Matayo 13:3 - Luganuzi Luswanu Kuli Wanhu Wose 2002

³ nayo Yesu yakawa kuwalonjela nghani nyinji mu vihwanicizo, yakutya, “Hulicizenyi ta! U mumiza mbeyu, yalawila ho yayimize i mbeyu yakwe.

I CILAGANE CIPYA 1991

³ nayo Yesu yakawa kuwalonjela nghani nyinji mu vihwanicizo, yakutya, “Hulicizenyi ta! U mumiza mbeyu, yalawila ho yayimize i mbeyu yakwe.

Matayo 13:3 ပူးပေါင်းရင်းမြစ်များ

Zabuli 49:4

Nane notega likutu lyangu hulice fumbo, no kuciloloseza cidalicizo cangu mu wutowa lisumbi.

Zabuli 78:2

Ane nolonga nanye mu nzila ye vihwanicizo, nomulolosezenyi ze zifumbo ze katali,

Ezekiyeli 17:2

“Gwe go munhu! Wuwalonjelaje Waisilayeli i fumbo,

Ezekiyeli 20:49

“Ninga nane nghapitula nghatya, 'Gwe Muwaha Mulungu, ane hamba si nosuma kuzinoza zizo. Holeka wulece kunhuma nene nizinoze! Hambi wose nha wanhezaga vyono ane nongaga nhondo zose nghani za fumbo.”

Mika 2:4

Ne vilo vivyo, kolo vikuza, wanhu wolosimulila ze mikalile yenyu yo wugaye, ciwe colecezo, nawo wawe kwimba no lwimbo aluno lwe cililo, lono lukulajila zono zamutujenyi, wawe kutya, ‘Cakondya kuhodanjilwa lukulu! Muwaha Mulungu yakondya kuyisola yisi yetu, no kuwapela wono wacinozize mateka.’ ”

Habakuki 2:6

Ninga iwanhu wono wakuwasuma, nawo wolowazwajiza wono wawasumize, kanyhi wolowabedegala. Wolotya, “Mwavisolaga vyono si vyali vyenyu, ninga 'lu woyi hee kuli'nye! Hamba mojendelela wule 'lu kanyhi, mu wugoli wono mwetujila mu nzila yo kuwadaya kwa vilungo wono wali wakopile kuli'nye ho wamulipenyi?”

Matayo 13:4

Na lono yamizaga, zinji zikalagala mu nzila, nazo zindeje zikaza zikazilya.

Matayo 13:53

Yesu yali yeza kukondya kuvilonga i vihwanicizo vivyo, hodu yakawa kuwuka i hanhu baho,

Matayo 22:1

Yesu yakalonga nawo kanyhi mu vihwanicizo, yakatya,

Matayo 24:32

“Ale ta, mwiyijizizaje mu cihwanicizo co mukuyu, vyono, lono mukugawona manhambi gayo geza kutula no kulavya i mahamha gayo, ho baho ho mumanyilaga vyono i lifuku lyeza lili behi.

Maluko 12:1

Yesu yakanza kulongana nawo mu cihwanicizo yakutya, “Munhu yunji yalima mugunda we mizabibu. Yakawusitila no mululu, na haciligati yayo, yakahimba likombo lyo kukobonjela divayi, yakazenga ne cilingo citali. Yakawukoza mugunda wuwo kuli walimi, u mwene yakatuluka muhinzo sunga ku yisi ya kutali.

Maluko 12:12

Iwakohani wawaha ne Wejizi wo Wulajilize ne wanyamhala, wakatanga vyono i cihwanicizo cico calongaga weneco. Holeka wakajela kumwibata, ninga wakalyogopa i lipuga lye wanhu. Holeka wakamuleka wakawa kubita.

Maluko 3:23

Baho Yesu yakawacema, yakawalonjela mu vihwanicizo, yakutya, “Alu Setani kosuma wule kumulavya Setani?

Maluko 4:13

Ale, Yesu yakawawuza yakutya, “Alu anye simukucimanya i cihwanicizo cici? Alu ho mosuma wule kucimanya icihwanicizo co cose cilya?

Maluko 4:33

Nayo yawaganulila i nghani yakwe mu vihwanicizo vinji vinha vivi, yaduwa nawo sunga mu nghango yono wasuma kwizuka.

Luka 12:41

Petelo yakamutya, “Muwaha, cihwanicizo cici wukucilonjela sese du, hamba wanhu wose?”

Luka 8:10

Yakawatya, “Anye mupegwa kumanya zono zihundicigwe zo wutemi wo Mulungu, ninga kuli wanji, vyo si yinha. Langa wene walonjelwaga mu vihwanicizo, hono wakuwona, ho walece kuwona, na hono wakuhulika, ho walece kwizuka.”

Yohana 16:25

“Zizi nimulonjelenyi mu vihwanicizo. Ninga cidaha cikuza, lono si nomulonjelenyi kanyhi mu vihwanicizo, ninga nomulonjelenyi za Baba ciwonelela.