Maluko 5:34 - Luganuzi Luswanu Kuli Wanhu Wose 2002

³⁴ Nayo Yesu yakamutya, “Go muhinza, wihuwilo wako wukuponya. Wubite wupolile, no wutamwa wako wuponele lukulu.”

I CILAGANE CIPYA 1991

³⁴ Nayo Yesu yakamutya, “Go muhinza, wihuwilo wako wukuponya. Wubite wupolile, no wutamwa wako wuponele lukulu.”

Maluko 5:34 ပူးပေါင်းရင်းမြစ်များ

2 Watemi 5:19

Nayo Elisha yakamutya, “Ale, wubite wupolile.” Naamani yakawa kutuluka. Nayo Naamani yali yeza kutelatela cidaha,

Muganuzi 9:7

Holeka, wubite wukalye ndigwa yako ko wusangalale, wukang'we ne divayi yako ne nhumbula yono wusangalaye, hambi Mulungu nha yakondya kuyilumbiliza milimo yako.

Walawi 14:48

Na hono mukohani yaze yayilanje kaya yiyo, nayo yawone vyono mumvulya si wuwuyajiye kanyhi yaye, hodu mukohani yayanze kaya yiyo vyono yakondya kwezwa. Hambi mumvulya nha wakondya kuwucila lukulu.

Matayo 9:2

Na baho, iwanhu wakamuletela munhu yumonga mono yali yadejepe u muwili wakwe, yali yagonile mu citanda. Nayo Yesu yaza kuwuwona u wihuwilo wawo, yakawa kumulonjela yuyo u munhu mono yali yadejepe, yakamutya, “Ale wisindamikaje mwanangu! Kunenelwa u wubi wako.”

Matayo 9:22

Yesu yakapituka yakamuwona, yakamutya, “Go muhinza, wisindamice! Wihuwilo wako wukuponya.” Nayo u mucekulu yuyo yakawa kupona mu cidaha cico du.

Maluko 10:52

Nayo Yesu yakamutya, “Ale wubite, wihuwilo wako wakuponya.” Lo lulolulo yuyo we cibofu yakasuma kuwona kanyhi, nayo yakamutyatya Yesu mu muhinzo.

Maluko 3:10

Yali yawaponya wanhu wenji, ne watamwa wose wamumemelelaga ho wamupamize.

Maluko 5:29

Hodu, yakawa kucipamiza i civwalo ca Yesu, no wuzaze wakwe we sakami, wukawa kuduma lwa kamonga, nayo yakehulika mu muwili wakwe nha vyono yaponywa wutamwa wakwe.

Maluko 5:33

Baho umucekulu yuyo, vyono yali yamanyile zono zimuweye, yakaza akuno yakucicima so woga, yakagwa hamwande ya Yesu no kulonga ze mbeka zose.

Luka 17:19

Hanyuma yakamutya yuyo munhu, “Winuce wubite, wihuwilo wako wukuponya.”

Luka 18:42

Yesu yakamutya, “Ale wuwone, Wihuwilo wako wukuponya.”

Luka 7:50

Nayo Yesu yakamutya u mucekulu, “Wihuwilo wako wukuponya; wubite wupolile.”

Luka 8:48

Yesu yakamutya, “Go muhinza, wihuwilo wako wukuponya, wubite wupolile.”

Metumo ge Watumwa 14:9

U munhu yuyo, yamuhulicizaga Pawulo lono yaganulaga. Nayo Pawulo yakamulanga muno, na yaza kumuwona vyono yena wihuwilo wo kusuma kuponywa,

Metumo ge Watumwa 15:33

Waza kuwa wekala kuko yidaha-daha, we zindugu wa Antiyokiya wakawelaga, no kuwaleka wabite wapolile, nawo wakawa kuwuya sunga kuli walya wono wawatuma. [

Metumo ge Watumwa 16:36

U musilikale mulindilize jela, yakamusimuliziza Pawulo zinghani zizi, yakutya, “Iwahakimu watumwa, wakutya muwopolelwe. Holeka mulawile mubite mupolile.”

Yakobo 2:16

Cowa cambuzici kuli'nye co kuwatya wawo, “Bitenyi mupolile mukote moto, mwigute,” hamba simukuwapela visakwa vyawo vyono wakuhila mu mikalile yawo?

1 Samwili 1:17

Nayo Eli mukohani, yakamutya Hana, “Ale wubite wupolile, nayo Mulungu wa Isilayeli yakupele cico cono wumulombile.”

1 Samwili 20:42

Hanyuma Yonazani yakamulonjela Dawudi yakatya, “Ale, Mulungu yawe hamonga nagwe. Kanyhi Muwaha Mulungu kocipela wusume wo kukamisiza wilahize wetu, agwe na nene, sunga ne wanago hamonga ne wanangu, wose ciwukamise.” Hodu, Dawudi yakawa kutuluka yakawa kubita, nayo Yonazani yakawa kuwuya kwi'kaya.