Maluko 6:6 - Luganuzi Luswanu Kuli Wanhu Wose 2002

⁶ Yakezina muno so wuleka kwihuwila kwawo. Ale, Yesu yakapilima mu vikaya vyono vyali vili behi behi, yakwijiza wanhu.

I CILAGANE CIPYA 1991

⁶ Yakezina muno so wuleka kwihuwila kwawo. Ale, Yesu yakapilima mu vikaya vyono vyali vili behi behi, yakwijiza wanhu.

Maluko 6:6 ပူးပေါင်းရင်းမြစ်များ

Isaya 59:16

Nayo yakwizina kuwona vyono hasina munhu hamba monga mono yakuwataziza wono wakwiwonelwa. Holeka nayo luno kokwitumamila vilungo vyakwe yawaponye, yawe no wusume.

Yelemiya 2:11

Vyono hasina hamba likungugo linji lyo lyose, lyono lyakondya kuyikawaniza milungu yalyo muli lyene, hamba yiwe milungu yiyo si ya mbeka yaye. Ninga i wanhu wangu wakondya kundeka'ne, no Mulungu mono nawaletela lilumbo, wakayityatya i milungu yono si yosuma hamba kuwataza cinji yaye.

Matayo 4:23

Yesu yapilimaga mose mu yisi ya Galilaya, yakwijiza mu matang'anilo go wuhembelo, no kuluganula u Luganuzi Luswanu lo Wutemi wo Mulungu. No kuponya i mawala gose go wutamwa no wunyenyanjice wa muli wanhu.

Matayo 8:10

Nayo Yesu yaza kuzihulika zizo, yakezina muno, yakawalonjela iwanhu wono wamutyatyaga, yakatya, “Mbeka nghumulonjelenyi, vyono nghali si namuwona munhu wo wose mu Waisilayeli mono yena u wihuwilo wono winha wuwu.

Matayo 9:35

Nayo Yesu yakagajendela i makaya gose ne vitumbi, yakawa kwijiza mu matang'anilo gawo go wuhembelo no kuganula u Luganuzi Luswanu lo Wutemi wo Mulungu, hamonga no kuponya imatamwa gose go wusocele we mawala gose.

Maluko 1:39

Ale, yakapilima hanhu hose mu Galilaya, yakuganula mu matang'anilo gawo go wuhembelo no kulavya macisi.

Maluko 10:1

Nayo Yesu yakawuka baho, yakabita ku yisi ya Yudiya, sunga ko ku nhumbi nzagwe ye likolongo lya Yoludani. Ilipuga lye wanhu likamuziza kanyhi, nayo yakawejiza kanyhi nha vyono yali yazoweye.

Luka 13:22

Yesu yakajendelela no muhinzo wakwe yakubita ku Yelusalemi kuno yakukolela mu makaya na mu vitumbi, yakuganula.

Luka 4:31

Hanyuma Yesu yakabita kwitumbi lya Kapelanawumi, mu yisi ya Galilaya yakawa kuwejiza mwizuwa lye Sabato.

Luka 4:44

Yakawa kuganula mu matang'anilo go wuhembelo ga ku Yudiya.

Yohana 9:30

Munhu yuyo yakapitula yakawatya, “Ayi yo mbuko he, hono anye si mumumanyile kono yalawile, ninga kanuguza imeso gangu!

Metumo ge Watumwa 10:38

Yo Yesu wa Nazaleti, mono mumumanyile vyono u Mulungu yamwitila Muhe Mono Yelile ne vilungo. U Mulungu yali yali hamonga nayo, umwene yakola ako na ako yakwituma viswanu, no kuwaponya wose wono wagazagwa na Setani.