Matayo 1:1 - Luganuzi Luswanu Kuli Wanhu Wose 2002

¹ U wityatye we ndelwa ya Yesu Kilisito mono yali we ndelwa ya Dawudi, wa mu ndelo ya Abulahamu. Na awuno ahano wo wityatye we mhuga yakwe vyono yinha.

I CILAGANE CIPYA 1991

¹ U wityatye we ndelwa ya Yesu Kilisito mono yali we ndelwa ya Dawudi, wa mu ndelo ya Abulahamu. Na awuno ahano wo wityatye we mbeyu yakwe vyono yinha.

Matayo 1:1 ပူးပေါင်းရင်းမြစ်များ

Mwamulizo 12:3

“Nayo mono kokulugutiza, nane nomulugutiza. Nayo mono yakukulijita, nane nomulijita. Ne zimhuga zose za kono'nze zolomotela muli gwegwe.”

Mwamulizo 2:4

Na vyo yinha, u wulanga ne yinze vyo vyawumbwa. Na mwi'zuwa lono u Mulungu yawumbila u wulanga ne yinze,

Mwamulizo 22:18

Na muli lulelo lwako, imakungugo gose mo golugutizizwa vyono agwe kulihulika lilajilizo lyangu.”

Mwamulizo 5:1

Awuno wo wityatye we zindelwa za Adamu. Mwi'pango lyono Mulungu yamuwumbila u munhu, yamuwumba mu futa yakwe mweneco.

Zabuli 132:11

Hambi nha yo gwegwe mono wamwihuwiza Dawudi, wihuwizo wono wukangaye, wono si kowubena yaye, lono watya, “Nomutemya yumonga wa muli wanago yawe mutemi, nayo kotema agwe kolo wakondya kufwa.

Zabuli 89:3

Wukawa kutya, “Ane noza cilagane no muhagulwa wangu, nimwilahila mwitumami wangu Dawudi.

Zabuli 89:36

Lulelo lwakwe lokwikala cibitilila, no wutemi wakwe wowa nhe lizuwa.

Isaya 11:1

U wityatye we ndelo ye citemi mu mhuga ya Dawudi, wihwanile no mubici wono wadumulwa, ninga lisina lyayo, likutula kanyhi manhambi ganji. Holeka mutemi mupya kololelwa muli wawo i wana wa Dawudi.

Isaya 53:8

Yakebatwa, yakaling'anizwa, yakategulwa yawulagwe, na hali hasina mono yawucelelela wusungu wakwe, mwene yawulagwa so wubi we wanhu wetu.

Yelemiya 23:5

Alu u Muwaha Mulungu yakutya nhavi, “I vilo vikuza, vyono nene no mweneco, nolokwihagulila u mutemi we ling'ani mu wulawa mu lulelo lwa Dawudi. No mutemi yuyo kolotema kwe mahala, kanyhi kolowa kwituma ze ling'ani na zo mugoloka mu yisi yose.

Yelemiya 33:26

Holeka vyono mbeka netuma zizi, ale, nane nocikamisa cilagane cangu, cono nacinoza no lulelo lwa Yakobo no mwitumami wangu Dawudi. Kanyhi nolomuhagula yumonga wa mu lulelo lwa Dawudi, yateme mu lulelo lwa Abulahamu, na Isaka na Yakobo. Nane nolowa no lusungu kuli wanhu wangu, kanyhi nolowamotya muno.”

Amosi 9:11

Muwaha Mulungu yakutya, “Lizuwa likuza lyono ane nolowusimya wutemi wa Dawudi, wono winha kaya yono yigwiye so wongomezwe. Nolonozeleza majinji gose gono gamwaguka, no kugasimya kanyhi. Noloyizenga no kuyinoza yiwe nha vyono yali katali.

Zakaliya 12:8

Mu vilo vivyo, u Muwaha Mulungu kolowadima i wanhu wose wono wekaye mu Yelusalemi, sunga na wono wasoceye muli wene, nawo wolotuga vilungo kotya vyono yali yenha Dawudi. Na we ndelo ya Dawudi wolowalongoza kotya nha malayika wo Muwaha Mulungu, kanyhi kotya Mulungu mweneco.

Matayo 1:18

Ale, no wulelwe wakwe Yesu Kilisito wali nhavi. U nyina Malyamu yali yakondya kubanywa na Yusufu. Ninga lono wali wakali si nekalana hamonga nha vyono yinha u mulume no mucekulu, Malyamu yakejela yena muda wono yawutuga kwe vilungo vyo Muhe Mono Yelile.

Matayo 1:2

Abulahamu yakamulela Isaka, nayo Isaka yakamulela Yakobo, nayo Yakobo yakamulela Yuda ne wanduguze.

Matayo 15:22

Baho, u mucekulu yunji we Cikanani wa mu yisi yiyo, yakamuziza, akuno yakuzoza yakutya, “Gwe Muwaha go Mwana wa Dawudi, wumbonelaje lusungu! U mwanangu we cicekulu yakugazwa ne licisi.”

Matayo 3:16

Nayo Yesu yaza kukondya du kubaputizwa, yakalawila mu malenga, no wulanga wukawa kudiguka nhinicizo, nayo yamuwona u Muhe wo Mulungu yehwanile futa ya nziwa, yakumutimila.

Matayo 9:27

Yesu yakawuka baho, na lono yajendaga, wabofu wejete wakamutyatya akuno wakuzoza wakutya, “Gwe go Mwana wa Dawudi, wuciwonele lusungu!”

Luka 1:33

nayo kotema mhuga ya Yakobo cibitilila, no wutemi wakwe si wulawa na ndumo.”

Yohana 7:42

I Mandiko Gono Gelile gakutya wule? Gakutya, “Kilisito kolawa mu lulelo lwa Dawudi, na kolelelwa ku Betelehemu, mu kaya ya Dawudi.”

Metumo ge Watumwa 2:30

Ninga Dawudi vyono yali muwizi, yali yamanyile vyono u Mulungu yamwilahila ko wilahe, vyono mu lulelo lwakwe, kolomwikaza yunji mwigoda lyakwe;

Walumi 1:3

No Luganuzi luluno Luswanu, lukulonga za muli Mwanagwe u Muwaha wetu Yesu, mono ku muwili, yalelelwa mu lulelo lwa Dawudi,

Walumi 4:13

U Mulungu yamwihuwiza Abulahamu ne zindelo zakwe, vyono yo kolowa muhala yinze. No wihuwizo wuwo, si wanozwa vyono Abulahamu yawitumaga u Wulajilize, ng'o, langa vyono yehuwila, yakavumilwa kuwa ling'ani.

Walumi 9:5

Wene wo wezukulu we wakoko, nayo Kilisito ku lubavu lo wunhu wakwe, yalawilila mu mbeyu yawo. U Mulungu mono yatemile muli vyose, yalumbwe cibitilila, Heya.

Wagalatiya 3:16

Ale Abulahamu nayo yapegwa cilagane mweneco hamonga no lulelo lwakwe. Ne Mandiko si gakutya, “Ne zindelo zakwe.” Nha kotya wenji, langa gakutya “No lulelo lwakwe” nha kotya yumonga du nayo yo Kilisito.

1 Timoteyo 2:5

Hambi nha hoyuli Mulungu yumonga du, na kanyhi hoyuli yumonga mono kawalamulaga iwanhu no Mulungu, yo munhu, Kilisito Yesu,

2 Timoteyo 2:8

Wumukumbucilaje Yesu Kilisito mono yazukulwa muli wafu, mono yali wa mululelo lwa Dawudi, nha vyono lukulonga u Luganuzi Luswanu lono niluganulaga.

Wugubule 22:16

Ane yo nene Yesu, nimutuma malayika wangu, yamuhomelelenyi i zinghani zizino mu makanisa. Ane nili wo lulelo lwa Dawudi: Ane yo nene i nyelezi i mwacinghunghu, yono ying'alalaga ya hakali mitondo!