Maluko 9:12 - Luganuzi Luswanu Kuli Wanhu Wose 2002

¹² Nayo yakawatya, “Heya, Eliya kokwamula kuza kuviwikaniza vyose. Ninga hamba nhavivyo, nhawule, lu, yandicigwe mu Mandiko Gono Gelile, vyono, u Mwana wo Munhu kotuga magazo menji no kobedegalwa?

I CILAGANE CIPYA 1991

¹² Nayo yakawatya, “Heya, Eliya kokwamula kuza kuviwikaniza vyose. Ninga hamba nha vivyo, nhawule, lu, yandicigwe mu Mandiko Gono Gelile, vyono u Mwana wo Munhu kotuga magazo menji no kobedegalwa?

Maluko 9:12 ပူးပေါင်းရင်းမြစ်များ

Zabuli 74:22

Ale winuce go Mulungu, witetele, wukumbucile wubedegazi we vilo vyose, wono wukulawa kuli wono si wakumanyile.

Isaya 49:7

Mulungu mono yelile wa Isilayeli, u Mukombozi wawo yakumulonjela mono yakubedegalwa ne wanhu, na mono yakusulwa ne makungugo, na kuli mwitumami we watemi, yakutya nhavi, “Watemi kolo wakukuwona, wokwinucila walajile cogopo cawo kuli'gwe, ne wana we watemi, nawo woziwona zizo, nawo wokwinama hasi, wakupele lilumbo.” Na zizi zose zolokwijela, vyono Muwaha Mulungu kakondya kumuhagula mwitumami wakwe, U Mulungu mono yelile wa Isilayeli, mwene kakamisaga wihuwizo wakwe.

Isaya 50:6

Nawapitucila mugongo wangu wanhu wono wanhowaga, na lono wanhovulaga, ane si nawemila yaye, sunga na lono wanghulaga zindevu zangu no kunhowa mu wusu wangu.

Isaya 52:14

Ne wanhu wenji watinuswa muno wali weza kumuwona, hambi mumbwa yakwe nha yali yihodanjice sunga yikawa vikamu kwijela nha munhu.

Zakaliya 11:13

U Muwaha Mulungu yakanonjela yakatya, uviwikaje vivyo vipande vye fweza mu vinyumba vyo kuwicila viwutwa vya mu Nyumba yo Mulungu. Hobaho nghawa kuvisola vivilya vipande vye fweza, liwalo lililya du lyono wehwesaga vyono lyonitumbiye, nghawa kuviwika mu vinyumba vyo kuwicila viwutwa vya mu Nyumba yo Mulungu.

Zakaliya 13:7

U Muwaha Mulungu we mihanga yakutya, “Winuce 'gwe go mumaje, wumuhungucile mudimi wangu, mono yakunyitumamila. Wumuwulagaje, ne zingholo zokwiyagala, Nane nowatowanga wanhu wangu.

Malaki 4:6

Nayo kolo yakuza, kozipitula zinhumbula ze wasogo zo munhu zilanje wana wawo, ne zinhumbula ze wana, nazo, zilanje wasogo zawo, ho nize ndece kuyihodanga yisi yenyu.”

Matayo 16:21

Na vyono kulawa baho, Yesu yakawa kuwamanyiza cagalanze du i wejizwa wakwe, yakawatya, “Yinojeye ane mbite ku Yelusalemi ho nghatuje wugazwe winji wono wolawilila muli wanyamhala ne Wakohani wawaha, hamonga ne wejizi wo Wulajilize. Nane nowulagwa na mwi'zuwa lye kadatu, nozuka.”

Matayo 26:24

Heya u Mwana wo Munhu yakubita, nha vyono i Mandiko Gono Gelile gakulonga, ninga woyi he, kuli munhu yuyo, yali yiwe yili ciba hono yali yalece kulelwa.”

Maluko 10:33

“Yakawatya, Hulicizenyi ta! Cikubita ku Yelusalemi, na kuko u Mwana wo Munhu, kokombolwa kuli wakohani wawaha ne wejizi wo Wulajilize, nawo womuling'aniza yawulagwe, no kumukombola kuli wanhu wono si Wayahudi.

Maluko 9:13

Ninga nghumutyenyi, vyono Eliya nha yakondya kuza, nawo wakamutendela vyose vyono wahilaga, nha vyono yali yandiciywe mwene.”

Maluko 9:31

kusoko yawejizaga iwejizwa wakwe. Yakawatya, “Umwana wo Munhu kolavywa kuli wanhu wono womuwulaga, ninga kolo yawulagwa, hanyuma ye vilo vidatu kozuka kanyhi.”

Luka 1:76

Nagwe, mwanangu, kocemwa muwizi wo Mulungu Mono Yalawiliciye muli vyose, hambi nha kolongola ha mwande yo Muwaha wumunozelezeze nzila yakwe.

Luka 23:11

Helode hamonga ne Wasilikale wakwe, wakamukoza cevu Yesu, no kumuzwajiza; hanyuma wakamuvwika mwenda we citemitemi, wakamugomola kuli Pilato.

Luka 23:39

Yu monga muli wawalya wahodanji, wono watumbikwa mu misalaba hamonga nayo, yakamutovula yakutya, “Alo si yo gwegwe Kilisito? Ale wiponye go mweneco, wuciponye na sese.”

Metumo ge Watumwa 1:6

Baho wene, waza kwikonghola hamonga na Yesu, wakamuwuza wakutya, “Ati Muwaha, kwinha nhavivi ho kowakombolela Isilayeli Wutemi?”

Metumo ge Watumwa 4:11

Yo mwene mono Mandiko Gono Gelile gakutya, ‘Ilibwe lyono mwalilema anye nyo wazenji Lyanozwa kuwa yibwe yiwaha lyo musinji.’