Maluko 5:36 - Luganuzi Luswanu Kuli Wanhu Wose 2002

³⁶ Ninga mwene Yesu hamba siyacelelela cono walonga, langa yakamutya muwaha we nhang'anilo yo wuhembelo, “Wulece kogopa, wihuwile du.”

I CILAGANE CIPYA 1991

³⁶ Ninga Yesu hamba siyacelelela cono walonga, langa yakamutya muwaha we nhangʼanilo yo wuhembelo, “Wulece kogopa, wihuwile du.”

Maluko 5:36 ပူးပေါင်းရင်းမြစ်များ

2 Zinghomo 20:20

No wusiku wali weza kwela, i mitondo yaco, hakali mitondo muno muno, i wanhu wose wakawa kubita ku nyika ya Tekowa. Nawo lono wali wakondya kwiwikaniza ho watuluce, mutemi Yehoshafati, yakawalonjela yakatya, “Anye nyo wanhu wa Yuda na Yelusalemi! Mumwitumbilaje Muwaha Mulungu, u Mulungu wenyu, kanyhi mweze mukamile. Kanyhi mwihuwile zinghani zono wawizi wakwe womulonjelenyi, nanye holeka motuga wuswanu.”

Matayo 17:20

Yesu yakawatya, “Ku soko yo wihuwilo wenyu wucefu. Nghumulonjelenyi mbeka, hono muwe mwina u wihuwilo wudodo du nha vyono yinha yi mbeyu ya haladali, mosuma kulilonjela i litunda lili, mukutya, ‘Wuwuce ahano, wubite ahalya,’ nalyo mbeka lyobita. Hasina nghani yo yose yono yali yiwe si yisumice kuli'nye. [

Matayo 9:18

Nayo Yesu lono yalongaga zizo, yakaza muwaha monga Muyahudi, yakamufugamila, yakutya, “Mwanangu we cicekulu katajika lulu baha. Ninga hamba nhavivyo nghukunena wuze wumuwicile muwoko wako, nayo kowumipa.”

Maluko 5:22

Baho yakaza yunji wa muli wawaha we nhang'anilo yo wuhembelo, litagwa Iyakwe Yayilo. Nayo yaza kumuwona Yesu, yakagwa hamwande ye magulu gakwe,

Maluko 5:34

Nayo Yesu yakamutya, “Go muhinza, wihuwilo wako wukuponya. Wubite wupolile, no wutamwa wako wuponele lukulu.”

Maluko 9:23

Yesu yakamutya, “Ati hono kosuma! Zose nha zisumice kuli munhu mono yena wihuwilo.”

Luka 8:50

Ninga Yesu yaza kuzihulika zizo, yakamulonjela Yayilo yakatya, “Wulece kogopa. Wihuwile du, nayo mwanago kopona.”

Yohana 11:40

Yesu yakamutya, “Alo si nghulonjela vyono hono wihuwile, kowona lukumyo lo Mulungu?”