Maluko 6:41 - Luganuzi Luswanu Kuli Wanhu Wose 2002

⁴¹ Hanyuma yayo Yesu yakayisola i mikate yiyilya mihano ne zisomba zizilya zinyejete, yakagalamila kucanyha, yakamulumba Mulungu, yakayibegula i mikate, yakawapela i wejizwa wakwe wawagawile wanhu. Ne zisomba zizilya zinyejete nazo yakawagawila wose.

I CILAGANE CIPYA 1991

⁴¹ Hanyuma yayo Yesu yakayisola i mikate yiyilya mihano ne zisomba zizilya zinyejete, yakagalamila kucanyha, yakamulumbo Mulungu, yakayibegula i mikate, yakawapela i wejizwa wakwe wawagawile wanhu. Ne zisomba zizilya zinyejete nazo yakawagawila wose.

Maluko 6:41 ပူးပေါင်းရင်းမြစ်များ

Matayo 14:19

Yakawalajiliza i wanhu wekale hasi mu mahanze, Mwene yakayisola yiyilya i mikate mihano, hamonga ne zisomba vyono nyejete, yakagalamila ku wulanga, yakamulumba Mulungu. Hanyuma yakayibegula yiyo i mikate yakawapela i wejizwa wakwe, nawo wakawapela wanhu.

Matayo 15:36

Nayo yakayisola i mikate yiyilya, mupunghati, hamonga ne visomba vivilya, yakamulumba Mulungu, yakavibegula, yakawapela i wejizwa wakwe, nawo wakawagawila wanhu.

Matayo 26:26

Na lono walizaga, Yesu yakawusola mukate, yakalumba, yakawubegula, yakawapela iwejizwa wakwe akuno yakutya, “Ale solenyi mulye, awu wo muwili wangu.”

Maluko 14:22

Na lono walizaga, Yesu yakasola mukate, yakalumba, yakawubegula no kuwapela wejizwa wakwe akuno yakutya, “Solenyi awu wo muwili wangu.”

Maluko 6:40

Nawo wakekala hasi vipuga vipuga vya wanhu igana limonga limonga, na vye wanhu makumi mahano mahano.

Maluko 6:42

Ne wanhu wose wakalya, wakeguta.

Maluko 7:34

Hanyuma yayo yakagalamila kucanyha ku wulanga, yakang'ula, yakamutya, “Efata, wo wutya, Diguka.”

Maluko 8:19

i cidaha cilya lono nayibegula mikate yiyilya mihano, no kuwapela wanhu elufu yihano? Wulenyi, mwatondola nhoto yilinga zono zali zimemile vibegulwa vyono vyasigala?” Wakamutya, “Ikumi na nyejete.”

Luka 24:30

Kukawa, lono yali vikalane nawo ha ndigwa, yakawusola mukate, yakawulugutiza, yakawubegula, yakawapela.

Luka 9:16

Baho Yesu yakayisole mikate yiyilya mihano, ne zisomba zinyejete, yakagalamila ku wulanga, yakamulumbo Mulungu, yakavibegula, yakawapela wejizwa wakwe wawagawile wanhu.

Yohana 11:41

Hodu, wakawa kuliwusa libwe. Nayo Yesu yakagalamila ku wulanga, yakatya, “Baba nghukulumba vyono agwe wukuhuliciza ane.

Yohana 17:1

Yesu yaza kukondya kulonga zizo, yakagalamila kucanyha ku wulanga yakatya, “Baba icidaha cafika! Ale wumukumyaje mwanago, nayo mwanago ho yakukumye.”

Yohana 6:11

Baho Yesu yakayisola i mikate yiyilya, yakamulumbo Mulungu, yakawagawila wanhu wono wali wekaye, ne zisomba nhavivyo, na wose wakatuga munhu ha nghango yakwe.

Yohana 6:23

zingalawa zinji zikalawa ku Tibeliya, zikafika behi na baho hono wanhu walila mikate mu cipango cono Muwaha yamulumbila Mulungu.

Metumo ge Watumwa 27:35

Yaza longa zizi, yakasola mukate, yakamulumbila Mulungu hali wene wose, yakawubegula, yakanza kulya.

Walumi 14:6

Mono yakulikumbucila lizuwa, yakulikumbucila ku soko yo kumukumya u Muwaha, nayo mono yakulya ndigwa yo wutunga, yakunoza nhavivyo so kumukumya u Muwaha, hambi nha yakumulumba u Mulungu. Nhavivyo mono si yakulya indigwa yo wutunga, yakunoza nhavivyo ku soko yo kumukumya Muwaha, nayo nhavivyo yakumulumba u Mulungu.

1 Wakolinto 10:31

Holeka muli yo yose yono mukwituma, hono yiwe kulya zindigwa, hamba kung'wa, ale mwitumaje zose ku soko yo lukumyo lo Mulungu.

Wukumbucize wo Wulajilize 8:10

Nanye mosuma kulya co cose cono mosaka kulya, ninga mumulumbe Muwaha Mulungu, u Mulungu wenyu, so yisi yiyo swanu yono yamupelenyi.”

Wakolosayi 3:17

Na zose zono mukwituma, mu wulonje, hamba mu witume, mwitumilaje zose mwitagwa lyo Muwaha Yesu, akuno mukumulumbila u Mulungu Baba muli mwene.

1 Samwili 9:13

Na lono mukwinjila du mu cikaya, ale momuwona. Hambi nayo nha kaza baha du izuwali. Ne wanhu wolavya likumbiko mu cikumbicilo mwi'tunda. Ne wanhu wono walalikwe, hamba si wosuma kwanza kulya, sunga mwene yaze. Hambi nha yimunojeye yamule yalilugutize likumbiko. Na hono mwiyohe, momwagana yakali hamba si nabita kuko kwi'tunda ku wulya zindigwa.”