Matayo 2:7 - Luganuzi Luswanu Kuli Wanhu Wose 2002

⁷ Hobaho Helode yakawa kuwacema cinyele, wawo i we mahala go wizuce we zinyelezi, yakawawuza yakawa kusaka kumanya icipango ceneco cono yejelela inyelezi yiyo.

I CILAGANE CIPYA 1991

⁷ Hobaho Helode yakawa kuwacema cinyele, wawo i we mahala go wizuce we zinyelezi, yakawawuza yakawa kusaka kumaya icipango ceneco cono yejelela inyelezi yiyo.

Matayo 2:7 ပူးပေါင်းရင်းမြစ်များ

Zabuli 55:21

Ne zinghani zakwe zitelemeye, si nhe tilazi, ninga nhumbula yakwe, ayo yisulumilaga wulugu du. Nghani zakwe zili telele zinha mafuta, ninga, zitemaga kotya mumaje mukali.

Wutuluce 1:10

Holeka ciwanozezaje mahala, ho walece kujendelela kwilela no konjelezeka, yilece kuwa hono wijele wulugu, lunji welunze ne walugu wetu wacihome ase, wawe kuwuka na mu yisi yetu. Holeka ciwalondolelaje nzila yo kuwemila, ho walece kucila kwilela, no konjelezeka no kuwa wenji muno.”

Wuwale 24:17

Nane nghuziwona za ku mwande, Kanyhi nghuliwona likungugo lye Waisilayeli. No mutemi mono yakung'alala nha nyelezi, Kolokwijela ku wulawa mwi'kungugo lilyo. Kolokuza ku wulawa mwi'kungugo lye Waisilayeli yenha nyelezi yo mucila. Kolowatowanga i walongola we Wamowabi, Kanyhi kolowasuma i wanhu wose wa Seti.

Matayo 2:1

Yesu yalelelwa mwi'kaya lya Betelehemu ya ku Yudiya, mu vilo vya Helode, lono yali yakali yatemile. Na lono Yesu yali yakondya kulelwa, we mahala go wizuce we zinyelezi, wakaza ku Yelusalemi lwa kamonga, wakulawa kucilima,

Matayo 2:16

Nayo Helode yaza kwizuka vyono wawalya we mahala go wizuce we zinyelezi wamukonga, yakakolwa ne likuwo muno muno. Hobaho yakawa kulajiliza vyono, iwana wose we cilume wono wali mumo mwi'kaya lya Betelehemu, sunga na mu mhelomhelo yayo, wono wena myaka myejete na hasi yayo, wose wawulagwe. Nayo yanoza nhavivyo, ku wutyatya ilipango lyono yazimanyila zizo ku wulawa kuli awalya we mahala go wizuce we zinyelezi.

Matayo 2:8

Yakawa kuwatuma wabite ku Betelehemu, yakawatya, “Alu, mubite mukawuza wuze zo mwana yuyo. Mulamweza kuwa mwamuwona, ale, nhondo muze mumanyize, nane ho mbite nghamuhembe.”

Metumo ge Watumwa 24:22

Ninga Feliki, vyono yali yamanyile viswanu ze Nzila yiyi, yakacidiza calo, yakawatya “Noloyiling'aniza yinghani yenyu kolo yakondya kuza baha Lusiya umuwaha we wasilikale umulongola.”

Wugubule 12:15

Nalyo lizoka lilyo likadeka mu nyuma yo mucekulu yuyo, no kulavya malenga menji nhe kolongo mu mulomo walyo, nago malenga gago gakahuluma no kumutyatya munyuma u mucekulu yuyo, ho gamukwenghweleze no kumutegula kutali.

1 Samwili 18:21

Hodu yakawa kwihwesa mu nhumbula yakwe yakutya, “Alu hodu, kumbe, nomutoza Mikali kuli Dawudi, na mu nzila yiyo yo nomugwiziza Dawudi ho yawulagwe ne Wafilisiti.” Hanyuma kanyhi Sawuli yakawa kumulonjela Dawudi lwe kejete yakatya, “Alu Dawudi, kowa wuli mukwemulima wangu.”