Matayo 3:2 - Luganuzi Luswanu Kuli Wanhu Wose 2002

² “Ale munene, hambi u wutemi wa ku wulanga nha wasejelela.”

I CILAGANE CIPYA 1991

² “Ale munene hambi u wutemi wa ku wulanga nha wasejelela.”

Matayo 3:2 ပူးပေါင်းရင်းမြစ်များ

1 Watemi 8:47

ninga wuhulice wulombe we wanhu wako. Na hamba wawe wali ku yisi yiyo, ninga hono wanene, wakulombe, wakuvumila nha vyono mbeka wetuma wubi kanyhi wali cibede, ale wuhulice wulombe wawo Gwe go Muwaha Mulungu.

Jobu 39:12

Kosuma kwihuwila vyono yogomola ndudula yako ku kaya, no kukungha wuhemba wako mu wulawa mu cuga?

Jobu 42:6

Holeka aluno, nghuziwonela cevu zose zono nalonga, nane nghunena mu manghundi ne mavu.”

Ezekiyeli 33:11

Ninga alu agwe, wuwalonjele vyono ane no Muwaha Mulungu, mono nili Mulungu mumi, mbeka si nghuwa kwendezwa kuwona u munhu mubi yakufwila mu wubi wakwe. Langa nyendile yapituce yawulece wubi wakwe yekale mumi. Holeka anye nyo wanhu wa Isilayeli, alu mupituce, mulece kwituma u wubi wenyu wono mwitumaga. Alo nhawulenyi mukusaka kufwa anye nyo wanhu wa Isilayeli?

Danyeli 2:44

Na mu vilo vyo wutemi wuwo wose, Mulungu wa ku wulanga, kolowusimya wutemi wunji wono siwuladuma yaye, hamba kusumwa yaye. No wutemi wuwo, wolowongomeza wutemi wose, ninga wene wokwikala cibitilila ne cibitilila.

Matayo 10:7

Na lono mweza kubita, ale mweze kuganula mukutya nhavi, ‘U wutemi wo Mulungu wasejelela.’

Matayo 11:20

Baho yakawa kwanza kugatacila i makaya gono, hamba yawe yanoza mapoto menji mugati yago, ninga iwanhu wayo hamba si wasaka kuwukawaniza zo wuhile wawo wubi, yakutya,

Matayo 12:41

Ne wanhu wa Ninawi, wolokuza he zuwa lyo wuling'anizwe nawo walaluhosa u lulelo lulu nha vyono lusutizye. Hambi Waninawi nha wanena, so wuganule wa Yona. Na kumbe yali baha mono yamucizize Yona!

Matayo 13:11

Nayo Yesu yakawapitula yakawatya, “Anye mwapegwa u wumanye wa zo Mulungu zono zihundicigwe, ninga wene awa si wapegwa yaye.

Matayo 13:24

Yesu yakawalonjela i wanhu cihwanicizo cinji yakatya, “U wutemi wa ku wulanga, wihwanile no munhu mono yahadika i mbeyu swanu mu mugunda wakwe.

Matayo 13:31

Yesu yakawalonjela i wanhu kanyhi cihwanicizo cinji yakutya, “U wutemi wa ku wulanga, wihwanile ne mbeyu ya haladali yono u munhu yayisola, yakayihadika mu mugunda wakwe.

Matayo 13:33

Yesu yakawalonjela kanyhi cihwanicizo cinji yakutya, “U wutemi wa ku wulanga, wihwanile ne cisase cono mucekulu yunji yacisola yakacihanza-hanza no wusaje we debe limonga, nawo wose wukatumba.”

Matayo 13:47

“Kanyhi u Wutemi wa ku wulanga wihwanile no lwavu lono lwagumilwa mwilenga, nalo lukebata somba nyinji ze mawala gose.

Matayo 13:52

Nayo Yesu yakawatya, “Alu holeka u mwijizi wo wose wo Wulajilize, mono yanozwa kuwa mwijizwa mu Wutemi wa ku wulanga, yuyo yehwanile u munhu munya kaya, mono kalavyaga mu viwutwa vyakwe i vinhu i vipya ne vihuma.”

Matayo 18:23

Holeka u Wutemi wa ku wulanga, wukwihwana no mutemi yunji, mono yakahila kuwona iliwalo lye sawo yakwe kuli wetumami wakwe.”

Matayo 20:1

“U Wutemi wa ku wulanga wihwanile no munhu mono yali yena u mugunda we mizabibu, mono yelawa hakali mitondo muno, yakawika iwetumami mu mugunda wakwe.

Matayo 22:2

“Uwutemi wa ku wulanga wihwanile no mutemi mono yamunozeza u mwanagwe, zindigwa ze halusi.

Matayo 23:13

“Woyi he kuli'nye mo wejizi wo Wulajilize ne Wafalisayo, mo wakoci! Mono mukuwadindila iwanhu u mulango wo Wutemi wa ku wulanga. Nanye mo weneco si mukwinjila mugati, kanyhi hamba si mukusaka kuwakombola wono wakusaka kwinjila ho wenjile. [

Matayo 25:1

“Lulo baho, u Wutemi wa ku wulanga wolokwihwananizwa ne wahinza yikumi, wono wasola zitala zawo, wakawa kubita kumuhinjiliza bwana halusi.

Matayo 25:14

“Yowa nha vyono u munhu yunji, mono yasaka kubita muhinzo wa kutali, mono yawacema iwetumami wakwe, yakawapela i zisawo zakwe wazikamise.

Matayo 4:17

Na ku wulawa baho, Yesu yakamula kuganula no kutya, “Ale, munene, hambi u wutemi wa ku wulanga nha wasejelela!”

Matayo 4:23

Yesu yapilimaga mose mu yisi ya Galilaya, yakwijiza mu matang'anilo go wuhembelo, no kuluganula u Luganuzi Luswanu lo Wutemi wo Mulungu. No kuponya i mawala gose go wutamwa no wunyenyanjice wa muli wanhu.

Matayo 5:10

Wamoti wono wakugazwa ku soko yo wituma zo wuhile wo Mulungu, hambi u Wutemi wa ku wulanga nha wawo!

Matayo 5:3

“Wamoti wono wakwiwona nha waciwa hali Mulungu, hambi u wutemi wo Mulungu nha wawo.

Matayo 6:10

U wutemi wako wuze yono wukuhila yitumwe kono'nze nha vyono ku wulanga.

Matayo 6:33

Ninga hamonga na zizo zose, mwamule kuwulondola u Wutemi wo Mulungu, na zose zono u Mulungu yakuzihila, holeka na zizo zose mokonjelezwa.

Maluko 1:15

“Icidaha cakwila, no wutemi wo Mulungu wasejelela. Nenenyi no kulwihuwila u Luganuzi Luswanu!”

Maluko 1:4

Yohana u Mubaputizi yejela ku nyika, yakuganula vyono yinojeye wanhu wanene no kubaputizwa, u Mulungu ho yawanenele u wubi wawo.

Maluko 6:12

Ale, wakatuluka, wakaganula wanhu wanene.

Luka 1:16

nayo komemywa Muhe Mono Yelile ku wulawa mu'nda yo nyina.

Luka 11:20

Ninga hono niwe nghulavizya macisi mu vilungo vyo Mulungu, ale mumanye vyono wutemi wo Mulungu, wakondya kumuzizenyi.”

Luka 13:3

Nghumutyenyi, ng'o, ye; ninga na nyenye hono mulece kunena, molofwa wose nhavivyo.

Luka 13:5

Nghumutyenyi, ng'o, ye, ninga nanye hono mulece kunena, molofwa wose nhavivyo.”

Luka 15:10

Ale, nghumutyenyi, vyo wosangalala wamalayika wo Mulungu, ku soko yo munhu monga munyo wubi mono yakunena.”

Luka 15:7

Ale, nghumutyenyi, kowa nyemo nhavivyo ku wulanga so munhu mubi monga mono yakunena, si nha awalya wanhu makumi cenda ne cenda wono wakiwona wali ling'ani wono si wakusaka kunena.

Luka 16:30

Ninga mwene yakatya, ‘Ng'o ye baba Abulahamu; langa hono yabite yunji kuli wene mono yazucile mu wafu, wonena.’

Luka 21:31

Nanye nha vivyo, kolo mukuwona gaga gakwijela, mumanye vyono wutemi wo Mulungu waza wuli behi.

Luka 24:47

Na kanyhi yinojeye mwi'tagwa lyakwe, kuganula wunene, no wuwopolelwe wo wubi, kuli makungugo gose, kwamuliziza ku Yelusalemi.

Luka 6:20

Yesu yakawapitucila wejizwa wakwe yakatya, “Muli wamoti nyo waciwa: hambi wutemi wo Mulungu nha wenyu.

Luka 9:2

Yakawatuma kuganula zo wutemi wo Mulungu, no kuponya watamwa.

Metumo ge Watumwa 11:18

Waza kuzihulika zizi, wakanyamala, wakamukumya Mulungu wakutya, “U Mulungu kawapela i wanhu wono si Wayahudi cilejeho co kunena ho wawutuje wumi!”

Metumo ge Watumwa 17:30

Imyaka lono iwanhu wali wakali walele u Mulungu yakenoza kotya nha siyakuwona. Ninga alu yakuwalajiliza wanhu wose kono walila, wanene, wayilece imikalile yawo mibi.

Metumo ge Watumwa 2:38

Petelo yakawatya, “Nenenyi no kubaputizwa wose, mwitagwa lya Yesu Kilisito, ho mutuje wunenelwe wo wubi wenyu; no kubocela acilya icipegwa co Muhe Mono Yelile.

Metumo ge Watumwa 20:21

Nawahomelela wose, Wayahudi hamonga ne wanhu wono si Wayahudi, ho wamupitucile Mulungu no kumwihuwila Muwaha wetu Yesu.

Metumo ge Watumwa 26:20

Ninga nghamula kamonga kuwaganulila wanya Damesiki na wanya Yelusalemi na wa mu yisi yose ya Yudiya, kanyhi na kuli wanhu we Makungugo ganji. Nghawaswaswaniza wamupitucile Mulungu, kanyhi walajile mu metumo gawo, vyono wakondya kupituka mu zinhumbula zawo.

Metumo ge Watumwa 3:19

Alenyi muyikawanizaje mikalile yenyu imibi, mumuwuyile u Mulungu, nayo ho yawupate wubi wenyu,

2 Wakolinto 7:10

Hambi u wukalale wono witumamilwaga no Mulungu, nha wuletaga wupituce wa mu nhumbula, u wupituce wono wuletaga mhonelo, holeka hasina soko yo kuwona nha wambuce. Ninga u wukalale we ciyinze-yinze, awo wuletaga 'fwa.

Wakolosayi 1:13

U Mwene yacikomboza mu wulawa mu vilungo vye citi, yakacileta cipolile mu wutemi wo Mwanagwe u mwendece,

2 Timoteyo 2:25

mono mupolo, lono yakuwalanjiza walugu wakwe, lunji u Mulungu kowapela cilejeho co kunena, nawo ho wayimanye i mbeka.

Wahebelaniya 6:1

Holeka cijendelele kumwande kuli zono zikangaye, kanyhi cilece kwikala mu mejizo ge myamulizo ge Cikilisito. Si yicinojeye ciwice u musinji mu wuwuyajila kanyhi mu mafundo gagalya go mwamulizo, nha vyono kotya i metumo mafu, kumwihuwila u Mulungu,

2 Petelo 3:9

Hambi Muwaha nha sikacelaga kuzifisiliza zizilya zono yehuwiza, nha vyono wanhu wanji wehwesaga vyono kocela. Umwene yena ngola ku soko yenyu, hambi nha siyendile hamba hadodo muyenyu yunji yajilile, langa yakuwasaka wose wafice ku wunene.

Wugubule 2:21

Nimuleceye cipango co kunena wubi wakwe, ningo mwene ho si yakusaka kwilega no wusenyha wakwe.

Wugubule 2:5

Ale, wukumbucile vyono wali winha ha mwamulizo, lono wali wukali sinagwa, nalu lono wakondya kugwa! Holeka alu wunene wubi wako, witume nha vyono wali kwituma ha mwamulizo. Na hono wulece kunena no kuwuleka wubi wako, nokuza kuli'gwe, nowuwusa u wuwiko wako we tala hanhu hayo.