Matayo 18:3 - Luganuzi Luswanu Kuli Wanhu Wose 2002

³ hanyuma yakawatya, “Ane nghumulonjelenyi mbeka, vyono hono mulece kupituka no kuwa nha vyono wenha i wana wadodo, si mosumila lukulu kwinjila mu Wutemi wa ku wulanga.

I CILAGANE CIPYA 1991

³ hanyuma yakawatya, “Ane nghumulonjelenyi mbeka, vyono hono mulece kupituka no kuwa nha vyono wenha i wana wadodo, si mosumila lukulu kwinjila mu Wutemi wa ku wulanga.

Matayo 18:3 ပူးပေါင်းရင်းမြစ်များ

Zabuli 131:2

Langa 'ne nhulile twii, kanyhi nina no mulamu, mu nhumbula yangu, nha vyono mwana ketuzaga, mu mhambaga yo nyina, nhavivyo ne nhumbula yangu, vyo yitulile muli'ne.

Isaya 6:10

Hanyuma kanyhi yakanyitya, “Wuyinozaje mitima ye wanhu wawa yiwe mizito, ne makutu gawo gawe ciziwi, ne meso gawo gawe cibofu, ho walece kuwona, hamba kuhulika, hamba kwizuka kose. Hambi hono wawone, wahulice, no kwizuka, nha wombuyila niwaponye.”

Matayo 13:15

Hambi i mahala ge wanhu wawa nha galelepe, ne makutu gawo wagaziwaze, ne meso gawo wafufunize. Yali yiwe si nhavivyo, mhali wali wawone ne meso gawo, kanyhi wali wahulice kwe makutu gawo, no kuwa no wizuce mu mahala gawo ho wamhitucile, vyo yakutya u Muwaha, Nane ho nali niwaponye.’

Matayo 18:2

Nayo Yesu yakamucema u mwana mudodo yumonga, yakamuwika haciligati yawo,

Matayo 18:4

Na muli wose mono yakwinenenyheza nho mwana yuyu, ale yuyo yo muwaha mu Wutemi wa ku wulanga.

Matayo 19:14

Ninga Yesu yakawatya, “Muwalekaje iwana wawo wadodo waze kwangu, mulece kuwemila, hambi u wutemi wa ku wulanga nha wa wanhu wono wenha iwana wawa, nha wo wanojeye ku wutemi wa ku wulanga.”

Matayo 19:23

Baho nayo Yesu, yakawa kuwalonjela i wejizwa wakwe yakutya, “Mbeka nghumutyenyi, vyono yowa kukamu muno muno kuli munhu mugoli, ku winjile mu wutemi wa ku wulanga.

Matayo 5:18

Nghumulonjelenyi mbeka, vyono sunga u wulanga ne yinze zilapuluta, ninga hasina hamba nghani ndodo, hamba cipinga cidodo co Wulajilize cono cowuswa, sunga kolo zose zakondya kufisilizwa.

Matayo 5:20

Holeka nghumulonjelenyi nghutya, u wuswanu wenyu, hono wulece kuciza awulya we Wafalisayo ne wejizi wo Wulajilize, nanye si mokwinjilila lukulu mu wutemi wa ku wulanga.”

Matayo 6:16

“Na lono mukuleka kulya, mulece kusininghala ha wusu nhe wanhu wakoci. Hamby iwene nha wasininghalaga ha wusu, ho wejele hali wanhu vyono walecile kulya. Nghumulonjelenyi mbeka, vyono wawo, wakondya kucituga icihumbilizwa cawo.

Matayo 6:2

“Holeka na hono wumutaze u muciwa, wulece kwilajila hali wanhu, wulece kunoza nhe wanhu iwakoci vyono wanozaga mu matanganilo go wuhembelo, na mu zinzila, ho walumbwe ne wanhu. Mbeka nghumutyenyi vyono, wakondya kucituga icihumbilizwa cawo.

Matayo 6:5

“Nanye lono mukulomba, mulece kuwa nhe wakoci. Hambi iwene wakoci, nha wendile kwima wima mu matang'anilo go wuhembelo, sunga na mu zinzila, no kulomba, ho welajile kuli wanhu. Mbeka nghumulonjelenyi, vyono wawo wakondya kucituga icihumbilizwa cawo.

Maluko 4:12

‘Ho walanje mbeka, ninga walece kuwona. Wahulicize mbeka, Ninga walece kwizuka. Hono si nhavivyo, wali wamupitucile u Mulungu, nayo yali yawanenele.’ ”

Luka 13:24

Yesu yakawatya, Muhidimbale kwinjila mu mulango mufinyu, hambi nha nghumulonjelenyi mbeka, vyono wenji wojela kwinjila, ninga si wosuma.

Luka 22:32

ninga ane nghukulombela agwe Simoni, wihuwilo wako ho wulece kucepuka; nagwe kolo wukumbuyila kanyhi, ho wuwasikamye wanduguzo.”

Yohana 1:51

Yesu yakajendelela kulonga, “Mbeka nghumulonjelenyi, molowona u wulanga wukudiguka, ne wamalayika wo Mulungu wakubita kucanyha no kutima, muli Mwana wo Munhu.”

Yohana 3:3

Yesu yapitula yakamutya, “Ane nghukulonjela mbeka, vyono hono munhu yalece kulelwa wupya, si kosuma kuwuwona wutemi wo Mulungu.”

Yohana 3:5

Yesu yakamutya, “Mbeka nghukulonjela, munhu hono yalece kulelwa kwe malenga no Muhe, sikokwinjilila lukulu mu wutemi wo Mulungu.

Metumo ge Watumwa 14:22

Wakawasinyhimika zinhumbula i wejizwa, no kuwasikamya wekalaje mu wihuwilo. Wakawalonjela wakutya, “Yicinojeye ase wose kukolela mu magayo menji, mu winjile mu wutemi wo Mulungu.”

Metumo ge Watumwa 28:27

Ku soko imahala ge wanhu wawa nha galelepe, ne makutu gawo, makamu ku wuhulice, ne meso gawo wagafufunize. Mhali si nhavivyo, wali wawone kwe meso gawo, wali wahulice kwe makutu gawo, wali wezuce kwe mahala gawo, wawo wali wamhitucile, yakutyo Muwaha, nane nali niwaponye.’ ”

Metumo ge Watumwa 3:19

Alenyi muyikawanizaje mikalile yenyu imibi, mumuwuyile u Mulungu, nayo ho yawupate wubi wenyu,

1 Wakolinto 14:20

Nye wandugu zangu, mulece kuwa nhe wana wadodo mu mahala genyu. Kuli zo wavu, muweze nhe wana wagalika, ninga mu wihwese wenyu, yinojeye muwe nhe wanhu wono wakangaye.

1 Petelo 2:2

Nha vyono iwana wadodo wasulumilaga mele, na nyenye nhavivyo munojeye muwe no wusulumizi we mele geneco ge cimuhe, na mu vilungo vyago, ho musume kuwiluka no kukombozwa.

2 Petelo 1:11

Na yiyo yo yoleka mosuma kupegwa wiling'ano wono wukwilaniciye, wo kwinjilila mu wutemi wo Mutwa wetu no Mukombozi wetu Yesu Kilisito.