Matayo 2:4 - Luganuzi Luswanu Kuli Wanhu Wose 2002

⁴ Hobaho du yakawa kuwacema i wakohani wawaha wose, hamonga ne wejizi wose wo Wulajilize, yakawa kuwawuza yakutya, “Ati, Kilisito kolelelwa hayi?”

I CILAGANE CIPYA 1991

⁴ Hobaho du yakawa kuwacema i wakohani wawaha wose, hamonga ne wejizi wose wo Wulajilize, yakawa kuwawuza yakutya, “Ati, Kilisito kolelelwa hayi?”

Matayo 2:4 ပူးပေါင်းရင်းမြစ်များ

2 Zinghomo 34:13

Ne Walawi wanji nawo, wakawikwa wawe walanjilizi wo wudinghuzi we vinhu vyo kuzenjela, hamonga no kuwalanjilila wetumami mu milimo hayo hayo. Wanji nawo, wakawa wo wandici, hamonga no kwituma mulimo wo wulanjilizi.

2 Zinghomo 34:15

Hilikiya yakamulonjela Shafani yakatya, “Ane niciwona citabu co Wulajilize mu muno mu Nyumba yo Mulungu.” Hodu yakawa kumupela Shafani, citabu cico.

2 Zinghomo 36:14

Hamonga na zizo, sunga ne walongola wose wa Yuda, hamonga ne wakohani wose, sunga ne wanhu wose, wakawa kuwutyatya musambo mubi we makungugo gono gali gawapilime, wakawa nawo wakuhemba vihwani. Na mu nzila yiyo, wakayavufya Nyumba yo Mulungu, yono u Muwaha Mulungu mweneco yayeza yiwe yelile.

Ezila 10:5

Hobaho Ezila yakanza kuwelahiza walongola ne wakohani ne Walawi, hamonga ne wanhu wose, nawo wakelahiza vyono wokwituma nha vyono Shekaniya yali yalavya mahweso gakwe.

Ezila 7:6

Ezila yali yamanyile viswanu malajilizo go Muwaha Mulungu we Waisilayeli, gono Muwaha Mulungu yali yamupeye Musa. Ale, vyono Ezila yali mulugutwe no Muwaha Mulungu wakwe, u mutemi muwaha yamupelaga co cose cono Ezila yacisakaga.

Nehemiya 12:7

Salu, Amoke, na Hilikiya na Yedaya. Awa, wali wo walongola we wandugu zawo wakohani, mu vilo vya Yoshuwa.

Zabuli 2:2

Watemi wa mononze wakwiwikaniza, wawaha nawo wakwiheha hamonga, ho wamubedegale Muwaha Mulungu, hamonga no mwitilwa mafuta wakwe muhagulwa!

Yelemiya 8:8

Alu hono muli nhavivyo, ho mosuma wule kulonga mutye, mwina mahala, kanyhi mugamanyile ne malajilizo gangu? Ninga mulanje vyono i wejizi wo wulajilize wawukawaniza wulajilize so wu wula cihuliko wawo.

Malaki 2:7

Yinojeye wakohani wejize mafundo ge mbeka go Mulungu. Wanhu ho wabite kuli wene, wakelanjize wuhile wangu, hambi wene nha wetumami wo Muwaha Mulungu we mihanga.

Matayo 13:52

Nayo Yesu yakawatya, “Alu holeka u mwijizi wo wose wo Wulajilize, mono yanozwa kuwa mwijizwa mu Wutemi wa ku wulanga, yuyo yehwanile u munhu munya kaya, mono kalavyaga mu viwutwa vyakwe i vinhu i vipya ne vihuma.”

Matayo 2:3

Nayo u mutemi Helode yaza kuzihulika zizo, yakehwelela muno, u mwene na wanya Yelusalemi wose.

Matayo 2:5

Nawo wakamupitula wakutya, “Mwi'kaya lya Betelehemu mu yisi ya Yudiya. Nayo u muwizi nha vyo yandika, yakutya,

Matayo 21:15

Ale baho, nawo wakohani wawaha, hamonga ne wejizi wo Wulajilize wali weza kugawona i mapoto gono Yesu yanozize, hamonga ne wadodo wono wazozaga mu Nyumba yo Mulungu wehindile, wakutya “U lukumyo lweze kuli'gwe, go Mwana wa Dawudi,” wene wakasimba.

Matayo 21:23

Yesu yakenjila kanyhi mu Nyumba yo Mulungu yakawa yakwijiza mumo, na lono yejizaga, i wakohani wawaha, hamonga ne wanyamhala we wanhu wakamuwuza, wakutya, “Alu mwene, wukwitumila zizi zose mu wulajilize wa hayi? Hamba yo nani mwene mono yakupelile u wulajilize wuwuno?”

Matayo 26:3

Na mwi'pango lilyo i Wakohani wawaha hamonga ne wanyamhala we wanhu, waketang'anila hamonga mwi'kumbo lya Kayafa, Mukohani Muwaha.

Matayo 26:47

Nayo Yesu lono yali yakali kulonga nawo, hobaho nayo Yuda yakawa kuza u muyagwe na awalya we likumi na wejete. Wakaza wanhu wenji wali hamonga nayo, nawo wali wena, ne mimaje ne zinhumbi, wono watumwa kulawa kuli wakohani wawaha ne wanyamhala we wanhu.

Matayo 27:1

Wali weza kwela, hakali mitondo muno muno, i wakohani wawaha wose, hamonga ne wanyamhala we wanhu, wakawumba mahala kuli Yesu ho wamuwulaje.

Matayo 7:29

Hambi u mwene nha si yali yenha iwejizi wawo wo Wulajilize, vyono u mwene Yesu yejizaga ko wulajilize.

Maluko 8:31

Yesu yakanza kuwejiza iwejizwa wakwe, yakutya, “Yimunojeye u Mwana wo Munhu yatuje magazo menji no kulemwa ne wanyamhala, ne wakohani wawaha ne wejizi wo Wulajilize. Kowulagwa na hanyuma ye vilo vidatu, kozuka.”

Luka 20:19

I wejizi wo Wulajilize ne Wakohani wawaha, wakatanga vyono cihwanicizo cici, cali ciwadomile weneco, na ku soko yiyo, wahilaga wamwibate baho baho, ninga wakogopa wanhu.

Luka 23:10

Wakohani wawaha ne wejizi wo Wulajilize, wakema, wakehinda muno muno kumusonjeza.

Yohana 18:3

Baho Yuda yakasola mhuga ye Wasilikale, ne wawaha we Nyumba yo Mulungu, wono walawa kuli Wakohani wawaha ne Wafalisayo, yakabitana nawo kuko ku busitani, wena ne zitala hamonga ne vitwalo.

Yohana 3:10

Nayo Yesu yamupitula yakamutya, “Alu, nha yo gwegwe mwijizi wa Isilayeli, hamba si wuzimanyile zizo?”

Yohana 7:32

Iwafalisayo wakahulika iwanhu wakupwepwa zizo za Yesu. Holeka Wafalisayo, hamonga ne wakohani wawaha, wakatuma wasilikale wamwibate Yesu.

Yohana 8:3

Iwejizi wo Wulajilize ne Wafalisayo, wakamuleta mucekulu yunji mono yaganizwa mu wusenyha. Wakamuwika haciligati yawo.

Metumo ge Watumwa 23:9

Holeka kukawa na mazozo mawaha, ne wejizi wenji wo wulajilize we mhuga ye Wafalisayo, wakema, wakabeza kwe vilungo, wakutya, “Ase si cikuwona nghani yo yose 'mbi muli munhu yuyu, lunji ma hono yawe muhe, hamba malayika kalonga nayo?”

Metumo ge Watumwa 4:5

Kukawa waza kwela, iwawaha wawo ne Wanyamhala ne wejizi wo Wulajilize, wakekongholela ku Yelusalemi,

Metumo ge Watumwa 6:12

Na so yiyo wakawasagahaza wanhu, iwanyamhala, ne wejizi wo Wulajilize. Wakamuziza Sitefano, wakamwibata, wakamuleta ha mwande ye libalaza liwaha.