Matayo 27:2 - Luganuzi Luswanu Kuli Wanhu Wose 2002

² Wakamuwopa ne manyolo wakamusola, wakamutegula kuli Pilato u muwaha we yisi.

I CILAGANE CIPYA 1991

² Wakamuwopa ne manyolo wakamusola wakamutegula kuli Pilato u muwaha we yisi.

Matayo 27:2 ပူးပေါင်းရင်းမြစ်များ

Mwamulizo 22:9

Nawo waza kufika i hanhu hono Mulungu yamulajiliza. Abulahamu yakazenga cikumbicilo. Yakapanga zingwagu mucanyha ye cikumbicilo, yakawa kumuwopa mwanagwe Isaka, yakawa kumujeleka mu zingwagu, mucanyha ye cikumbicilo.

Matayo 20:19

Womukombola kuli wanhu wono si Wayahudi ho wamuzwajize no kumukuna viboko, no kutumbikwa, ninga mwi'zuwa lye kadatu kozuka.”

Matayo 28:14

Na hono u muwaha we yisi yayimanye inghani yiyi, ase colongana nayo du, sunga cimanye vyono anye si motuga wugazwe.”

Luka 13:1

Madaha gago, kwali kowali wanhu wanji wono wamulonjela Yesu ze wanhu wa ku Galilaya, wono Pilato yawawulaga mu cipango cono wawulagaga mitugo yawo ye makumbiko.

Luka 20:20

Holeka wakawa wakulondola-londola cilejeho cono cikwiliye. Wakawafupa wanhu wanji, wenoze nha wanhu waswanu, wakawa kuwatuma wabite wamugwizize Yesu mu wulonje wakwe, ho wasume kumwibata no kumutegula ku wawaha we Selekali.

Luka 23:1

Yikenuka mhuga yose, wakamuleta kuli Pilato.

Luka 23:12

Lizuwa lilyo ho welamulila wa Helode na Pilato, hambi nha wali wesulile.

Luka 3:1

Mu mwaka we likumi na mihano wo wutemi wa Kayisali Tibeliya, Pontiyo Pilato yali mutemi wa Yudiya, na Helode yali mutemi wa Galilaya, no mwanakwawe Filipo yali mutemi wa zi'si za Ituleya na Telakoniti, nayo Lusaniya, yali mutemi wa Abilene,

Yohana 18:12

Icipuga cicilya ce Wasilikale, hamonga no muwaha wawo, hamonga ne walongola we Wayahudi, wakamwibata Yesu, wakamuwopa, wakamula kumutegula kuli Anasi.

Yohana 18:24

Baho, Anasi yakamutegula Yesu muwope kuli Kayafa Mukohani muwaha.

Yohana 18:28

Ale, waza kwela hakali mitondo muno muno, wakamusola Yesu kulawa kwa Kayafa, wakamutegula kwi'kulu. Ninga wene i walongola we Wayahudi, vyono wahilaga kuyilya Pasaka, si wenjila mwi'kulu mugati, ho walece kwavufywa.

Metumo ge Watumwa 12:6

Mu cilo cono cali cileceye lizuwa lyono Helode yali yamulavye Petelo cagalanze kuli wanhu, Petelo yali yagonile hagati ye wasilikale wejete, yali muwopwe ne minyolo myejete, ne walindilizi wali walindilize ha mulango we jela.

Metumo ge Watumwa 21:33

U muwaha we wasilikale u mulongola, yakasejelela, yakamwibata Pawulo, yakalajiliza wamuwope ne manyolo mejete. Hanyuma ho yakawa kuwawuza, yakutya, “Alu yuyu nani, na kanyhi cono yanozize ci cici?”

Metumo ge Watumwa 22:25

Ninga waza kukondya ku muwopa, ho wamukune, ne viboko, Pawulo yakamuwuza u muwaha we wasilikale yigana, mono yali yemile behi yakatya, “Ati, wulenyi, yili ling'ani kuli'nye, kumukuna viboko munhu Mulumi, lono yakali sinaling'anizwa?”

Metumo ge Watumwa 22:29

Awalya iwanhu wono wali wewikanize kumuwuza wuza Pawulo, ho wamumanye izakwe, hodu wakawa kumuleka. Sunga na yuyo u muwaha we wasilikale nayo, yakogopa, yaza manya vyono Pawulo Mulumi, na kanyhi vyono yali yamuwopa.

Metumo ge Watumwa 24:27

Ninga myaka myejete yaza kupuluta, Feliki yakakawanizwa na Polikiyo Fesito yo yakawa u muwaha we yisi. Nayo Feliki vyono yahilaga kwiyendeza kuli Wayahudi, yakamuleka Pawulo muwopwe.

Metumo ge Watumwa 28:20

Ku soko yiyo holeka nimucemenyi ciwone, cilongane nanye, hambi ane nha mbopigwe ne manyolo gaga ku soko yo witumbilo wa Isilayeli.”

Metumo ge Watumwa 3:13

U Mulungu wa Abulahamu, na wa Isaka, na wa Yakobo, u Mulungu we wakuku zetu, yo yamukumizye Mwitumami wakwe Yesu; mono mwamulavya anye, mwene yo yuyo mono mwamutajila mu miwoko ye wawaha, no kumulema hamwande ya Pilato, hambe Pilato yasakaga kumulecela.

Metumo ge Watumwa 4:27

“Kwaco mbeka, Helode na Pontiyo Pilato, wena ne wanhu wono si Wayahudi, ne zimhuga za Isilayeli, nha wekongholela baha mu kaya yiyi ku soko yo mwitumami wako mono yelile, Yesu mono wamunoza yawe Kilisito.

Metumo ge Watumwa 9:2

yakalomba yapegwe baluwa, zono zosuma kumumanyiza kuli matang'anilo go wuhembelo ge Wayahudi ga ku Damesiki, kolo yakuwawona wanhu wono wakuyityatya i Nzila yo Muwaha i walume ne wacekulu, yawebate no kuwaleta ku Yelusalemi.

1 Timoteyo 6:13

Hali Mulungu mono kavipelaga i vinhu vyose wumi, na hali Yesu Kilisito mono yayihomelela no kuyivumila imbeka hali Pontiyo Pilato,

2 Timoteyo 2:9

Na ku soko yiyo yo kuluganula Luganuzi Luswanu, holeka ane nghugazika, na kanyhi holeka mbopigwe ne manyolo nha nili musutyi. Ninga inghani yo Mulungu siyosuma kuwopwa ne manyolo,

Wahebelaniya 13:3

Mweze kuwakumbucila i wawopwa nanye muwe nha kotya muwopanwe nawo. Kanyhi mweze kotya mukugazika nha weneco.

Walamuzi 15:12

Nawo wakamutya, “Alu ase ciza ho cikuwope, cikutegule kuli wene.” Samusoni yakawatya, “Ale munyilahile vyono anye nyo weneco yo simombulaga.”