Matayo 22:3 - Luganuzi Luswanu Kuli Wanhu Wose 2002

³ Hanyuma yakawa kuwatuma i wetumami wakwe ho wabite wakawaceme wono walalikwe, waze ku halusi, ninga iwalalikwa hamba si wasaka kuza.

I CILAGANE CIPYA 1991

³ Hanyuma yakawa kuwatuma i wetumami wakwe ho wabite wakawaceme wono walalikwe, waze ku halusi, ninga iwalalikwa hamba si wasaka kuza.

Matayo 22:3 ပူးပေါင်းရင်းမြစ်များ

Zabuli 68:11

U Muwaha Mulungu kalavyaga wulajilize kamonga du, nawo wacekulu yipuga yiwaha, wawa kuzitandaza zinghani zizo,

Isaya 30:15

Kanyhi Muwaha Mulungu we Mihanga, mono yelile, u Mulungu wa Isilayeli, yakuwalonjela wanhu yakutya, “Ale mumbuyilaje wose, kanyhi munyitumbile, nanye ho mowa ne vilungo, kanyhi mowa mupolile.” Ninga nye mukulema!

Yelemiya 25:4

Holeka yikwijela nha vyono kumbe, hamba yiwe u Muwaha Mulungu, yajendelela kumutumilenyi i wetumami wakwe wawizi, ninga anye hamba si mwawahulika yaye.

Yelemiya 35:15

Nghamutumilenyi ne wetumami wangu wawizi kenji na kenji, nawo wakamulonjelenyi vyono mupituce, mugalece metumo genyu mabi, mwitume ze ling'ani. Kanyhi wakamusugulenyi mulece kuyihemba milungu yinji, hamba kuyitumamila, ho musume kujendelela kwikala mu yisi yono namupelenyi nyenye, hamonga ne walezi wenyu. Ninga hamba nhavivyo, anye si mwasaka kuhulika yaye, hamba kuzicelelela zono nghulonga.

Hoseya 11:2

Ninga nha vyono nacila kumucema, nayo vyo yakacila kundeka no kutyatya zakwe. I wanhu wangu wakawalavizya makumbiko Mabaali, wakafusiza wuvumba ivihwani.

Hoseya 11:7

Wene wakucila kuwuya ne nyuma. Ninga wololila ku soko yo lubano lono luli muli wene, hamba hasina munhu mono kololuwusa muli wene.

Zefaniya 1:7

Lizuwa lyo Muwaha Mulungu lili behi, lizuwa lyono Mulungu kolokwikala no kulavya wuling'anize. Holeka wikalaje wutule hali Muwaha Mulungu. Hambi Muwaha Mulungu, nha yakwiwikaniza yawalavye yikumbiko wanhu wakwe, nayo yakondya kuwahagula wono yawalalice.

Matayo 21:34

Na mwi'pango lyo wupilo we zizabibu waza kusejelela, yakawatuma i wetumami wakwe wabite kuli wawalya iwalimi, ho wakasole mikalo yakwe.

Matayo 23:37

“Gwe Yelusalemi, Yelusalemi, mono wukuwa kuwawulaga iwawizi, sunga no kuwatowanga ne mabwe awalya wono watumwagwa u kwako. Kalinga kono nasakaga kuwakongholela iwanago kono kwangu, nha vyono nghuku yivikunyanjililaga viziyoziyo vyayo hasi ye mabawa gayo, ninga hamba si wenda yaye.

Matayo 3:2

“Ale munene, hambi u wutemi wa ku wulanga nha wasejelela.”

Matayo 9:15

Yesu yakawapitula yakatya, “Alu mukwihwesa wono walalikwe ku halusi wosuma kulila, lono bwana halusi yakali yali hamonga nawo 'mbi? Aa, ng'o, langa icipango cofika cono bwana halusi kowuswa hali wene, ale mu cipango cico langa, ho woleka kulya.

Luka 13:34

“Yelusalemi! Gwe Yelusalemi! Kuwawulagaga wawizi, no kuwatowa na mabwe wono wakutumwa kuli'gwe! Kalinga nali kuhila kuwakongholela wanago hamonga, nha vyono nghuku yikunyanjilaga viziyoziyo vyayo mu mabawa gayo, ninga walemaga?

Luka 15:28

“Yuyo muwahawe yakakolwa ne likuwo, hamba si yenda kwinjila na mu kaya. Nayo sogwe yakalawila kunze, yakamuneneleza yenjile.

Luka 19:27

Ninga wawo walugu wangu, wono si wali wendile niwe mutemi wawo, waletenyi kuno, muwawulajile hamwande yangu.”

Yohana 5:40

Hamba nhavivyo, anye si mwendile kuza kwangu ho mutuje wumi.

Metumo ge Watumwa 13:45

Ninga Wayahudi waza kuwuwona winji we wanhu, wakawona wivu, wakazibedula zinghani zono Pawulo yalongaga, kanyhi wakamutovula.

Walumi 10:21

Ninga kuli Isilayeli, yakutya, “Misi yose nghawagololela imiwoko yangu nghuwacemela u kwangu, I wanhu we cibede kanyhi wono wasina cihuliko.”

Wahebelaniya 12:25

Holeka mulanjilile, mulece kulema kumuhuliciza mono yakulongana nanye. Nha vyono awalya wono walema kumuhuliciza ayulya mono yawasugula hono yinze, si wapona yaye. Alu ase cosuma kupona wule hono cileme kumuhuliciza ayulya mono yakucisugula, mono yalawa ku wulanga?

Wahebelaniya 9:15

Holeka Kilisito yo munoza i cilagane cipya mono wa walya wono wacemwa no Mulungu, ho wawubocele wihuwizo wono wehuwizwa wo wuhazi we cibitilila. Vyono i lifwa lyakwe likuwakomboza wanhu mu wulawa mu masutya ga galya gono wasutya mwidaha li lilya lye cilagane cilongozi.

Wugubule 22:17

U Muhe hamonga na bibi halusi walonje watye, “Wuze!” Nayo u munhu wo wose mono yakuyihulika yiyi, nayo yatye, “Wuze!” Na mono yakaluce, ale yaze, nayo mono yakugasaka i malenga go wumi, yasole bwete.

1 Samwili 9:13

Na lono mukwinjila du mu cikaya, ale momuwona. Hambi nayo nha kaza baha du izuwali. Ne wanhu wolavya likumbiko mu cikumbicilo mwi'tunda. Ne wanhu wono walalikwe, hamba si wosuma kwanza kulya, sunga mwene yaze. Hambi nha yimunojeye yamule yalilugutize likumbiko. Na hono mwiyohe, momwagana yakali hamba si nabita kuko kwi'tunda ku wulya zindigwa.”