Maluko 7:7 - Luganuzi Luswanu Kuli Wanhu Wose 2002

⁷ No wuhembi wawo wa kuli'ne hamba si wukwiliye cinji, hambi zinghani zono wejizaga, nha malajilizo ga cimunhu-munhu du.’

I CILAGANE CIPYA 1991

⁷ No wuhembi wawo wakuliʼne hamba si wukwiliye cinji, hambi zinghani zono wejizaga, nha malajilizo ga cimunhu munhu du.’

Maluko 7:7 ပူးပေါင်းရင်းမြစ်များ

Isaya 29:13

Ninga nayo Muwaha Mulungu yalonga yakatya, “I wanhu wawa, wenozaga nha wakuhemba nene, ninga kumbe ne zinghani zawo ho zisina nhunizo yo yose, ne zinhumbula zawo zili kunji caka. Ne cogopo cawo ca kuli'ne nghani ya bwete du, hambi wene nha wakutyatya wulajilize we wanhu, hamonga ne myoto yono wayizoweye nha vyono wakondya kwiyijiza.

Malaki 3:14

Mwalonga mukatya, ‘Kumwitumamila Mulungu yo nghani ya bwete du. Hamba ho cili cambuzici mu wituma zono mwene yakulonga, hamba zo kujela kumulajila Muwaha Mulungu we mihanga nha vyono cikuzikalalila zono cetuma?

Matayo 15:9

No wuhembe wawo wono wakuhemba nene, si wukwiliye cinji, ku soko sunga ne zinghani zono wakwijiza, nha malajilizo ge cimunhu-munhu du.”

Matayo 6:7

“Na mu wulombe wenyu, mulanjilile, mulece kwilonganjicila nghani za bwete du, nhe wanhu wono si wamumanyile Mulungu. Hambi i wene wawo nha wehwesaga vyono, i milungu yawo ho yowahulika, ku soko yo wulonga nghani nyinji.

1 Wakolinto 15:14

na hono Kilisito yawe si yazuka, hodu kumbe no wuganule wetu wa bwete, sunga no wihuwilo wenyu wa bwete.

1 Wakolinto 15:58

Holeka wandugu zangu wendece, mwime mukamile. Kanyhi mujendelele kuwituma u mulimo wo Muwaha kwe vilungo, nhondo zose, akuno mukumanya, u mulimo wuwo wo kumwitumamila u Muwaha wono mukwituma, vyono si wolokwajilila bwete.

Wukumbucize wo Wulajilize 12:32

Holeka muzitumaje zose zono nakondya kumulajilizenyi, mulece konjeleza hamba kucepula nghani yo yose muli zizi.”

Wakolosayi 2:22

I zinghani zizo zose zili mu vinhu avilya vyono vihodanjikaga kamonga du lono vikwitumamilwa, ago nha malajilizo ne mafundo ge ci munhu munhu du.

Tito 3:9

Ninga wilegaje mu wuwanji wo wulele, hamba mu wiwanganile wo wuwale we zindelo ze wakoko, no wugomvi, no wiwanganile muli zo Wulajilize. I zinghani zizo zisina hamba cambuzi kanyhi za bwete du.

Yakobo 1:26

Na hono munhu yewone mweneco nha munhu mono yebate dini muno muno, ninga kuno siyakusuma kulwimila lulimi lwakwe, dini yakwe u munhu yuyo yikuwa yisina hamba cambuzi co cose, langa yakwikonga mweneco du.

Yakobo 2:20

Go mulele 'gwe, ma, wukusaka kulajilwa vyono u wihuwilo wono wusina metumo wufwiye?

Wugubule 22:18

Ane yo nene Yohana, nghuwasugula wose wono wakuzihulika i zinghani zo wuwile, zono zili mu citabu cicino, u munhu wo wose hono yonjeleze nghani yo yose mu zinghani zizino, u Mulungu nayo komonjeleza i magazo gono gandikwe mu citabu cicino.

1 Samwili 12:21

Mulecele lukulu kuyityatya milungu yo wulambi, hambi nha yisina wutazi wo wose, hamba si yosuma kumuponyenyi yaye, hambi nha si milungu ye mbeka.