Maluko 5:7 - Luganuzi Luswanu Kuli Wanhu Wose 2002

⁷ akuno yakulonga kwe'zi 'waha yakutya, “Gwe, Yesu, go Mwana wo Mulungu Mono Yalawiliciye, alu wina nghanici nane? Mwi'tagwa lyo Mulungu, nghulomba wulece kungaza!”

I CILAGANE CIPYA 1991

⁷ akuno yakulonga kweʼzi waha yakutya, “Gwe, Yesu, go Mwana wo Mulungu Mono yalawiliciye, alu wina nghanici nane? Mwitagwa lyo Mulungu, nghulomba ulece kungaza!”

Maluko 5:7 ပူးပေါင်းရင်းမြစ်များ

Mwamulizo 3:15

Nane nowika wisule hagati yako no mucekulu yuyu, na hagati yo lulelo lwako no lulelo lwakwe, wowa wali wulugu. Lolokutijinha u mutwe, nagwe kolomuluma mu cising'anilo.”

1 Watemi 22:16

Ninga Ahabu yakamupitula Mikaya yakamutya, “Gwe Mikaya, hono wuwe wukulonganila nane mwi'tagwa lyo Muwaha Mulungu, yikunojeye wunonjele ze mbeka! Ne nghani yiyi nha nghulonjeye kali kenji muno?”

Hoseya 14:8

Waisilayeli, wowa wasina kanyhi cinji co kwituma kuli vihwani, nolowupitula no wulombe wawo no kuwadima nolowacitiza no mubeho kotya mubici wono wudedewaye. Hambi nha yo nene mono nili mwamulizo wo wulugutwe wawo wose.”

Matayo 16:16

Simoni Petelo yakapitula yakatya, “Agwe yo gwegwe Kilisito u Mwana wo Mulungu mumi.”

Matayo 26:63

Ninga Yesu yakanyamala twii du. Nayo u Mukohani Muwaha yakamutya, “Nghukwilahiza kuli u Mulungu mumi, wucilonjelaje hono yo gwegwe Kilisito u Mwana wo Mulungu!”

Matayo 4:3

Hobaho Setani yakawa kumuziza, yakamutya, “Hono yo gwegwe Mwana wo Mulungu, ale wulonje i mabwe gaga gawe mikate.”

Matayo 8:29

Nawo wakawa kwanza kuzoza wakutya, “Alo cina nghanici nagwe go Mwana wo Mulungu? Alo kuza akuno ho wucigaze na lono icidaha cikali si nafika?”

Maluko 1:24

yakazoza, yakutya, “Alu wina nghanici nase, agwe Yesu wa Nazaleti? Alo kuza ho wucongomeze? Nghumanyile vyono wuli nani, yo gwegwe mono welile wo Mulungu!”

Maluko 14:61

Ninga u mwene yakanyamala twii, hamba kulonga cinji. Mukohani Muwaha yakamuwuza kanyhi yakutya, “Ma, alu yo gwegwe Kilisito. U mwana wo Mulungu Mulugutizwe?”

Maluko 3:11

Ne wanhu wono wali wena i macisi mavu, waza kumuwona, wakagwa hali mwene no kuzoza, wakutya, “Agwe yo gwegwe Mwana wo Mulungu!”

Maluko 5:6

Nayo yaza kumuwonela Yesu kutali, yakamumanyhilila, yakamuhemba,

Maluko 5:8

(Nayo yalonga nhavivyo vyono Yesu yali yamulonjela yatya, “Go licisi lyavu, wulawile muli munhu ayu.”)

Luka 1:32

Mwene kowa Muwaha, nayo kocemwa mwana wo Mulungu Mono Yalawiliciye, no Muwaha Mulungu, komupela ligoda lyo sogwe Dawudi;

Luka 4:34

“Gwe Yesu wa Nazaleti, cina nghanici nagwe? Alo kuza wucongomeze? Nghumanyile gwegwe yo nani, yo Gwegwe Mono welile wo Mulungu.”

Luka 6:35

Vyo si yinha, ninga muwendaje walugu wenyu, muwatendelaje viswanu, mweze kuwakopesa, kuno si mukulanjilila kugomolelwa. No wuhumbilizwe wenyu wowa wuwaha, nanye mowa wana wo Mulungu Mono Yalawiliciye Muli Vyose: hambi mwene nha muswanu kuli wono wasina lilumbo na kuli wabi.

Luka 8:28

Yaza kumuwona Yesu, yakazoza, yakagwa hali mwene, yakabalaluka na lizi yiwaha yakatya, “Alo wina nghanici nase, Yesu go Mwana wo Mulungu Mono Yalawiliciye Muli Vyose? Nghukunena wulece kungaza.”

Yohana 20:31

Ninga azino zandikwa, ho mwihuwile vyono Yesu yo Kilisito, u Mwana wo Mulungu, na mu wihuwilo wenyu wuwo, ho mutuje wumi muli mwene.

Metumo ge Watumwa 16:17

Hodu, muhinza yuyo, yakawa kumutyatya Pawulo na sese, akuno yakuzoza, yakutya, “Wanhu awa wo wetumami wo Mulungu Mono yalawiliciye Muli vyose, wono wakumuganulilenyi nzila ye mhonelo.”

Metumo ge Watumwa 19:13

Ninga Wayahudi wanji walavya macisi, wajendajendaga ako na ako, wakujela kulitumamila i litagwa lyo Muwaha Yesu kuli walya wono wali wena macisi mavu. Wakawa kutya, “Nghumulajilizenyi mwi'tagwa lya Yesu mono Pawulo yakumuganula.”

Metumo ge Watumwa 8:36

Na lono wali wakali wajendeleye no muhinzo, wakafika hanhu hono hogali malenga, na yuyo munhu yakatya, “Langa ta, aga malenga, wule ho cili cono cikunyimila ho ndece kubaputizwa?” [

Walumi 16:20

Nayo u Mulungu mono yo mwamulizo wo mulamu, sikocela kumuponda Setani hasi ye migulu yenyu. Ilihewa lyo Mutwa, wetu Yesu Kilisito, liwezane nanye.

Wahebelaniya 2:14

Alu nha vyono yinha, i wana wawo nha vyono mwene yakuwacema, wo wanhu wono wena muwili ne sakami, nayo Yesu mweneco, yakawa nha vyono wenha wene, nayo yakasola i hwani yawo yakawa munhu. Yanoza nhavivyo, ho yiwe so wufwe wakwe, yamusumile lukulu Setani, mono yena i vilungo vye lifwa,

Wahebelaniya 7:1

Melicizedeki yali mutemi wa Salemi, kanyhi yali Mukohani wo Mulungu Mono Yalawiliciye Muli Vyose. Nayo Abulahamu lono yalawaga ku wulugu kono yawawulaga i watemi, Melicizedeki viketang'anila nayo, yakamuluguta,

Yakobo 2:19

Ma, agwe wukwihuwila vyono Mulungu yo yumonga? Viswanu! Ninga hamba ne macisi nago gehuwiye nhavivyo, na kuno gakucicima so woga.

2 Petelo 2:4

Na lono wamalayika wetumila u wubi, u Mulungu si yawawonela lusungu yaye, langa yakawataga mu moto we Gehena, nawo wafunjigwe mumo walindiye Lizuwa lililya lyo wuling'anizwe.

1 Yohana 3:8

Ninga mono yakwituma wubi, yuyo yo wa Setani, hambi Setani nha ketumaga zo wubi ku wulawa mwamulizo. Ninga u Mwana wo Mulungu yakaza mononze ho yayihodanje i milimo ya Setani.

Yuda 1:6

Ne wamalayika wono si wawukamisa u wuwaha wawo, wakayileka ne nyikala yawo yono yiwanojeye, u Mulungu yawawopile ne manyolo ge cibitilila mu citi, sunga mwizuwa Liwaha lyo wuling'anizwe.

Wugubule 12:12

Holeka musangalale anye nyo wulanga, hamonga na vyose vyono vili mumo. Ninga woyi he kuli'nye nyo yisi ne lilenga, hambi Setani nha kamuzizenyi akuno yena ne likuwo yiwaha, hambi nha yamanyile vyono vilo vyakwe vyono visigaye vyaza vicefu.”