no muhinzo wakwe du, akuno yamemile nyemo mbaha.

Walumi 8:14

Hambi wose wono watongwaga no Muhe wo Mulungu, wawo nha wo wana wo Mulungu.

Wahebelaniya 2:18

Nayo alu kosuma kuwataza wono wakujelwa, hambi nayo mweneco nha yajelwa kanyhi yakatamiswa.

Yakobo 1:14

Ninga u munhu kajelwaga lono yakukwegwa no kusumwa ne masulumizi gakwe mweneco.