Matayo 2:6 - Luganuzi Luswanu Kuli Wanhu Wose 2002

⁶ ‘Nagwe go Betelehemu go yisi ya Yuda, agwe si wuli mudodo hali walongola wose wa Yuda, Hambi muli gwegwe, nha mokolawila u mulongola mono kowatonga iwanhu wangu waisilayeli.’ ”

I CILAGANE CIPYA 1991

⁶ ‘Nagwe go Betelehemu go yisi ya Yuda, kwa vyo vyose vilya, agwe si wuli mudodo hali walongola wose wa Yuda, Hambi muli gwegwe, nha mokolawila u mulongola mono kowatonga iwanhu wangu wa Isilayeli.’ ”

Matayo 2:6 ပူးပေါင်းရင်းမြစ်များ

Mika 5:2

Muwaha Mulungu yakutya, “Agwe Betelehemu Efulata, agwe yo gwegwe wuli cikaya cidodo mu Yuda, ninga nomuhagula yunji ku wulawa muli'gwe mono kowa mutemi wa Isilayeli, mono wulawo wakwe wo we katali na katali.”

Yohana 7:42

I Mandiko Gono Gelile gakutya wule? Gakutya, “Kilisito kolawa mu lulelo lwa Dawudi, na kolelelwa ku Betelehemu, mu kaya ya Dawudi.”

Mwamulizo 49:10

Ne nghome ye citemi, si yowucila lukulu kuli'gwe Yuda. Ne zindelo zako zotema cibitilila, sunga kono kolokuziza mweneco. Yu yulya mono makungugo gose gomuhulika.

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

Matayo 28:18

Nayo Yesu yakaza sunga behi nawo, yakawatya, “Ane mhegwa u wulajilize wose, wa ku wulanga, sunga na wa kono'nze.

Isaya 40:11

Kololidima litewa lyakwe nho mudimi. Kolozikongholela hamonga zinyana ze zingholo, yazidinghule mu mawoko gakwe. Kolozitonga mhola mhola zono zikosa.

Wugubule 2:27

Heya, nowapela i vilungo vivilya vyono nane navibocela kulawa kuli Baba.

2 Samwili 5:2

hamba baho katali lono Sawuli yali yakali yacitemile, agwe wawalongozaga i wanhu wa Isilayeli ku wulugu. No Muwaha Mulungu yakwihuwiza vyono agwe yo kowalongoza wanhu wakwe Waisilayeli, na kanyhi yo kowa wuli mutemi mu Isilayeli.”

Wakolosayi 1:18

U Mwene Kilisito wo mutwe wo muwili wakwe, nha cinji likanisa, u Mwene wo mwamulizo wo wumi wa wuwo umuwili. U Mwene yo Mwana mulongozi kulelwa mono yazukulwa muli wafu, u Mwene ho yawe mulongola du kutali muli vinhu vyose.

Matayo 2:1

Yesu yalelelwa mwi'kaya lya Betelehemu ya ku Yudiya, mu vilo vya Helode, lono yali yakali yatemile. Na lono Yesu yali yakondya kulelwa, we mahala go wizuce we zinyelezi, wakaza ku Yelusalemi lwa kamonga, wakulawa kucilima,

Waefeso 1:22

U Mulungu yakaviwika vyose ha magulu gakwe hasi, yakamuwika mwi Kanisa ho yawe muwaha muli vyose.

1 Zinghomo 5:2

(Ninga hamba nhavivyo, mumo mu mulango wa Yuda mo mwalawa mutemi).

Wuwale 24:19

Likungugo lye Waisilayeli, lyolowasumila lukulu. No kuwongomezeza lukulu na wono wowa wakali wasigaye wose.”

Yohana 21:16

Lwe kejete kanyhi yakamutya, “Simoni go mwana wa Yohana, wule, wunyendile ane muno muno?” Nayo Petelo yakatya, “Heya Muwaha, wumanyile vyono ane nghwendile.” Yesu yakamutya, “Ale wudime zingholo zangu.”

Ezila 2:21

Hamonga na wawa, mhuga zinji zono zekalaga mu matumbi gago gono hamonga ne zindelo zawo, nawo wakawuya. Ku Betelehemu, wawuya yigana limonga na makumi mejete na wadatu.

Wahebelaniya 7:14

Langa yimanyice calinze vyono u mwene yalelelwa mu mulango wa Yuda yono Musa si yawutambula lono yalongaga muli ze wakohani.

Wugubule 7:17

hambi u Mwana we ngholo mono yali haciligati ye ligoda lyo wutemi, nha yo kolowa yo mudimi wawo, nayo kowatonga sunga ko ku mivwilo ye malenga go wumi. No Mulungu kogapatila lukulu mahozi gose ga mu meso gawo.”

1 Zinghomo 2:51

Nayo Salema u mwanagwe we kejete, yo yalizenga likaya lya Betelehemu. No mwanagwe we kadatu, mono yacemwaga Helefu, nayo yo yalizenga likaya lya Betigada.