Matayo 3:7 - Luganuzi Luswanu Kuli Wanhu Wose 2002

⁷ Ninga yaza kuwawona i Wafalisayo ne Wasadukayo wenji, wakumuziza ho yawabaputize, u mwene yakawalonjela yakatya, “Anye nyo lulelo lwe zinzoka! Alo nani mono yamulonjelenyi vyono mosuma kwilega ilikuwo lyono likuza?”

I CILAGANE CIPYA 1991

⁷ Ninga yaza kuwawona i Wafalisayo ne Wasadukayo wenji, wakumuziza ho yawabaputize, u mwene yakawalonjela yakatya, “Anye nyo lulelo lwe zinzoka! Alo nani mono yamulonjelenyi vyono mosuma kwilega ilikuwo lyono likuza?”

Matayo 3:7 ပူးပေါင်းရင်းမြစ်များ

Mwamulizo 3:15

Nane nowika wisule hagati yako no mucekulu yuyu, na hagati yo lulelo lwako no lulelo lwakwe, wowa wali wulugu. Lolokutijinha u mutwe, nagwe kolomuluma mu cising'anilo.”

Zimbazi 28:4

Na hono wuwe si kuwucelelelaga wulajilize, nagwe wehwana i wanhu wabi. Ninga hono wuwe wukuwutyatya wulajilize, si kohoswa yaye,

Isaya 59:5

No wihehemeze wenyu wono muwunozaga mugati yayo, wina wuwulaji, nhe magangha ge lizoka lyono lina sumu. Hono wulitule ligangha, mugati yalyo lyolawila lizoka!

Yelemiya 51:6

Mutize wulawa mu Babiloni! Munhu yeponye nhumbula yakwe! Mulece kutamisizwa lukulu so wubi wa Babiloni. Hambi nha go madaha gangu luno, go kwilipiciza cilipicizo cangu kuli wene, nha vyono yiwanojeye.

Yelemiya 6:10

Ninga nane nghamupitula nghatya, “Gwe go Muwaha Mulungu, alo nani mono kokwenda kuhulika 'ne waco, kolo neza kuwalonjela, nghuwasugula? Hambi nagwe nha wuwamanyile, vyono wo wanhu wono wasina cihuliko hamba hadodo, holeka hamba si wovumila yaye kuzihuliciza ne zinghani zako, woziwona nha nzwaji du, muli zose zono wukunhuma mbite nghawalonjele.

Matayo 12:24

Ninga i Wafalisayo waza kuzihulika zizo wakatya, “U munhu yuyu, kagalavizyaga macisi mu vilungo vya Belizebuli u muwaha we macisi.”

Matayo 12:34

Nye mo lulelo lwe zinzoka! Alu mosuma nhawule kuzilonga i ziswanu, na kumbe nyenye mo weneco muli wabi?” Ku soko u munhu, nha kalongaga zono zimumemile mu nhumbula yakwe.

Matayo 15:12

Hanyuma i wejizwa wakamubitila, wakamutya, “Wule wumanyile'mbi vyono i Wafalisayo watamiswa mu zinhumbula zawo, ku soko ye zinghani zako?”

Matayo 16:1

Nawo i Wafalisayo ne Wasadukayo, wakamubitila Yesu, ho wamujele, wakamulomba yanoze citanjilo cono cikulawa ku wulanga.

Matayo 16:6

Yesu yakawatya, “Mwikalaje meso, kanyhi mweze musujile kuli cisase ce Wafalisayo ne Wasadukayo!”

Matayo 22:15

Hanyuma i Wafalisayo wakawa kubita, wakalongana weneco wose i nzila yono wosuma kumugwiziza Yesu mu wulonje wakwe.

Matayo 22:23

Mwizuwa lilyo wanji wa muli Wasadukayo wakamuziza Yesu. Wawo wo wanhu wono watezaga vyono i wanhu si wolozuka yaye.

Matayo 22:34

Nawo i Wafalisayo, waza kuhulika vyono Yesu yawanyamaza i Wasadukayo, hodu waketang'anila hamonga.

Matayo 23:33

Anye mo wana we zinzoka, zono zina sumu! Alo mosuma nhawule kuwilega u wuling'anizwe wo moto we Gehena?

Matayo 5:20

Holeka nghumulonjelenyi nghutya, u wuswanu wenyu, hono wulece kuciza awulya we Wafalisayo ne wejizi wo Wulajilize, nanye si mokwinjilila lukulu mu wutemi wa ku wulanga.”

Maluko 12:13

Ale, Iwafalisayo wanji, hamonga ne watyatyi we cipuga ca Helode, watumwa ho wamugwizize Yesu mu wulonje wakwe.

Maluko 12:18

Iwasadukayo wono watezaga kusina wuzuce, wakamuziza Yesu wakamuwuza, wakutya,

Maluko 8:15

Yesu yakawakong'onheza, yakutya, “Lanjenyi ta! Mweze musujile kuli cisase ce Wafalisayo ne cisase ca Helode.”

Luka 16:14

Ninga Wafalisayo wali weza kuzihulika zizo zose, vyono wene wali wendile muno sawo, wakamubedegala Yesu.

Luka 18:11

Yuyo Mufalisayo yakema, yakawa kulomba cinyele mu nhumbula yakwe yakutya, “Gwe Mulungu, nghukulumba vyono ane si ninha wanhu wanji, wabugu, wakonyi, wasenyha, nghukulumba vyono ane si ninha ayu mutoweza kodi.

Luka 7:30

Ninga Wafalisayo ne wejizi wo Wulajilize, wakawulema wuhile wo Mulungu wono wali wuwanojeye, wakalema sunga no kubaputizwa na Yohana.

Yohana 1:24

Ne wanhu wawo wali watumigwe ne Wafalisayo.

Yohana 8:44

Anye muli wana wo sogo yenyu Setani, no wusulumizi wa yuyo sogo yenyu, wo mwendile kuwituma. Mwene yali muwulaji kulawa mwamulizo, hamba si kemaga mu mbeka, vyono muli mwene, imbeka yili musina. Hono yakulonga wulambi, kalongaga i zakwe mweneco, nha vyono yenha, hambi nha mulambi, kanyhi yo sogwe yo wulambi.

Yohana 9:40

Iwafalisayo wanji wono wali hamonga nayo, wazihulika zinghani zizi, nawo wakamuwuza wakutya, “Hambi nase cili wabofu?”

Metumo ge Watumwa 15:5

Ninga iwejizwa wanji wono wali cipuga ce Wafalisayo, wakema, wakutya, “Yiwanojeye i wanhu wono si Wayahudi walame, no kwijizwa watyatye Wulajilize wa Musa.”

Metumo ge Watumwa 20:31

Holeka mwikalaje meso, mweze kumbucila vyono, mu myaka midatu cilo na misi, si nadilaga kumulanjizenyi wose ne mahozi.

Metumo ge Watumwa 26:5

Wamanyile Wayahudi wose kwa vilo vinji, na wadahile kulonga hono wende, nha vyono ku wulawa mwamulizo nekalaga nili mu cipuga co wisiwanuzi mu wuhembi wetu, cipuga ce Wafalisayo.

Metumo ge Watumwa 5:17

Ninga u mukohani muwaha ne wayagwe wono wali we mhuga ye Wasadukayo we hanhu baho, wakawawonela wivu.

Walumi 1:18

Ilikuwo lyo Mulungu, ligubuywe kulawa ku wulanga ku soko yo wubi ne masutya ge wanhu, wono ku soko ye zinzila zawo izimbi, wakuyimila imbeka, ho yilece kumanyika.

Walumi 5:9

Alu vyono cakondya kunozwa, ho civumilwe hali Mulungu mu nzila ye sakami ya Kilisito, yili calinze, nha vyono kociponya mwi'kuwo lyo Mulungu.

1 Watesalonike 1:10

na luno mumulindilize u Mwanagwe yatime kulawa ku wulanga, mono u Mulungu yamuzukula muli wafu, yo Yesu, mono yakuciponya ne likuwo lyo Mulungu lyono likuza.

Wahebelaniya 11:7

So wihuwilo, Noha yasugulwa no Mulungu kuli za kumwande zono yali yakali si yanasuma kuziwona yaye. Yamuhuliko Mulungu, yakanoza ligalawa lyono yaponela u mweneco hamonga na we mhuga yakwe wose. Na mu wulawilila muli zizo, i yinze yikaling'anizwa, nayo Noha yakatuga u wiling'ano wono wukulawilila mu wihuwilo.

Wahebelaniya 6:18

Holeka ho vili vinhu vi vyejete, u wihuwizo no wilahize, vyono si vyosuma kukawanika, na hamba muli zizo, u Mulungu si kosuma kulonga wulambi. Holeka ase mono camanyhilila ku wukamiswe wakwe, cikupegwa mu mitima yo wukamisa muno u witumbilo wono wuli ha mwande yetu.

1 Yohana 3:10

Ninga muli wose mono siketumaga ze ling'ani, hamba mono siyamwendile u nduguye, yuyo yo si mwana wo Mulungu. Na wuwo wo wisimajile wa muli wana wo Mulungu ne wana wa Setani.