Matayo 2:2 - Luganuzi Luswanu Kuli Wanhu Wose 2002

² wakawa kuwuza wakutya, “Yali hayi mwana, u Mutemi we Wayahudi mono yaleligwe? Hambi nha ciyiwona i nyelezi yakwe lono yilawiye kulubavu lwa kucilima, alu nase ciza ho cimuhembe.”

I CILAGANE CIPYA 1991

² wakawa kuwuza wakutya, “Yalihayi mwana, u Mutemi we Wayahudi mono yaleligwe? Hambi nha ciyiwona i nyelezi yakwe lono yilawiye kulubavu lwa kucilima, alu nase ciza ho cimuhembe.”

Matayo 2:2 ပူးပေါင်းရင်းမြစ်များ

Zabuli 2:6

“Namutemya mwitilwa mafuta wangu, yatemile ku Sayuni, litunda lyangu lyono lyelile!”

Zabuli 45:11

Lanje ta wuswanu wako vyono wukumwendeza mutemi, mwene yo mulume wako, holeka yikunojeye wumuhulice.

Isaya 60:3

Ne makungugo gose gokwejelwa ku wuzelu wako Nawo watemi wokwegwa ne lizuwa lyako lipya.

Yelemiya 23:5

Alu u Muwaha Mulungu yakutya nhavi, “I vilo vikuza, vyono nene no mweneco, nolokwihagulila u mutemi we ling'ani mu wulawa mu lulelo lwa Dawudi. No mutemi yuyo kolotema kwe mahala, kanyhi kolowa kwituma ze ling'ani na zo mugoloka mu yisi yose.

Yelemiya 30:9

Langa wolonyitumamila nene nili wene du, ane no Muwaha Mulungu wawo, hamonga no mwana wa Dawudi, mono nolomutemya yawe mutemi wawo.

Zakaliya 9:9

Musecelele, musecelele nye nyo wanhu wa ku Sayuni! Muzoze muno muno so nyemo, anye nyo wanhu a Yelusalemi! Mulanje ta! Mutemi wenyu yakumuzizenyi 'nye! Yakuza yena nyemo mbaha ne mhonelo, kanyhi mupolo, yakuza yali mucanyha ye ndogowe, nyana ye ndogowe.

Wuwale 24:17

Nane nghuziwona za ku mwande, Kanyhi nghuliwona likungugo lye Waisilayeli. No mutemi mono yakung'alala nha nyelezi, Kolokwijela ku wulawa mwi'kungugo lilyo. Kolokuza ku wulawa mwi'kungugo lye Waisilayeli yenha nyelezi yo mucila. Kolowatowanga i walongola we Wamowabi, Kanyhi kolowasuma i wanhu wose wa Seti.

Matayo 2:3

Nayo u mutemi Helode yaza kuzihulika zizo, yakehwelela muno, u mwene na wanya Yelusalemi wose.

Matayo 21:5

“Mulilonjele ilikaya lya Sayuni, Wulanje u Mutemi wako yakukuziza! Mupolo, kanyhi yali mucanyha ye ndogowe.”

Matayo 27:11

Yesu yakategulwa hali muwaha we yisi. Hodu, u muwaha we yisi nayo, yakawa kumuwuza yakutya, “Alo yo gwegwe go Mutemi we Wayahudi?” Nayo Yesu yakamutya, “Nha kulonga gwegwe.”

Luka 19:38

wakutya, “Mumoti u Mutemi mono yakuziza mwitagwa lyo Muwaha, Mulamu ku wulanga, no lukumyo lweze kuli Mulungu.”

Luka 2:11

hambi izuwalili nha mulelelwa Muponyi ku soko yenyu, mu kaya ya Dawudi, yo Kilisito u Muwaha.

Luka 23:3

Pilato yakamuwuza Yesu yakutya, “Ati, yo gwegwe Mutemi we Wayahudi?” Yesu yakamupitula, yakatya, “Kulonga he gwegwe.”

Luka 23:38

Hacanyha yakwe wakawika Mandiko gono gakutya “Ayu yo Mutemi we Wayahudi.”

Yohana 1:49

Hobaho Nataneli yakamutya, “Mwijizi, yo gwegwe Mwana wo Mulungu, yo gwegwe Mutemi wa Isilayeli.”

Yohana 12:13

ale, wakasola i manhambi ge mitende, wakalawila, wakabita kumuhinjiliza, wakazoza wakutya, “U Mulungu yalumbwe! Mumoti mono yakuziza mwitagwa lyo Muwaha. Mumoti mutemi wa Isilayeli.”

Yohana 18:37

Baho Pilato yakamutya, “Alu agwe wuli mutemi hongo?” Yesu yakapitula, “Kulonga heya, vyono ane nili mutemi. Ane nha nalelwa ku soko yiyo, na kanyhi ku soko yiyo nghaza kononze, ho niwalonjele wanhu muli ze mbeka. No munhu wo wose mono yali mu mbeka, yuyo kahulikaga.”

Yohana 19:19

Pilato yakandika mandiko, yakagawicila mu musalaba. Nago gali gandicigwe nhavi, “Yesu wa Nazaleti u Mutemi we Wayahudi.”

Yohana 20:28

Tomaso yakapitula yakamutya, “Muwaha wangu no Mulungu wangu!”

Yohana 5:23

ho wanhu wose wamogope u Mwana, nha vyono wamogopaga u Sogo yo munhu. Mono siyakumogopa Mwana, si yakumogopa no Sogo yo munhu mono yamutuma.

Yohana 9:38

Nayo u munhu yuyo, yakatya, “Nihuwiye Muwaha.” Yakamuhemba.

Wahebelaniya 1:6

Ninga u Mulungu lono yamutumila kononze u Mwanagwe mulelwa mulongozi, yatya nhavi, “Ne wamalayika wose wo Mulungu, yiwanojeye wamuhembe.”

Wugubule 22:16

Ane yo nene Yesu, nimutuma malayika wangu, yamuhomelelenyi i zinghani zizino mu makanisa. Ane nili wo lulelo lwa Dawudi: Ane yo nene i nyelezi i mwacinghunghu, yono ying'alalaga ya hakali mitondo!