Maluko 7:34 - Luganuzi Luswanu Kuli Wanhu Wose 2002

³⁴ Hanyuma yayo yakagalamila kucanyha ku wulanga, yakang'ula, yakamutya, “Efata, wo wutya, Diguka.”

I CILAGANE CIPYA 1991

³⁴ Hanyuma yayo yakagalamila kucanyha ku wulanga, yakangʼula, yakamutya, “Efata,” wo wutya “Diguka.”

Maluko 7:34 ပူးပေါင်းရင်းမြစ်များ

Wutuluce 2:23

Na yali yeza kupuluta myaka minji, yuyo Falawo mutemi wa Misili yakafwa, ninga Waisilayeli wali wakali wajendeleye mu wuwanda, akuno wakulila, wakulondola wutazi. Cililo cawo cikamuficila Mulungu,

Isaya 53:3

Camuzwajiza kanyhi cikamulema nayo yakangalila magazo no wusungu. Ninga hasina munhu wo wose mono yali yamulanjile si camucelelela, cikamuwona si cinji yaye.

Maluko 1:41

Yesu yakamuwonela lusungu, yakagolola muwoko wakwe, yakamupamiza yakamutya, “Nyendile, wukwemwe!”

Maluko 15:34

Na mu saa tisa ya mu misi, Yesu yakalila ne'zi iwaha yakutya, “Eloyi, Eloyi, lama Sabakatani.” Nhunizo yayo, “Gwe go Mulungu wangu, Gwe go Mulungu wangu, alu so cici wukundeka?”

Maluko 5:41

Yesu yakamwibata muwoko, yakamutya, “Talita kumi.” Nhunizo yayo, “Go muhinza nghukulonjela, winuce!”

Maluko 6:41

Hanyuma yayo Yesu yakayisola i mikate yiyilya mihano ne zisomba zizilya zinyejete, yakagalamila kucanyha, yakamulumba Mulungu, yakayibegula i mikate, yakawapela i wejizwa wakwe wawagawile wanhu. Ne zisomba zizilya zinyejete nazo yakawagawila wose.

Maluko 7:35

Lo lulolulo imakutu gakwe gakadiguka no wuwopwe wo lulimi lwakwe lukahogoha, yakanza kulonga viswanu.

Maluko 8:12

Yesu yakakalala muno mu nhumbula yakwe, yakatya, “Alu so cici u lulelo lulu lukusaka citanjilo? Mbeka nghumulonjelenyi lulelo lulu silopegwa citanjilo co cose.”

Luka 18:42

Yesu yakamutya, “Ale wuwone, Wihuwilo wako wukuponya.”

Luka 19:41

Nayo yaza sejelela, yakaliwona likaya yakalililila,

Luka 7:14

Yakasejelela behi, yakacipamiza citanda cono wali wamudinghuliye mono yali yafwiye, nawo wono wali wamudinghuye wakema. Nayo Yesu yakatya, “Muzelelo, nghukulonjela, Winuce.”

Yohana 11:33

Yesu yaza kumuwona Malyamu yakulila, ne Wayahudi wono wazana nayo, nawo wakulila, lusungu lukamukola mu nhumbula, nayo yakatamika muno, yakatya,

Yohana 11:35

Yesu yakalila mahozi gakalawa.

Yohana 11:38

Yesu yakakalala kanyhi mu nhumbula, yakafika ha citenjelo, naco citenjelo cali ca mhango, naco cali cigubicizwe ne libwe.

Yohana 11:41

Hodu, wakawa kuliwusa libwe. Nayo Yesu yakagalamila ku wulanga, yakatya, “Baba nghukulumba vyono agwe wukuhuliciza ane.

Yohana 11:43

Nayo yaza kukondya kulonga zizo, yakacema kwa yizi iwaha, yakutya, “Lazalo, wulawile kononze!”

Yohana 17:1

Yesu yaza kukondya kulonga zizo, yakagalamila kucanyha ku wulanga yakatya, “Baba icidaha cafika! Ale wumukumyaje mwanago, nayo mwanago ho yakukumye.”

Metumo ge Watumwa 9:34

Petelo yakamutya “Ayineya, Yesu Kilisito yakukuponya. Winuce witandicile citanda cako.” Ayineya yakenuka lo lulo baho.

Metumo ge Watumwa 9:40

Baho Petelo yakawalavyaniza kunze wose, yakafugama, yakalomba. Hanyuma yakawa kuwupitucila u muwili wa malehemu Dolika, yakatya, “Tabita winuce.” Nayo yakanugula imeso gakwe, na yaza muwona Petelo, yakenuka yakekala.

Wahebelaniya 4:15

Nayo yuyu u Mukohani wetu Muwaha si yenha mono si kosuma kuhanga nase mu wusocele wetu, langa u mwene yo Mukohani Muwaha mono yajelwa nha sese muli zose, ninga si yetuma wubi.