Maluko 9:19 - Luganuzi Luswanu Kuli Wanhu Wose 2002

¹⁹ Nayo Yesu yakapitula, yakutya, “Nye nyo lulelo lono lusina wihuwilo! Alu cokwikalana nanye sunga nili? Alu nomukangalilenyi sunga nili? Ale ta, mundetelaje yuyo muzelelo.”

I CILAGANE CIPYA 1991

¹⁹ Nayo Yesu yakapitula, yakutya, “Nye nyo lulelo lono lusina wihuwilo! alu cokwikalana nanye sunga nili? Alu nomukangalilenyi sunga nili? Ale ta, mundetelaje yuyo muzelelo.”

Maluko 9:19 ပူးပေါင်းရင်းမြစ်များ

Zabuli 78:22

vyono si wamwihuwila Mulungu, hamba kwihuwila kose vyono kosuma kuwaponya.

Wuwale 14:11

Muwaha Mulungu yakamulonjela Musa yakatya, “Alu mwene, i wanhu wawa wojendelela kumbedegala sunga nili? Hamba wojendelela kulema kunyitumbila 'ne sunga nili, hamba niwe netuma mapoto menji hali wene?

Wuwale 14:22

hasina munhu hamba monga wa muli wawa, mono kokwikala mumi sunga yaze yenjile mu yisi yiyo. Hambi nha waluwona lukumyo lwangu lono lukundajila vyono nili baho, kanyhi wakagawona ne mapoto gono naganoza mu yisi ya Misili, sunga na mono nyika, kanyhi wakanjela no wukangalizi wangu kali kenji, ninga hamba nhavivyo, si wahulika 'ne yaye.

Wuwale 14:27

“Alu mwene, i wanhu wawa wabi, wojendelela kung'ung'ulicila sunga nili lo? Hambi nha nacilwa muno ne mang'ung'uliko gawo gaga!

Matayo 17:17

Yesu yakamupitula yakamutya, “Anye mo lulelo lono lusina u wihuwilo, lulelo lono lwajiliye! Alu nokwikalana nanye sunga nili? Hamba nojendelela kumukangalililenyi sunga nili? Ale mundetele ta umwana yuyo ahano.”

Maluko 16:14

Na ku ndumilizo, Yesu yakejela kuli wejizwa we likumi na monga, lono walizanaga ha meza. Nayo yakawatacila muno so wuleka kwihuwila kwawo, no wukamu we zinhumbula zawo, hambi nha siwawehuwila wawalya wono wamuwona lono yali yazuka.

Maluko 9:18

Na nhondo zose kolo lyeza kumwibata, limugwisaga hasi, no kumunoza yalavye cifulo mu mulomo, akuno yakugwezula ne meno gakwe, kanyhi yakuganda muwili wose. Nane nghawalomba iwejizwa wako walilavye licisi lilyo, ninga hamba siwalisuma ng'o.”

Maluko 9:20

Wakamuleta kuli mwene. Lo lulolulo licisi lilyo lyeza kumuwona Yesu, likamuzuganga umwana yuyo, nayo mwana yuyo yakagwa hasi, yakegalagaza no kulavya cifulo mu mulomo wakwe. Yesu yakamuwuza u sogwe yo mwana yuyo, yakutya.

Luka 24:25

Nayo Yesu yakawatya “Nhawule muli walele nhavivi, kanyhi muli wakamu mu zinhumbula zenyu, kuzihuwila zose zono walonga wawizi?

Luka 9:41

Yesu yakapitula yakatya, “Anye waco mo lulelo lono lusina wihuwilo mono mwajiliye, alo cowa kwikalana nanye, no kumukangalilenyi sunga nili?” Hanyuma yakamulonjela yuyo munhu, “Mulete kuno mwanago.”

Yohana 12:27

“Alu nhumbula yangu yikugazika, wule, alu noze cici? Hamba nitye, ‘Baba wulece kucikombola icidaha cici cificile?’ Ninga yo soko yono yaleka ane nghaza, ho nicikolele i cipango cici ce magazo.

Yohana 20:27

Hanyuma yakamutya Tomaso “Lete kuno cidole cako, wulanje maganza ge miwoko yangu, wulete no muwoko wako, winjize mu lubavu lwangu. Ho wulece kuwa na mahwele, langa wihuwile!”

Wukumbucize wo Wulajilize 32:20

Yakawa kutya, ‘Alu hodu, nane hamba si nojendelela kanyhi kuwapela wutazi. Hanyuma ho mbone cono cowagana, i wanhu wawano wono wasina cihuliko, kanyhi si wehuwilwa.