Maluko 8:13 - Luganuzi Luswanu Kuli Wanhu Wose 2002

¹³ Hodu yakawaleka, yakenjila kanyhi mu ngalawa, yakalowoka ku nhumbi nzagwe ye lilamba.

I CILAGANE CIPYA 1991

¹³ Hodu yakawaleka, yakenjila kanyhi mu ngalawa, yakalowoka ku nhumbi nzagwe ye lilenga.

Maluko 8:13 ပူးပေါင်းရင်းမြစ်များ

Zabuli 81:12

Hodu nane nghawa kuwaleka wajendelele, no wukamu we zinhumbula zawo, wetume zono wakuhila weneco.

Yelemiya 23:33

U Muwaha Mulungu yakanonjela yakatya nhavi, “Gwe Yelemiya, hono munhu wo wose wa muli wanhu wangu yakuwuze, u muwizi, hamba mukohani, yawe kutya, ‘Alu wuli hayi u mutegulo wono u Muwaha Mulungu yakucidinghuza lo?’ Nagwe wuwalonjele wuwatye, ‘Anye nyo wanhu yo mweza muli mutegulo muwaha kuli Muwaha Mulungu, holeka nayo komutajilenyi lukulu.’

Hoseya 4:17

I wanhu wa Efulayimu, wasumigwe ne vihwani. Holeka lece vyajililane kuko.

Hoseya 9:12

Hamba waze watuje wana, ane nolowawulaga. Sinolomuleka hamba yunji yekale mumi. Na lono niwe nawaleka wanhu awa, mbeka nghani 'mbi yolowagana.”

Matayo 15:14

Muwalekaje wene! Hambi wene nha wabofu, kanyhi wene wakuwatonga i wabofu, no mubofu hono yamutonje u mubofu muyagwe, ale, wose vyono wejete wogwila mwikombo.”

Matayo 7:6

“Mulece kuzipela izimbwa ivinhu vyono vyelile, ho zilece kupituka no kumulumanjenyi, hamba mulece kuzigumila izilulu zenyu ha mwande ye zingubi, ho zilece kuzikanyanjila.”

Maluko 8:12

Yesu yakakalala muno mu nhumbula yakwe, yakatya, “Alu so cici u lulelo lulu lukusaka citanjilo? Mbeka nghumulonjelenyi lulelo lulu silopegwa citanjilo co cose.”

Maluko 8:14

Iwejizwa wakasemwa kusoleleza ne mikate, nawo wali wena mukate monga du mu ngalawa.

Luka 8:37

Ne wanhu wose we yisi ya Wagelasene wakebatwa no woga wuwaha, holeka wakamunena Yesu yawuce, yabite. Nayo Yesu yakenjila mu ngalawa, yakawuka.

Yohana 12:36

Holeka lono mukali mwina wuzelu, muwihuwilaje wuwo wuzelu, ho muwe wana wo wuzelu.” Yesu yaza kukondya kulonga zizi, yakawuka, yakehundika.

Yohana 8:21

Yesu yakawalonjela kanyhi yakatya, “Ane nghubita, anye monondola, ninga molofwa no wubi wenyu. Kono ane nghubita, anye si mosuma kuza.”

Metumo ge Watumwa 18:6

Nawo lono wawanganaga nayo no kumutovula, yakasola likoti lyakwe yakalikung'unha ha mwande yawo, yakawatya, “Hono mwajilile, yo nghani yenyu nyenye nyo weneco, ane sina wuhoswe wo wose mu nghani yiyo. No wulawa lulu, nowabitila wono si Wayahudi.”

Metumo ge Watumwa 27:2

Caza kupanda mu ngalawa ya Andelamutino, yono yabitaga no kukolela mu zikaya za ku mhwani za Asiya, cikatuluka, cali cina na Alisitaliko, Mumakedoniya wa Tesalonike.