Maluko 6:20 - Luganuzi Luswanu Kuli Wanhu Wose 2002

²⁰ Na Helode yamogopaga Yohana, hambi nha yali yamanyile vyono mwene yali munhu we ling'ani kanyhi yelile, holeka yakamukamisa. Helode yali yendile kumuhuliciza Yohana, hamba yiwe kolo yamuhuliciza, yagazikaga muno.

I CILAGANE CIPYA 1991

²⁰ Na Helode yamogopaga Yohana, hambi nha yali yamanyile vyono mwene yali munhu we lingʼani kanyhi yelile, holeka yakamukamisa. Helode yali yendile kumuhuliciza Yohana, hamba yiwe kolo yamuhuliciza, yakagazika muno.

Maluko 6:20 ပူးပေါင်းရင်းမြစ်များ

1 Watemi 21:20

Nayo Ahabu yali yeza kumuwona Eliya yakuza, yakamutya, “Alu langa izuwali, wanyibata go mulugu wangu.” Nayo Eliya yakamutya, “Heya nakwibata. Hambi nha kwiyendela gwegwe go mweneco kwituma zimbi hali Muwaha Mulungu.

2 Watemi 13:14

U muwizi Elisha, yakawa yatamwa muno wutamwa wono womutegula sunga ku wufwe. Na lono Elisha yali yagonile so mhungo, Yowashi u mutemi wa Yuda yakaza kumulanga. Yali yeza mwagana, yakamulilila muno yakutya, “Gwe baba! Gwe baba! Hambi nha wali wuli mudimi we vilungo muno we wa Isilayeli!”

2 Watemi 6:21

Nayo mutemi wa Isilayeli yakatya, “Alu Elisha, niwawulagaje wanhu wawa hamba ng'o?”

2 Zinghomo 24:2

Nayo Yowashi, mu vilo vyo wutemi wakwe yaketuma zono zamwendezaga Muwaha Mulungu, mu vilo vyose vyo wikale wa Yehoyada mukohani, lono yakali mumi.

2 Zinghomo 26:5

Na mu mapango gose, lono Zekaliya yali yakali mumi, mono yamutazaga muli ze nghani yo Mulungu, Uziya yakamwitumamila Muwaha Mulungu ko wihuwilwa, na ku soko yiyo, nayo Mulungu yakamulugutiza.

Wutuluce 11:3

Nayo Muwaha Mulungu yakawapela Waisilayeli wendezwe kuli Wamisili. Nayo yili mbeka, vyono wetumami wo mutemi, hamonga ne wanhu wose wa Misili, wamuwonaga Musa nha vyono munhu muwaha mu yisi ya Misili.

Ezekiyeli 33:32

Na langa, ta! Agwe lu kuli wene weza kotya lwimbo luswanu muno, lwa munhu mono yena yizi lyono likuwendeza, mono yakusuma kutowa lisumbi viswanu, wakuzihulika zinghani zako, ninga hamba si wakuzituma yaye.

Danyeli 4:18

Baho mutemi Nebukadineza yakamutya Beliteshaza, “Ayino yo ndoto yono ndotile. Holeka lu Beliteshaza, wundolosezaje nhunizo ye ndoto yiyi. Hambi nha hasina yunji wa muli we mahala wa mu wutemi wangu, mono yasumile kundoloseza. Ninga agwe, kosuma kundoloseza, vyono muhe we milungu yono yelile yili muli gwegwe.”

Danyeli 4:27

Holeka Gwe mutemi, nghukunena wibataje nghani yangu yono nghukupela, nghutya nhavi, ‘Wulecele lukulu kwituma wubi, langa wanze kwituma ze ling'ani, kanyhi weze kuwawonela lusungu i waciwa.’ Baho ho kojendelela kwikala viswanu hamonga ne nyemo mu vilo vyose vyo wikale wako.”

Danyeli 5:17

Danyeli yakapitula yakatya, “Gwe mutemi, vipegwa vyako wikalaje navyo du, hamba lunji wumupelaje munhu wo wose. Ninga ane, nokusomela bwete du mandiko gaga, no kukuloloseza ze nhunizo yayo, gwe go mutemi.

Matayo 14:5

Holeka Helode yasakaga yamuwulaje Yohana, ninga hamba nhavivyo yawogopaga wanhu, vyono i wanhu wose, kuli wene, Yohana yali muwizi.

Matayo 21:26

Na hono citye, ‘Walawa kuli wanhu,’ baho naho cikogopa i lipuga lye wanhu, hambi wose nha wamuvumiye Yohana nha vyono u mwene yali muwizi.”

Maluko 11:18

Nawo Iwakohani wawaha ne wejizi wo Wulajilize, wali weza kuzihulika zizo, wakanza kulondola nzila yo kumongomezeza. Ninga hamba nhavivyo wamogopa, ku soko i lipuga lye wanhu likezina muno so mejizo gakwe.

Maluko 4:16

I wanhu wanji wehwanile nhe zimbeyu zilya zono zagwila mu mabwe. Kolo wakuyihulika inghani yiyo wakuyibocela mbela mbela na nyemo.

Yohana 5:35

Yohana yali yenha tala yono yikwaka no kumulika, nanye mukawa mwiwikanize kuwusangalalila u wuzelu wuwo kwa cidaha.

Metumo ge Watumwa 2:12

Wose wakezina no kugazika akuno wakwiwuza, “Alu nye, cici co cici?”

Metumo ge Watumwa 5:24

U Muwaha we walindilizi we Nyumba yo Mulungu ne wakohani wawaha, waza hulika zizi, wakawa na mahwele, hamba kumanya zono ziwatujile.