Maluko 9:24 - Luganuzi Luswanu Kuli Wanhu Wose 2002

²⁴ Baho, u sogo yo mwana yakalila ne'zi iwaha, yakutya, “Nihuwiye! Ninga uwihuwilo wangu wanjiye, wunhazaje.”

I CILAGANE CIPYA 1991

²⁴ Baho, usogo yo mwana yakalila neʼzi iwaha, yakutya, “Nihuwiye! Ninga uwihuwilo wangu wanjiye, wunhazaje.”

Maluko 9:24 ပူးပေါင်းရင်းမြစ်များ

2 Samwili 16:12

Lunji Muwaha Mulungu kozilanga zimbi zono nghutendelwa. No Muwaha Mulungu kohaliza ziswanu zihomele wulijitwe wangu we zuwali.”

2 Watemi 20:5

yawuye ne nyuma kanyhi kuli mutemi Hezekiya, u mutemi we wanhu wo Muwaha Mulungu, yakamulonjele yatye, “Ane no Muwaha Mulungu, no Mulungu wo sogo Dawudi, nicihulika cililo cako, hamonga no wulombe wako. Holeka alu nokuponya, nagwe mu vilo vidatu kojenda no kobita ko ku Nyumba yo Mulungu.

Zabuli 126:5

Wono wakuhadika zimbeyu zawo, wakulila mahozi, wolodudula wasangalaye!

Zabuli 39:12

Gwe go Muwaha Mulungu, wuhulicize wulombe wangu, hamonga ne cililo cangu, wulece kunyamalila lono nghukulilila. Hambi ane nha ninha mujenzi du mono yakupuluta, nane nili mujenda nzila, nha vyono wali wenha walezi wangu wose.

Yelemiya 14:17

U Muwaha Mulungu yakandajiza niwalonjele wanhu zo wukalale wangu niwatye nhavi, “I meso gangu gasuluze mahozi misi ne cilo, galece kuduma yaye, hambi i wanhu wangu nha watuga nghomele kanyhi watamiswe muno muno.

Maluko 9:23

Yesu yakamutya, “Ati hono kosuma! Zose nha zisumice kuli munhu mono yena wihuwilo.”

Maluko 9:25

Nayo Yesu yaza kuliwona lipuga lye wanhu lyeza kumwikongholela lumangho hamwande yakwe, yakalitacila lililya licisi lyavu yakulitya, “Agwe go licisi mono wukumunoza u mwana yuyu yawe cibwibwi kanyhi yawe ciziwi, nghukutya, wulawe muli mwana yuyu, hamba wulece kwinjila muli mwene kanyhi!”

Luka 17:5

Iwatumwa wakamutya, “Muwaha, Wuconjeleze wihuwilo.”

Luka 7:38

yakema behi na Yesu, yakulila, ne mahozi gakwe gakamusululila Yesu mu magulu. U Mucekulu yuyo yakayipata migulu ya. Yesu kwe zimvili zakwe. Yakamunonela muno migulu, yakawabaka ne mafuta gagalya.

Luka 7:44

Hanyuma yakamupitucila mucekulu, no kumutya Simoni, “Kumuwona ta mucekulu yuyu? Ane ninjila mu nyumba yako, malenga go kuzuguza magulu gangu, si wumheye ng'o. Ninga mucekulu ayu, kasuluziza mahozi gakwe mu magulu gangu no kugapata kwe zimvili zakwe.

Metumo ge Watumwa 10:19

Na Petelo lono yali yakali kwihwesa zo wugubulilwe, ho baho u Muhe yakamutya, “Hulicize! Howali wanhu wadatu baha wono wakukulondola.

Metumo ge Watumwa 10:31

yakatya, Kolineliyo, Mulungu kawubocela wulombe wako, hamonga ne vilavywa vyako kuli waciwa.”

2 Wakolinto 2:4

Hambi ha lulongozi, nha namwandicilenyi hamonga no wukalale wuwaha ne mahozi, hamonga no wusungu mu nhumbula, ninga si namwandicilenyi ho nimukalazenyi, aa, ng'o, langa nasakaga ho nimulajilenyi nha vyono ane nimwendilenyi muno muno.

Waefeso 2:8

Hambi nha mwakombozwa ku so lihewa lyo Mulungu mu nzila yo wihuwilo. Ne nghani yiyi si yili mu wuhidimbale wetu, langa cipegwa co Mulungu du.

Wafilipi 1:29

Hambi anye nha mwapegwa cipegwa co kumwitumamila Kilisito, si so kumwihuwila du, langa na so kugazwa ku soko yakwe nhavivilya.

2 Watesalonike 1:11

Na ku soko yiyo, holeka si cidilaga kumulombelenyi. Cikumulomba u Mulungu wetu yamupelenyi vilungo vyo kusumila kukangalila kwikala mikalile yono yamucemelenyi. Cikumulomba, kwe vilungo vyakwe, yawukwizilize u wuhile wenyu wo wituma i ziswanu, hamonga no kuwufisiliza u mulimo wenyu wo wihuwilo.

2 Watesalonike 1:3

Nye wandugu zangu, yicinojeye ceze kumulumbo Mulungu nhondo zose ku soko yenyu. Kanyhi yicinojeye cinoze nhavivyo, vyono u wihuwilo wenyu wukucila muno muno, sunga no wiyendi wenyu wukucila konjelezeka muno muno.

2 Timoteyo 1:4

Kanyhi nghugakumbucila i mahozi gako, nane nghusulumila muno muno ciwone nagwe, i nyemo yangu ho yimeme.

Wahebelaniya 12:17

Nanye mumanyile nha vyono, sunga na lono yasakaga kuwutuga kanyhi wuwulya u wulugutwe wono wali wakwe, yakalemwa, hambi nha si yacituga kanyhi cilejeho co kunena, hamba yiwe yacilondola muno akuno ne mahozi.

Wahebelaniya 12:2

Akuno cikumulanga Yesu mono wo mwamulizo wo wihuwilo wetu, no kuwukwiza. Mono, ku soko ye nyemo yono yali yawiciywe u mwene, yakangalila u wufwe wa mu musalaba, hamba kulanga ze cevu cakwe, alu yekaye ku lubavu lo kulume lwe ligoda lyo lukumyo lyo Mulungu.

Wahebelaniya 5:7

Nayo Yesu lono yekalaga baha mono yinze, yakalila muno muno ne mahozi, lono yamuhembaga no kumulomba u Mulungu, mono yali yena vilungo vyo kumuponezya mwifwa, nayo yahulicizwa ku soko yali yamogopile u Mulungu.